Skáksel 2010: “Berlínarfarar gegn heimasetum”

Hinn 8. júní sl. var efnt til  geysimikils sumarskákmóts í Listaseli/Skákseli við Selvatn, á Miðdalsheiði,ofan Geitháls á Nesjavallaleið, þar sem sumri hefur verið fagnað margoft við fjallavatnið fagurblátt í boði Guðfinns R. Kjartanssonar, fv. formanns TR og Erlu Axelsdóttur, myndlistarkonu, hans.   Að þessu sinni var efnt eins konar "bændaglímu" á hvítum reitum og svörtum milli Berlínarfara KR gegn þeim sem heima sátu, (pressuliðs). Alls voru þátttakendur 38 talsins, þar meðal 4 fyrrverandi forsetar SÍ. Teflt var á 19 borðum, 10 mín. hvatskákir. Liðunum sem voru einkar vel mönnuð var skipt upp í tvær sveitir þar sem allir tefldu við alla innan sveita.

Lið Berlínarfara:

A-sveit: Andri V. Hrólfsson; Daði Guðmundsson; Gunnar Finnsson;  Jón G. Friðjónsson; Jónas Elíasson; Kristján Stefánsson; Ólafur Gísli Jónsson; Stefán Þ. Guðmundsson; Sæbjörn G. Larsen; Össur Kristinsson. B-sveit: Einar S. Einarsson; Finnbogi Guðmundsson; Guðmundur Ingason; Guðmundur G. Þórarinsson; Kristinn Bjarnason; Leifur Eiríksson; Páll G. Jónsson; Sigurður E. Kristjánsson; Þorsteinn Þorsteinsson.

Lið Heimaseta: Ellert Berndsen; Gunnar Kr. Gunnarsson; Gunnar Skarphéðinsson; Hilmar Viggóson; Ingimar Halldórsson; Ingólfur Hjaltalín; Jóhann Örn Sigurjónsson; Sigurður Herlufsen; Stefán Baldursson; Vilhjálmur Guðmundsson.  B-sveit: Atli Jóhann Leósson; Árni Þór Árnason; Ásgeir Sigurðsson; Gísli Gunnlaugsson Guðfinnur R. Kjartansson ; Haukur Sveinsson, Kristinn Johnson; Sigurberg Elentínusson; Þorsteinn Guðlaugsson.

Heildarúrslit urðu þau að "Heimavarnarliðið" vann með 103 vinningum gegn 87 v.  (A: 57.5v. gegn 42.5v; B: 45.5v. gegn 44.5)

Keppnin var einkar hörð,  tvísýn og skemmtileg alveg fram undir það síðasta þegar "Heimavarnarliðið" seig fram úr "Silfurliðinu frá Berlín". Kristján Stefánsson, formaður Sd. KR þakkaði gestgjöfum fyrir hönd keppenda og bað menn minnast þess að "Gott silfur væri gulli betra"

Bestum borðárangri náðu: í  A-sveitum:  Sigurður Herlufsen 7.5 v.; Gunnar Kr. Gunnarsson, Jóhann Örn og Ingimar Halldórsson 7, Daði  Guðmundsson 6.5v. Í  B-sveitum: Guðf. R. Kjartansson, Kristinn Johnson, Kristinn Bjarnason, 7. v., Finnbogi Guðmundsson 6.5 v.; Páll G. Jónsson, Gísli Gunnlaugsson 6v., Guðmundur G. Þórarinsson 5.5v.

Skákstjóri var Hálfdán Hermannsson, fyrrv. heimsmeistari í háloftaskák flugfélaga.

Myndaalbúm mótsins