Aronian og Shirov efstir í hálfleik í Shanhai

Aronian (2783) og Shirov (2749) eru efstir með 5 stig (2 vinninga) þegar þremur umferðum er lokið í fyrri hluta Bilbao Final Masters sem nú er í gangi í Shanghai.  Shirov vann Wang Hao (2724) í dag en báðar vinningsskákir mótsins hingað til hafa verið gegn Kínverjanum.  

Staðan:

• 1.-2. Aronian (2783) og Shirov (2749) 5 stig (2 v.)
• 3. Kramnik (2780) 3 stig (1,5 v.)
• 4. Wang Hao (2724) 1 stig (0,5 v.)

Tveir efstu menn mótsins tefla á sjálfu aðalmótinu sem fram fer í Bilbao, 9.-15. október nk. ásamt stigahæsta skákmanni heims, Magnusi Carlsen (2826) og heimsmeistaranum Anand (2800). 

Veitt eru 3 stig fyrir sigur og 1 stig fyrir jafntefli.  Tefld er tvöföld umferð. 

Árrisulir geta fylgst með skákum mótsins í Shanghai en umferðirnar hefjast kl. 6 á morgnanna.

• Heimasíða mótsins
• Skákirnar í beinni