Óli Bé í stuði á afmælismóti Hrannars

Tuttugu manns melduðu sig til leiks í afmælismóti Hrannars Jónssonar, fyrirliða Skákfélags Vinjar í gær, mánudag. Fyrir mótið skýrði Ólafur B. Þórs út skák Aron Nimzowitsch sem hann tefldi í Kaupmannahöfn 1927 gegn Systemson. Nimzowitsch lék þar ansi frumlega byrjun í skák sem gengur undir nafninu "ódauðlegi yfirvöldunarleikurinn".

Með Óla í för var hin austurríska Karen sem er myndlistarkona og fjallaði hún aðeins um tengsl - og fegurð - skáklistar og myndlistarinnar og áhrif þessara tengsla á sína listsköpun.

Að þessum skemmtilega inngangi mótsins var afmælisbarnið Hrannar Jónsson heiðraður og þakkað fyrir leiðtogahlutverkið undanfarin misseri. Róbert Lagerman tók að sér skákstjórn og rennt í sex umferða mót með sjö mínútna umhugsunartíma.

Karen lék fyrsta leik Hrannars í viðureign hans við Arnar Valgeirsson og lætin byrjuðu. Ekki vantaði baráttuna í þátttakendur og nokkrir nautsterkir skákmenn kíktu við þó ekki hefðu þeir tök á að vera með, m.a. þeir Ingvar Þór Jóhannesson og Gunnar Freyr Rúnarsson.

En hraðskákvélmennið Óli B. var í banastuði og landaði fullu húsi, þó hann lenti svo sannarlega í kröppum dansi gegn jókernum Birni Sölva og Róberti stjóra.

Í miðju móti var tekin kaffipása þar sem Lenka (ekki samt Lenka Ptácníková heldur önnur Lenka), sjálfboðaliði í Vin hafði skellt í tékkneska ananasköku og ís var í boði ásamt fleiru a la Vin.

Úrslit:

• 1.   Ólafur B. Þórsson                           6
• 2.   Róbert Lagerman                            4,5   
• 3.   Ágúst Örn Gíslason                         4
• 4.   Páll Andrason                                 4
• 5.   Hrannar Jónsson                             4
• 6.   Örn Leó Jóhannsson                       3,5
• 7.   Birkir Karl Sigurðsson                    3,5
• 8.   Jón Úlfljótsson                                3,5
• 9.   Emil Ólafsson                                  3
• 10. Gunnar Nikulásson                          3
• 11. Hjálmar Hrafn Sigurvaldason           3
• 12. Arnar Valgeirsson                            3
• 13  Björn Sölvi Sigurjónsson                  2,5
• 14. Ásgeir Sigurðsson                            2,5
• 15. Henrik Páll Friðriksson                    2,5
• 16. Árni Pétursson                                2,5
• 17. Haukur Halldórsson                        2
• 18-20. Haraldur Guðmundsson             1
•  Guðmundur Rúnar Ingvarsson              1
• Ingvar Sigurðsson                                 1