Hjörvar sigraði í 2. umferð í Búdapest

Hjörvar Steinn Grétarsson (2394) sigraði ungverska alþjóðlega meistarann Emil Szalanczy (2277) í 2. umferð AM-flokks First Saturday sem fram fór í Búdapest í dag. Hjörvar hefur byrjað vel og er efstur með fullt hús.  Í þriðju umferð, sem fram fer á morgun, teflir Hjörvar við Rússann Mkhail A. Antipov (2237), sem er aðeins 13 ára gamall (fæddur 1997).

First Saturday-mótið fer fram á hverjum mánuði í Búdapest og eins og nafnið ber með sér hefst það fyrsta laugardag hvers mánaðar.  Í AM-flokki tefla 12 skákmenn og þar af 4 alþjóðlegir meistarar og eru meðalstig 2266 skákstig.  Hjörvar er stigahæstur keppenda.   Til að ná áfanga að alþjóðlegum meistaratitli þarf 8,5 vinning.  

First Saturday-mótin