Suðurlandsmótið í skák

Undirbúningur fyrir Suðurlandsmótið gengur framar vonum, skráðir keppendur er þegar orðnir mun fleiri en í fyrra þegar þeir voru 30.  Líklegt að þeir fari að skríða á fimmta tuginn hvað úr hverju enda margir enn í startholunum. 

Mótshaldarar hafa tekið út keppnisstaðinn með tilliti til skák- og gistiaðstöðu og er óhætt að segja að aðstæður verði sérstaklega góðar á mótinu í ár enda húsið rétt rúmir 800 fermetrar þannig að rúmt ætti að verða um keppendur og þá sem kjósa að gista á staðnum.

Keppnisstaður er í alfaraleið við þjóðveg 1, einungis 5 km frá Selfossi, en á Selfossi sem er höfuðstaður Suðurlands er hægt að nálgast alla helstu þjónustu sem nútímamaðurinn þarf.

Keppnisstaður: Félagsheimilið Þingborg í Hraungerðishreppi, 5 km austan við Selfoss

Dagskrá: 

• Föstudagur 4.feb kl 19:30                   Mótssetning
• Föstudagur 4.feb kl 20:00                   1. umferð-atskák 25 mín
• Föstudagur 4.feb kl 21:00                   2. umferð-atskák 25 mín
• Föstudagur 4.feb kl 22:00                   3. umferð atskák 25 mín
• Laugardagur 5.feb kl 11:00                 4. umferð atskák 25 mín
• Laugardagur 5.feb kl 13:00                 5. umferð kappskák
• Laugardagur 5.feb kl 18:00                 6. umferð kappskák
• Sunnudagur  6.feb kl 10:00                 7. umferð kappskák

Atskák 25 mínútur
Kappskák 90 mín+30 sek
Skákir reiknast til skákstiga, íslenskra og Elo.

 Mótið er öllum opið, en einungis keppendur búsettir í Suðurkjördæmi geta orðið skákmeistarar Suðurlands.

Keppnisgjald: 2.500.-kr.

Hraðskákmeistaramót Suðurlands: Sunnudagur kl 14:00: Tefldar verða 9 umferðir, 5 mínútna skákir.

Verðlaunagripir:

   Suðurlandsmótið

     Suðurlandsmeistari 1. 2. og 3. sæti
     Suðurlandsmótið 1. 2. og 3. sæti
     U-1600 ísl. skákstig 1. 2. og 3.sæti

     Hraðskákmeistarmót Suðurlands

     Suðurlandsmeistari í hraðskák 1. 2. og 3.sæti
     Suðurlandsmótið í hraðskák 1. 2. og 3. sæti
     U-1600 ísl. skákstig 1. 2. og 3.sæti

Gisting:  Boðið er upp á mjög góð svefnpokapláss á keppnisstað, dýnur á staðnum menn þurfa að taka með sér rúmföt.  Aðstaða mjög góð, aðgangur að sturtum, heitum pottum og íþróttasal sem og fullbúnu eldhúsi og fleira spennandi. Verð fyrir nóttina 1250.-kr. 
Mótshaldarar vilja einnig benda á góða gistimöguleika á Selfossi, t.a.m. Gesthús þar sem keppendur geta gist í litlum sumarbústöðum eða Menam sem leigir út herbergi.  Síðan er ekki langt að Ölfusborgum  þar sem bústaðir eru til útleigu.

Allar nánari upplýsingar á heimasíðu SSON og hjá mótsstjóra Magnúsi Matthíassyni í síma 691 2254.