Henrik vann í sjöundu umferð í Skanderborg

Stórmeistarinn Henrik Danielsen (2529) vann ítalska alþjóðlega meistarann Sabino Brunello (2497) á laglegan hátt í sjöundu umferð alþjóðlega mótsins í Skanderborg í Danmörku.   Henrik hefur 4½ vinning og er í öðru sæti.   Efstur fyrir umferðina í dag var pólski stórmeistarann Kamil Miton (2629).

Í áttundu og næstsíðustu umferð, sem fram fer á morgun, teflir Henrik við sænska alþjóðlega meistarann Axel Smith (2445).   Skákin hefst kl. 12 og er sýnd beint.

Alls taka 10 skákmenn þátt í mótinu og tefla allir við alla.   Fjórir stórmeistarar taka þátt á mótinu og er Henrik þriðji stigahæstur.  Stigahæstur er pólski stórmeistarinn Kamil Miton (2629), sem er félagsmaður í Taflfélagi Vestmannaeyja.

• Heimasíða mótsins
• Skákirnar í beinni