Leikskólakrakkar tefla í Laufásborg

Hjónin Lenka Ptácníková og Omar Salama hafa síðustu þrjár vikur staðið fyrir skákkennslu á Leikskólanum Laufásborg.  Lenka kenndi stelpunum og Omar kenndi strákunum en Laufásborg er Hjallastefnuskóli.  Alls tóku 64 krakkar þátt í kennslunni, jafn margir og reitirnir á skákborðinu. 

34 krakkar, 4 og 5 ára, tóku þátt í sjálfu mótinu í gær og tefldu þær svokallaða peðaskák en þar vinnur sá sem fyrr kemur peði upp í borð eða drepur alla menn andstæðingsins.  Ágætis leið til að byrja skákkennslu fyrir krakkana.    Krakkarnir voru afar áhugasamir og mátti sjá leikgleðina lýsa af hverju andliti og allir tókust í hendur í upphafi skákar.   Lenka vinnur nú að verkefni í Kópavogi í samvinnu Skákstyrktarsjóð Kópavogs en þar á að kenna skák í öllum leikskólum bæjarins. 

Gunnar Björnsson, forseti SÍ, setti mótið og lék fyrsta leikinn fyrir hana Fjólu en hún lék b4 í fyrsta leik.

Myndir