Hjörvar tapaði í fimmtu umferð í Búdapest

Hjörvar Steinn Grétarsson (2394) tapaði fyrir ungverska alþjóðlega meistarann Adam Szeberenyi (2308) í 5. umferð AM-flokks First Saturday-mótsins sem fram fór í dag.  Hjörvar hefur 3,5 vinning og er efstur ásamt þremur öðrum.  Í sjöttu umferð, sem fram fer á morgun, teflir Hjörvar við ungverska alþjóðlega meistarann Bela Lengyel (2266)

First Saturday-mótið fer fram á hverjum mánuði í Búdapest og eins og nafnið ber með sér hefst það fyrsta laugardag hvers mánaðar.  Í AM-flokki tefla 12 skákmenn og þar af 4 alþjóðlegir meistarar og eru meðalstig 2266 skákstig.  Hjörvar er stigahæstur keppenda.   Til að ná áfanga að alþjóðlegum meistaratitli þarf 8,5 vinning.  

• First Saturday-mótin
• Chess-Results