Guðmundur með áfanga að alþjóðlegum meistaratitli! - efstur ásamt Braga og Hannesi

 

 

 

Guðmundur Gíslason tryggði sér sinn annan áfanga að alþjóðlegum meistaratitli  með góðum sigri á Daða Ómarsson í áttundu umferð Íslandsmótsins í skák sem fram fór í íþróttamiðstöðinni í Lágafelli í Mosfellsbæ í kvöld.   Guðmundur er jafnframt efstur ásamt Braga Þorfinnssyni, sem sat yfir í dag, og Hannesi Hlífari Stefánssyni sem vann Ingvar Þór Jóhannesson.  Björn Þorfinnsson er svo hálfum vinningi á eftir efstu mönnum eftir jafntefli við Þröst Þórhallsson og Stefán Kristjánsson er svo öðrum hálfum vinningi eftir sigur gegn Róbert Lagerman.  Það stefnir því hrikalega spennandi lokaumferðir þar sem fimm skákmenn hafa möguleika á að hampa Íslandsmeistaratitlinum!

Í níundu umferð, sem fram fer á morgun, mætast m.a. bræðurnir Björn og Bragi og Hannes mætir Þresti.   Guðmundur Gíslason, situr yfir, og fær vinning og stendur þ.a.l. óneitanlega best að vígi af efstu mönnum.  

Það situr nokkurn svip á stöðuna að Dagur Arngrímsson hefur hætt á mótinu vegna veikinda.  Þar sem Dagur teflir ekki helming skákana telst árangur hans ekki með og í stöðu mótsins er skráður vinningur á alla sem hafa átt að hafa mætt Degi í þegar loknum umferðum.  

Úrslit 8. umferðar:

Kristjansson Stefan	1 - 0	Lagerman Robert
Thorgeirsson Sverrir	1 - 0	Olafsson Thorvardur
Johannesson Ingvar Thor	0 - 1	Stefansson Hannes
Thorhallsson Throstur	½ - ½	Thorfinnsson Bjorn
Thorfinnsson Bragi	+ - -	Arngrimsson Dagur
Gislason Gudmundur	1 - 0	Omarsson Dadi

Staðan:

+ í aftasta dálk þýðir að menn eigi eftir að mæta Degi.

Rk.		Name	Rtg	Club/City	Pts.	Rp	rtg+/-	fr.
1	IM	Thorfinnsson Bragi	2396	Bolungarvík	6,5	2551	13,5
2		Gislason Gudmundur	2382	Bolungarvík	6,5	2560	26,5	+
3	GM	Stefansson Hannes	2574	Hellir	6,5	2554	0,2
4	IM	Thorfinnsson Bjorn	2376	Hellir	6	2556	8,6
5	IM	Kristjansson Stefan	2466	Bolungarvík	5,5	2520	5,8	+
6	FM	Johannesson Ingvar Thor	2343	Hellir	4	2340	-0,9
7		Thorgeirsson Sverrir	2177	Haukar	3,5	2313	18,6
8	GM	Thorhallsson Throstur	2407	Bolungarvík	3	2166	-22,3
9		Olafsson Thorvardur	2206	Haukar	3	2267	-0,9
10	FM	Lagerman Robert	2347	Hellir	2	2052	-35,4
11		Omarsson Dadi	2127	TR	1,5	2103	-5,4	+
12	IM	Arngrimsson Dagur	2383	Bolungarvík	0	1533	-7,5

• Heimasíða mótsins
• Chess-Results
• Skákirnar í beinni
• Myndir frá mótinu

Athugasemdir

[Baldur Fjölnisson, 7.4.2010 kl. 23:33]

Guðmundur Gísla er að tefla mjög vel og líka Stefán og Þorfinnsbræðurnir. Ég held að þeir geti allir vel verið stórmeistaramateríal og útiloka raunar ekki Ingvar Þór í því sambandi.