Aldursforsetinn með yfirburði

Mánudagsmótin hjá KR-klúbbnum er að sögn kunnugra þau allra mögnuðustu sem gerast og ekki heiglum hent að etja þar kappi. Telfdar eru 13 umferðir í striklotu með 7 mínútna umhugsunartíma. Þetta þætti kannski ekki mikið ef þátttakendur væri ekki að uppistöðu til flestir komnir vel til ára sinna og sumir á áttræðisaldri.  Sá sem er einna snjallastur að jafnaði er fyrrv. Íslandsmeistari í skák og knattspyrnu, Gunnar Kr. Gunnarsson, sem er að verða 78 ára og gefur Kortsnoj ekkert eftir svo endingargóður sem hann er við skákborðið.

Sl. mánudagskvöld sigraði GunniGunn eina ferðina enn með yfirburðum, hlaut 12.5 vinninga úr 13 skákum og geri aðrir betur.  Í öðru sæti varð Birgir Berndsen með 9.5.v og síðan kom Sigurður A. Herlufsen næstur með 8.5 v. Þátttakendur voru alls á þriðja tug og 17. maður með 6 vinninga, sem segir nokkuð um hversu keppnin var tvísýn og skemmtileg. Sjá má nánari úrslit á www.kr.is (skák).

Myndaalbúm