Vinnslustöðvarmótið hefst í kvöld

Í kvöld hefst hið árlega Vinnslustöðvarmót og hafa nú 27 keppendur skráð sig til leiks og vitað er um nokkra sem eru við það að taka ákvörðun hvort þeir verða með.  Mótið fer fram í Vestmannaeyjum í kvöld og á morgun í Skáksetrinu að Heiðarvegi í Vestmannaeyjum.  Mótið er 7 umferða blandað mót með at- og kappskákum og er opið öllum sem áhuga hafa. 

Atskákirnar verða 2x20 mínútur og kappskákirnar verða 60 mínútur + 30 sek á leik.  Vegna meiri þátttöku hefur verið ákveðið að hafa kappskákirnar í síðustu tveimur umferðunum.  Mótsgjald er kr. 2.000,-, en 1.000 fyrir skólanemendur.  Upplýsingar um skráningu fer fram á heimasíðu TV.

 

DAGSKRÁ:
  Föstudagur 3. september 2010.
      20:00   1 umferð - Atskák.
      20:50   2 umferð - Atskák.
      21:40   3 umferð - Atskák.
  Laugardagur 4. september 2010.
      10:00   4 umferð - Atskák.
      10:50   5 umferð - Atskák.
      11:40   6 umferð - Kappskák.
      15:30   7 umferð - Kappskák.
      18:00   Verðlaunaafhending og mótsslit.
      Skákir eru reiknaðar til atskáksstiga og íslenskra stiga.
      Peningaverðlaun kr. 20.000 eru fyrir fyrsta sætið og að auki verða verðlaunapeningar fyrir þrjú efstu sætin, auk verðlaunapeninga fyrir þrjá efstu fædda 1995 og yngri, einnig fyrir u1600 stig og u1800 stig (ef þátttaka er fimm eða fleiri í viðkomandi flokki).
     (Mótshaldari áskilur sér rétt til beytinga á dagskrá og keppnisfyrirkomulagi)

   Fyrir keppendur ofan af Íslandi er best að taka Herjólf á föstudegi kl. 18:30 og þeim sem liggur á til baka, ná skipinu frá Eyjum kl. 21:00 á laugardeginum.