Rimaskóli vann örugglega Íslandsmeistaramót grunnskóla í stúlknaflokki

Tíu stúlknasveitir mættu til leiks á Íslandsmót grunnskólasveita í stúlknaflokki. Stúlkurnar í Rimaskóla sýndu umtalsverða yfirburði og unnu allar umferðirnar örugglega og hlutu 23 vinninga af 24 mögulegum. Langt er síðan að mótið vinnst með svo afgerandi hætti. Rimaskóli er ekki óvanur því að sigra á þessu Íslandsmóti því skólinn vann sex ár í röð á árunum 2003 - 2008.

Nú er skólinn kominn með nýjar afreksstúlkur, flestar kornungar en mjög efnilegar. Í öðru sæti á mótinu lentu stúlkurnar í Engjaskóla með 16 vinninga en báðir þessir skólar eru í Grafarvogi. Flestar skáksveitirnar komu úr Kópavogi og lentu stúlkurnar í Álfhólsskóla, sigurvegarar mótsins 2010, í 3. sæti með jafnmarga vinninga og Salaskóli fjórtán talsins en Álfhólsskóli hlaut 3. sætið á stigum. Þrír efstu skólarnir hlutu glæsilega bikara og verðlaunapeninga auk þess sem afhent voru borðaverðlaun í formi gjafabréfa á Dominos pítsu. Skákstjórar á mótinu voru þeir Kristján Örn Elíasson og Helgi Árnason stjórnarmenn Skáksambandsins.

Úrslit:

1. Rimaskóli          23    vinninga
2. Engjaskóli A      16
3. Álfhólsskóli A     14
4. Salaskóli           14
5. Árbæjarskóli      12,5
6. Engjaskóli  B      12,5
7. Hörðuvallaskóli   9,5
8. Smáraskóli        9
9. Kársnesskóli      6,5
10. Álfhólsslkóli B    3

 

Sveit Rimaskóla

• 1. borð  Hrund Hauksdóttir
• 2.         Nansý Davíðsdóttir
• 3.         Ásdís Birna Þórarinsdóttir
• 4.         Tinna Sf Aðalsteinsdóttir
• vm        Heiðrún Anna Hauksdóttir

Liðstjórar: Helgi Árnason og Sigríður Björg Helgadóttir

Sveit Engjaskóla

• 1. borð    Elín
• 2.           Honey
• 3.           Ásdís
• 4.           Eva
• vm         Stefanía

 

Liðsstjóri: Jóhann Stefánsson

 

Sveit Álfhólsskóla

• 1. borð   Tara Sóley
• 2. borð   Sonja María Friðriksdóttir
• 3. borð   Karen Ýr Sigurbjörnsdóttir
• 4. borð   Lilja Andrea

Liðstjóri: Smári Rafn Teitsson

Borðaverðlaun :

•  
• 1. borð  Hrund Hauksdóttir  Rimaskóla
• 2. borð  Nansý Davíðsdóttir Rimaskóla
• 3. borð  Ásdís Birna Þórarinsdóttir Rimaskóla
• 3. borð  Ásdís Engjaskóla
• 4. borð Tinna Sif Aðalsteinsdóttir  Rimaskóli

Myndaalbúm mótsins