Hjörvar með AM-áfanga þrátt fyrir að tvær umferðir séu eftir

 

Hjörvar Steinn Grétarsson (2422) náði sínum fyrsta áfanga að alþjóðlegum meistaratitli í dag í Búdapest.  Hjörvar gerði jafntefli við ungverska alþjóðlega meistarann Oliver Mihok (2454) í dag og hefur hlotið 5 vinninga í 7 skákum ení áfangann þarf 5 vinninga í 9 skákum.  Hjörvar hefur möguleika a að ná krækja sér í stórmeistaraáfanga en til þess þarf hann að vinna báðar skákirnar sem eftir eru en hann á eftir að mæta tveimur stórmeisturum.  Daði Ómarsson tapaði fyrir enska FIDE-meistaranum Mark Lyell (2171) en Nökkvi vann Ungverjann Gyula Lakat (1899).   Daði hefur 3,5 vinning en Nökkvi hefur 4,5 vinning.  Þeir hafa báðir teflt 8 skákir.  

 

Hjörvar er efstur í sínum flokki, Daði er í 7.-10. sæti og Nökkvi er í 4.-5. sæti.

Í SM-flokki sem Hjörvar teflir í eru meðalstign 2412 skákstig.  Hjörvar er nr. 6 í stigaröð 10 keppenda.  Í AM-flokki, sem Daði sem teflir í eru meðalstigin 2247 skákstig.  Daði er nr. 9 í stigaröð 12 keppenda.  Í FM-flokki sem Nökkvi teflir í eru meðalstigin 2039 skákstig.  Nökkvi er stigalægstur 12 keppenda.

• Heimasíða First Saturday-mótsins
• Chess-Results