Henrik með 4 vinninga eftir 5 umferðir

Stórmeistarinn Henrik Danielsen (2545) vann báðar skákir sínar í dag og er með 4 vinninga af 5 á Copenhagen Chess Challenge. Hann er í 2.-6. sæti á mótinu, en efstur er sænski stórmeistarinn Stellan Brynell (2486) með 4½ vinning.

Kollegi hans, Þröstur Þórhallsson (2392),  fékk hálfan vinning úr viðureignum dagsins og er með 3 vinninga. Atli Jóhann Leósson (1673) og Óskar Long Einarsson (1560) tefldu báðir gegn stigahærri andstæðingum. Atli gerði jafntefli í fyrri skákinni við Torill Skytte (1993) en tapaði þeirri síðari gegn Agata Halamus (2047). Hann er með 1½ vinning. Óskar tapaði sínum skákum gegn mun stigahærri andstæðingum og er með 1 vinning. 

Á morgun verða tefldar 6. og 7. umferð.

Henrik hefur svart í sjöttu umferð gegn Mads Andersen (2431), en Þröstur hefur svart gegn Lennart Ootes (2194). 

Ávallt eru tefldar tvær umferðir á dag.  Umferðirnar hefjast kl. 8 og 15.  Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.

• Heimasíða mótsins
• Skákirnar í beinni
• Chess-Results