Guðfinnur efstur í kappteflinu um Skákhörpuna

Kappteflið um skákhörpuna stendur nú yfir hjá Riddurunum, skákklúbbi eldri borgara á höfuðborgarsvæðinu. Hér er um að ræða mótaröð þar sem besti árangur í 3 mótum af 4 telur til vinnings, skv. Grand Prix stigagjöf (10-8-6-5-4-3-2-1).

Staðan eftir þrjú mót er sú að Guðfinnur R. Kjartansson er efstur með 18 stig, Össur Kristinsson næstur með 14 og Sigurður Herlufsen þriðji með 13 stig, en hann vann Hörpuna með fullu húsi í fyrsta skiptið sem um hana bar keppt, en í  fyrra var það Jóhann Örn Sigurjónsson sem var sigurvegari.

Mótaröðin er haldin til heiðurs Fjölni Stefánssyni, tónskáldi, öldnum félaga klúbbsins. 

Lokamótið fer fram miðvikudaginn 27. október, en í millitíðinni þreyta margir þátttakenda sem eru yfir 30 talsins kapptefli mikið í Viðey, um heiðurstitilinn "Viðeyjarjarl".   Það mót fer fram á morgunn, föstudaginn 22. október. Þegar hafa nærri 40 aldnar skákkempur skráð sig til tafls.  Mótið hefst kl. 13  en síðasta ferð með Viðeyjarferjunni er upp úr kl. 12.30 frá Skarfabakka í Sundahöfn.  Góð verðlaun og veitingar í boði Riddarans og Ása sem standa saman að mótinu.

Enn er tími til að skrá sig með tölvupósti til: [e-mail] eða með því að hringja í Einar Ess, mótsstjóra í síma 690-2000.

STIGASTAÐAN: (að loknum þremur mótum af fjórum)

 

• Guðfinnur R. Kjartansson             8        5        5        18
• Össur Kristinsson                        4        10      -        14
• Sigurður Herlufsen                      6        6        1        13
• Friðgeir K. Hólm                          -        3        8        11
• Gunnar Finnlaugsson                    10      -        -        10
• Stefán Þormar Guðmundsson        -        -        10      10
• Ingimar Halldórsson                    -        8        -        8
• Páll G. Jónsson                           -        -        6        6
• Þór Valtýsson                             5        -        -        5
• Björn Víkingur Þórðarson             3        -        2        5
• Haukur Sveinsson                       -        -        4        4
• Sigfús Jónsson                           -        4        -        4
• Sigurður E. Kristjánsson               2        1        -        3
• Gísli Gunnlaugsson                      -        -        3        3
• Kristinn Bjarnason                       2        -        -        2
• Sverrir Gunnarsson                    1        -        -        1