EM einstaklinga hafið - 3 íslenskir keppendur

EM einstaklinga hófst í dag í Aix les Bains í Frakklandi.  Þrír Íslendingar taka þátt, stórmeistarinn Hannes Hlífar Stefánsson (2557), alþjóðlegi meistarinn Bragi Þorfinnsson (2417) og Lenka Ptácníková (2307), stórmeistari kvenna.  Í fyrstu umferð, sem hófst í dag, teflir Bragi við franska stórmeistarann Laurent Fressinet (2693), Lenka við armenska stórmeistarann Arman Pashikian (2642) og Hannes við Ítalann Corrado Astengo (2119).  Skák Braga er sýnd beint hér. 

Mótið er ægisterkt.  Alls taka 400 skákmenn þátt og þar af 164 stórmeistarar, 65 alþjóðlegir meistarar og 4 stórmeistarar kvenna.  Íslendingar eiga þarna flesta fulltrúa Norðurlandaþjóða eða 3 talsins en Danir og Norðmenn hafa 2 keppendur hvor þjóð og Svíar, Finnar og Færeyingar einn hver þjóð.  Hannes er nr. 117 í stigaröð keppenda, Bragi er nr. 209 og Lenka er nr. 249.

 

• Heimasíða mótsins
• Beinar útsendingar
• Chess-Results