Hjörvar sigraði doktorinn í næstsíðustu umferð - efstur fyrir lokaumferðina

Hjörvar Steinn Grétarsson (2394) sigraði ungverska alþjóðlega meistarann Dr. Evarth Kahn (2247) í tíundu og næstsíðustu umferð AM-flokks First Saturday sem fram fór í dag í Búdapest.  Hjörvar er efstur með 7 vinninga.  Í lokaumferðinni, sem fram fer í fyrramálið, teflir Hjörvar við Grikkjann Nicholas Tavoularis (2130).

First Saturday-mótið fer fram á hverjum mánuði í Búdapest og eins og nafnið ber með sér hefst það fyrsta laugardag hvers mánaðar.  Í AM-flokki tefla 12 skákmenn og þar af 4 alþjóðlegir meistarar og eru meðalstig 2266 skákstig.  Hjörvar er stigahæstur keppenda.   Til að ná áfanga að alþjóðlegum meistaratitli þarf 8,5 vinning.  

• First Saturday-mótin
• Chess-Results