Landsliðsflokkur: Sjötta umferð hafin

Fimmta umferð landsliðsflokks hófst nú kl. 14 á Eiðum.  Allar skákir dagsins eru sýndar beint nú sem endranær.   Ein af þeim skákum sem gætu ráðið úrslitum viðureign Braga Þorfinnssonar og Henrik Danielsen fer nú fram en Bragi er efstur ásamt Héðni með 4,5 vinning en Henrik er skammt undan með 4 vinninga.  Héðinn teflir við Róbert Lagerman.  Glóðvolgar myndir frá upphafi umferðarinnar má finna í myndaalbúmi mótsins.

Sem fyrr héldu sumir skákmannanna sinni rútínu og fóru á Kaffi Egilsstaði í gær og horfðu þar á lítt spennandi leik KR og Stjörnunnar.  Það endaði með því að flestir fóru hinum megin á barinn og horfðu frekar á leik Man Utd. og Newcastle þar sem spennan var mun meiri og þar hittum við fyrir eina aðdáanda Newcastle á Austfjörðum sem var verulega kátur í leikslok.  Í kvöld er stefnan sem fyrr tekin á KE.  Þar verður sýndur beint bikarúrslitaleikur Barcelona og Real Madrid í spænsku bikarkeppninni.

Austfirðingar stjana við okkur gestina og sjá til þess að okkur vanhagi um ekkert.  Fyrirmyndar utanumhald hjá Guðmundi Ingva og félögum í Skáksambandi Austurlands.  Á morgun ætlar að SÍ að bjóða keppendum að borða í sumarbústaði í eigu Landsbankans sem er rétt fyrir utan Egilsstaði.  Það er enginn annar en Gúrme-maðurinn Róbert Lagerman sem ætlar að sjá um eldamennskuna.    

Staðan fyrir umferðina:

 

Rk.		Name	Rtg	Pts.	TB1	Rp	rtg+/-
1	IM	Thorfinnsson Bragi	2417	4,5	7,75	2711	15,3
2	GM	Steingrimsson Hedinn	2554	4,5	6,25	2674	4,9
3	GM	Danielsen Henrik	2533	4	7,25	2582	3,2
4	GM	Thorhallsson Throstur	2387	2,5	7,25	2456	4,6
5	IM	Kristjansson Stefan	2483	2,5	5,25	2399	-5,6
6	FM	Lagerman Robert	2320	2	4,5	2340	1,6
7		Gislason Gudmundur	2291	1,5	2,5	2208	-8,9
8	IM	Kjartansson Gudmundur	2327	1,5	1,5	2233	-6,6
9	FM	Johannesson Ingvar Thor	2338	1	1,75	2180	-14,6
10		Halldorsson Jon Arni	2195	1	1,5	2184	-2

 

 

 

• Heimasíða mótsins
• Chess-Results
• Beinar útsendingar (landsliðsflokkur)
• Myndaalbúm mótsins
• Búnar útsendingar (áskorendaflokkur - hefst kl. 18)