Úrslitaeinvígi Íslandsmótsins í atskák fer fram í kvöld

Úrslitaeinvígi Íslandsmótsins í atskák fer fram föstudagskvöldið, 13. maí.  Stórmeistarinn Þröstur Þórhallsson og Hjörvar Steinn Grétarsson mætast í úrslitum.  Að þessu sinni fer einvígið ekki fram í sjónvarpi.  Kapparnir tefla í húsnæði Skáksambandsins, Faxafeni 12 og eru áhorfendur velkomnir.   Einvígið hefst kl. 19.  Einvíginu verður varpað upp á risaskjá í Billiardbarnum sem er hliðina á Skáksambandinu en verður ekki sýnt beint á netinu.

Helgi Ólafsson, forfallast sem skákskýrandi, en en við hans hlutverki tekur enginn annar en stigahæsti skákmaður þjóðarinnar, Jóhann Hjartarson.  Hann mun fara yfir það sem er að gerast í skákinni jafnóðum.  Ingvar Þór Jóhannesson ætlar einnig að mæta með tölvuforrit og greina frá því hvað tölvuforritin segja um gang mála jafnóðum. 

Áhugamenn geta því ýmist fylgst með skákinni beint og fylgst með skýringum Jóhanns og Ingvars.