MP Reykjavík Open: Lokaumferðin hefst kl. 13

Lokaumferð MP Reykjavíkurskákmótsins fer fram í dag og hefst fyrr en vanalega eða kl. 13.   Eins og fram hefur komið er Hannes Hlífar Stefánsson efstur á mótinu ásamt Indverjanum Gupta en þeir mætast einmitt í lokaumferðinni.   Helgi Ólafsson verður með skákskýringar og hefjast þær um kl. 15:30-16:00. 

Keppendurnir í 3.-8. sæti mætast einnig innbyrðis en það eru Shulman - Dreev, Sokolov - Lenderman og Kuzubov og Kveinys.   

Ein athyglisverðasta viðureignin hlýtur að teljast skák hins unga úkraínumanns Illya Nyzhnyk og Ehlvest með sigri verður Nyzhnyk yngsti stórmeistari heims og sá fjórði yngsti í sögunni! 

Einnig er hægt að benda á beinar útsendingar frá mótinu á Chess.is.   Þar eru átta skákir sýnd beint úr hverri umferð.  Ávallt sex efstu borðin og þess fyrir utan tvær valdar viðureignir, að þessu sinni viðureignir Maze og Braga Þorfinnssonar og Hjörvars og Galego.

Staða efstu manna:

• 1.-2. Hannes og Gupta 6½ v.
• 3.-8. Sokolov, Kuzubov, Dreev, Shulman, Kveinys og Lenderman 6 v.
• 9.-16. Baklan, Dronavalli, Nyzhnik, Jorge Cori og fleiri
• 17.-32. Henrik, Jón Viktor, Bragi, Hjörvar Steinn, Róbert og fleiri.

• Heimasíða mótsins
• Skákirnar í beinni
• Chess-Results
• Myndaalbúm mótsins