Sigurður Arnarson sigraði í TM mótaröðinni

Lokaumferð TM mótaraðarinnar fór fram í gær. Átta keppendur mættu til leiks og tefldu tvöfalda umferð, allir við alla.  Staðan í mótaröðinn fyrir umferðina var þannig að Sigurður Arnarson var langefstur, 9,5 vinningum á undan næsta manni. Sigurður Eiríksson var annar og Tómas Veigar þriðji, hálfum vinningi á eftir Sigurði.

Umferðin var jöfn og spennandi, en Sigurður Arnarson hafði að lokum sigur eftir að hafa teflt úrslitaskák við Tómas Veigar, en þeir voru jafnir að vinningum fyrir síðustu umferð. Sigurður hafði betur í skákinni og endaði með 11 vinninga af 14. Tómas Veigar kom næstur með 10 vinninga og Sigurður Eiríksson var með 9,5.Sigurður Arnarson sigraði örugglega í heildarkeppninni, fékk 55,5 vinninga og var 11 vinningum á undan næstu mönnum. Feðgarnir Tómas Veigar og Sigurður Eiríksson komu hnífjafnir í mark með 44,5 vinninga hvor og deila því 2.-3. sætinu. Smári Ólafsson er í fjórða sæti með 26 vinninga úr fjórum umferðum og Jón Kristinn Þorgeirsson er í fimmta sæti með 22,5 vinninga, einnig úr fjórum umferðum.

Úrslit 6. umferðar:

Sigurður Arnarson                                                     11 vinningar af 14
Tómas Veigar Sigurðarson                                        10
Sigurður Eiríksson                                                     9,5
Jón Kristinn Þorgeirsson                                           9
Sveinbjörn Sigurðsson                                               7
Atli Benediktsson                                                     4,5
Karl Egill Steingrímsson                                           4
Bragi Pálmason                                                         1

Töflur á heimasíðu SA