Guðmundur vann í lokaumferðinni

Guðmundur Gíslason (2377) sigraði Bosníumanninn Muamer Mrndjic (2184) í tíundu og síðustu umferð Bosna Sarajevo sem fram fór í dag.  Hannes Hlífar Stefánsson (2588) og Bragi Þorfinnsson (2422) töpuðu hins vegar báðir.  Hannes fyrir bosníska stórmeistarann Borki Predojevic (2628) í maraþon skák og Bragi fyrir ítalska alþjóðlega meistarann Carlo D'amore (2484).  Hannes hlaut 18 stig (6½ v.) og endaði í 19.-33. sæti, Guðmundur hlaut 15 stig (5 v.) og endaði í 58.-75. sæti og Bragi hlaut 14 stig (5 v.) og endaði í 76.-89. sæti.

Sigurvegari mótsins varð kínverski stórmeistarinn Wang Hao (2722) en hann hlaut 23 stig (8 v.).    Í 2.-3. sæti með 22 stig urðu stórmeistararnir Zahar Efimenko (2677), Úkránínu, og Viktor Bologan (2668), Moldovu.

Allir íslensku keppendurnir lækka á stigum.  Árangur Hannesar samsvaraði 2558 skákstigum og lækkar hann um 3 stig, árangur Braga samsvaraði 2363 skákstigum og lækkar hann um 7 stig og árangur Guðmundar samsvaraði 2197 skákstigum og lækkar hann um 18 stig. 

Alls tóku 169 skákmenn þátt í mótinu og þar af 44 stórmeistarar og 38 alþjóðlegir meistarar.  Stigahæstur var kínverski stórmeistarinn Wang Hao (2722) en meðal annarra keppenda má nefna Ivan Sokolov (2654) sjálfan sem jafnframt er mótsstjóri.  Hannes var nr. 18 á stigum, Bragi nr. 66 og Guðmundur nr. 81.  Veitt voru 3 stig fyrir sigur, 1 stig fyrir jafntefli og 0 stig fyrir tap.

 

• Heimasíða mótsins
• Beinar útsendingar
• Chess-Results