Hrund og Nansý Íslandsmeistarar stúlkna (uppfært)

Hart var barist á Íslandsmóti stúlkna sem fram fór í húsakynnum Skáksambandsins. Rúmlega tuttugu stelpur voru mættar og tefldu átta umferðir í einum flokki en teflt var til verðlauna í yngri og eldri flokki. Nær allar sterkustu skákstelpur landsins á grunnskólaaldri voru mættar til leiks. Hrund Hauksdóttir sýndi nokkra yfirburði yfir aðra keppendur og hafði tryggt sér Íslandsmeistaratitilinn í eldri flokki fyrir síðustu umferð. Í yngri flokki áttu nokkrar stelpur möguleika á titlinum fyrir síðustu umferð. Tara Sóley Mobee hafði komið á óvart og bæði unnið Veroniku Steinunni og Nansý Davíðsdóttur. Hún mætti Sóley Lind Pálsdóttur í síðustu umferðinni og þurfti að lúta í lægra haldi. Því leit allt út fyrir umspil þriggja skákstelpna, Veroniku, Sóleyjar og Töru þar sem Veroniku hafði unnið sína skák. En í þann mund sem þetta var í uppsiglingu tók Nansý Davíðsdóttir upp á því sem engri stelpunni hafði tekist; að leggja forystusauð mótsins, Hrund Hauksdóttur, snyrtilega að velli með laglegri mátfléttu. Með þeim sigri sínum tryggði Nansý sér Íslandsmeistaratitilinn í yngri flokki. Fóru því báðir bikararnir rakleiðis upp í Grafarvog, og ekki þeir fyrstu um helgina.   Heildartaflmennskan á mótinu var með mikilli prýði og ljóst að ný kynslóð ungra skákkvenna lítur dagsins ljós. Hlýtur skákhreyfingin í heild sinni að leggja sig alla fram svo áfram megi fjölga í fríðum hópi íslenskra skákkvenna. Mikilvægi þátttöku kvenna í skák er ótvírætt um ókomna tíð.

Verðlaunahafar í eldri flokki:

1. Hrund Hauksdóttir 6½ v.
2. Donika Kolica 5 v.
3. Elín Nhung 4½ v.

Verðlaunahafar í yngri flokki:

1. Nansý Davíðsdóttir 6 v.
2. Tara Sóley Mobee 5½ v.
3. Veronika Steinunn Magnúsdóttir 5½ v.

Lokastaðan:

 

Röð	Nafn	Skákstig	Flokkur	Vinn.	Stig
1	Hrund Hauksdóttir	1515	Eldri	6½	39
2	Nansý Davíðsdóttir	0	Yngri	6	36½
3	Tara Sóley Mobee	0	Yngri	5½	40
4	Veronika Steinunn Magnúsdóttir	1400	Yngri	5½	38
5	Sóley Lind Pálsdóttir	1190	Yngri	5½	32
6	Donika Kolica	0	Eldri	5	37½
7	Hildur Berglind Jóhannsdóttir	1090	Yngri	4½	39½
8	Elín Nhung	1280	Eldri	4½	37½
9	Sonja María Friðriksdóttir	1105	Yngri	4½	31
10	Tinna Rúnarsdóttir	0	Yngri	4	36½
11	Svandís Rós Ríkharðsdóttir	0	Yngri	4	35
12	Sólrún Freygarðsdóttir	0	Yngri	4	33
13	Ástdís Aðalsteinsdóttir	0	Yngri	4	32
14	Sara Hanh	0	Yngri	4	27
15	Alísa Helga Svansdóttir	0	Yngri	4	25½
16	Tinna Sif Aðalsteinsdóttir	0	Yngri	4	22½
17	Honey Grace Bargamento	0	Yngri	3½	32
18	Ásdís Birna Þórarinsdóttir	0	Yngri	3	27
19	Heiðrún Hauksdóttir	0	Yngri	2	27
20	Ísey Rúnarsdóttir	0	Yngri	2	23
21	Alexandra Björk Magnúsdóttir	0	Yngri	1	27
22	Lilja Andrea Sabrisdóttir	0	Yngri	1	25½

 

• Myndaalbúm mótsins
• Chess-Results