Björn Ívar tvöfaldur Suðurlandsmeistari

Eyjapeyinn öflugi Björn Ívar Karlsson er Suðurlandsmeistari í skák og jafnframt Suðurlandsmeistari í hraðskák árið 2011.

Sjálfu Suðurlandsmótinu lauk í dag klukkan 13:23 þegar Magnús Garðarsson og Einar S.Guðmundsson sættust á jafnan hlut í síðustu skák mótsins.

það voru 26 keppendur sem tóku þátt í mótinu í ár og þar af  nokkrir sterkir skákmenn af höfuðborgarsvæðinu og einn frá Bolungarvík.

Björn Ívar hefur þar með náð að vinna titilinn annað árið í röð en árið 2009 var það Magnús Gunnarsson sem sigraði.  Þetta er í þriðja sinn sem teflt er um titilinn eftir að mótið var vakið úr dvala sem staðið hafði í svo sem eins og fjórðung úr mannsævi.

Sigurvegarinn hlaut 6 vinninga í 7 skákum, jafnir í 2.-3.sæti voru Sverrir Þorgeirsson og Guðmundur Gíslason, þeir voru báðir með 5,5 vinninga.  Örn Leó Jóhannsson varð fjórði með 5 vinninga.

Annað og þriðja sæti Sunnlendinga í baráttunni um Suðurlandsmeistaratitilinn hlutu Selfyssingarnir Magnús Matthíasson og Ingvar Örn Birgisson.

Selfyssingar vilja þakka öllum þeim sem þátt tóku, ungum sem öldnum og lengra að komnum sem styttra. 

Myndir frá mótinu má sjá í myndaalbúmi SSON.

Í hraðskákmóti Suðurlands sem fram fór að loknu móti urðu Sverrir og Björn Ívar efstir.  Þar sem Sverrir telst ekki Sunnlendingur er titilinn Björns Ívars.  Örn Leó varð þriðji.   Úrslit hraðskákmótsins má finna á Chess-Results.

Lokastaðan í sjálfu aðalmótinu.

 

Rk.	Name	Rtg	Pts.
1	Karlsson Bjorn Ivar	2211	6
2	Gislason Gudmundur	2360	5,5
3	Thorgeirsson Sverrir	2330	5,5
4	Johannsson Orn Leo	1940	5
5	Brynjarsson Eirikur Orn	1624	4,5
6	Andrason Pall	1720	4,5
7	Lee Gudmundur	1585	4
8	Vigfusson Vigfus	1999	4
9	Matthiasson Magnus	1806	4
10	Birgisson Ingvar Orn	1795	4
11	Jonsson Dadi Steinn	1590	4
12	Sverrisson Nokkvi	1805	3,5
13	Sigurdarson Emil	1720	3,5
14	Grantas Grigorianas	1710	3,5
15	Sigurdsson Birkir Karl	1560	3
16	Birgisdottir Inga	0	3
17	Gardarsson Magnus	1475	3
18	Jonsson sigurdur H	1868	3
19	Gudmundsson Einar S	1745	3
20	Sigurjonsson Bjorn Solvi	1910	3
21	Gislason Stefan	1685	3
22	Gautason Kristofer	1679	2,5
23	Siggason Thorvaldur	0	2
24	Einarsson Thorleifur	1525	1,5
25	Palmarsson Erlingur Atli	1420	1,5
26	Olafsson Emil	1325	1

 

• Heimasíða SSON

• Chess-Results