Þorvarður sigraði á Sumarmóti Vinjar

Þorvarður F. Ólafsson gerði góða ferð í miðbæinn upp úr hádegi í dag og sigraði á sumarmóti Skákfélags Vinjar. Þrettán þátttakendur mættu til leiks, þar sem teflt var bæði úti og inni, enda tjúlluð blíða.

Þeir Óli B. Þórsson, sem ætlaði að skýra út eina af sínum uppáhaldsskákum, og Róbert Lagerman sem ætlaði að halda utan um mótið, voru forfallaðir en koma sterkir inn síðar í sumar.

Hrannar Jónsson fyrirliði hélt utan um mótið og stýrði af röggsemi.

Að sjálfsögðu var vöfflukaffi um mitt mót, en í því voru tefldar 6 umferðir með 7 mínútna umhugsunartíma.  Bókaforlagið Bjartur gaf glæsta vinninga á mótið og nokkrar skákbækur voru einnig í boði .

Unglinga-, kvenna- og bronverðlaun voru sameinuð í ein þar sem Sigríður Björg Helgadóttir fékk fyrst að  velja sér bók. Patrick (13 ára) fékk sérstök áhugaverðlaun en hann fékk  móður sína til að skutla sér af Akranesi á mótið.  Davíð og Jón Gauti hrepptu happadrættisvinninga en annars var röðin þessi:

• 1.       Þorvarður F. Ólafsson            5,5
• 2.       Björn Sölvi Sigurjónsson        5
• 3.       Sigríður Björg Helgadóttir     4,5
• 4.       Hrannar Jónsson                     4
• 5.       Aðalsteinn Thorarensen        3
• 6.       Haukur Halldórsson                3
• 7.       Arnar Valgeirsson                    3
• 8.       Árni Pétursson                         3
• 9.       Jón Gauti Magnússon             2,5
• 10.   Embla Dís                                  2,5
• 11.   Óskar Einarsson                       2
• 12.   Patrick Jens Scheving              2
• 13.   Davíð Friðbertsson                  2

Athugasemdir

[Aðalsteinn Thorarensen (IP-tala skráð) 8.6.2010 kl. 12:16]

Það er ótrúlegt hvað ég brosa breitt þarna, en ég var að gleðja ljósmyndarann og segja "Leeds" ...