Hannes með sigur í fimmtu umferð í Dehli.

Hannes Hlífar Stefánsson (2580) sigraði Indverjann Meghan Gupte (2207) í fimmtu umferð alþjóðlega mótsins í Nýju-Dehli sem fram fór í dag, Henrik Danielsen (2519) gerði jafntefli við indverska alþjóðlega meistarann Nikil Shyam (2381) en Guðmundur Kjartansson (2379) gerði jafntefli í sinni viðureign.   Henrik og Hannes hafa 4 vinninga en Guðmundur hefur 2½ vinning.  Sex skákmenn eru efstir með fullt hús og þar á meðal eru Íslandsvinirnir Gupta (2590) og Grover (2462)

Í sjöttu umferð, sem fram fer á morgun og hefst kl. 9:30 teflir Hannes við alþjóðlega meistarann Varugeese Koshy (2309) en Henrik við K. Ramu (2220).  Skák Hannesar verður að öllum líkindum sýnd beint. 

Á mótinu taka þátt 407 keppendur og Þar á meðal eru 24 stórmeistarar.   Hannes er nr. 10 í stigaröð keppenda, Henrik nr. 17 og Guðmundur nr. 42.  Tefldar eru 11 umferðir.

• Heimasíða indverska skáksambandsins
• Heimasíða Skáksambands Nýju-Dehli
  
• Beinar útsendingar
• Chess-Results

Athugasemdir

[Sigurður Daði Sigfússon (IP-tala skráð) 10.1.2011 kl. 19:31]

Sæll ritstjóri.

 Er ekki hálf kjánalegt að vera með svona ritskoðun sem felst í því að gera sem minnst úr og helst fela slæm úrslit hjá Íslendingunum?  Það er talið upp hverjir Hannes og Henrik tefldu við og hvernig fór og síðan hverja þeir fá í næstu.  Hins vegar lítið minnst á hvað gerðst hjá Gumma og hvað þá að sagt sé frá hvern hann teflir við næst.  Fyrir fróðleiksfúsa þá gerði Gummi jafntefli við Mathur Tarun (1740) og í næstu umferð fær hann Manan Chandok (1566).  Gummi er nú orðinn fullorðinn maður og einn af okkar bestu skákmönnum og ég hugsa að hann gráti sig nú ekkert í svefn þó að þú segir frá úrslitum hans, jafnvel þegar þau eru slysaleg.

Bestu kveðjur,
Sig. Daði