NM í skólaskák: Sverrir, Hjövrar, Friðrik og Róbert unnu í 3. umferð

Íslensku skákmennirnir fengu 4,5 vinning í 3. umferð NM í skólaskák sem fra fór í Vesterås í Svíþjóð í morgun.   Ein skák vanst í öllum flokkum nema í d-flokki.  Þeir sem unnu í dag voru Sverrir Þorgeirsson, Hjörvar Steinn Grétarsson, Friðrik Þjálfi Stefánsson og Róbert Aron Eysteinsson, Daði Ómarsson gerði jafntefli en aðrir töpuðu.  Sverrir, Hjörvar, Dagur Andri og Jón Kristinn hafa allir 2 vinninga og eru allir í hópi efstu manna í sínum flokkum.

Úrslit í viðureignum íslensku skákmannanna:

A flokkur 1990-92
Daði Ómarsson ÍSL - Rasmus Janse SVÍ  1/2 - 1/2.
Rógvi Egilstoft Nielsen FÆR - Sverrir Þorgeirsson ÍSL  0 - 1.

Sverrir hefur 2 vinninga og er í 3.-5. sæti og Daði hefur 1,5 vinning og er í 6.-8. sæti. 

B-flokkur 1993-94
Hjörvar Steinn Grétarsson ÍSL - Jonathan Westerberg SVÍ  1 - 0.
Patrekur Maron Magnússon ÍSL - Henri Torkkola FIN   0 - 1.

Hjörvar hefur 2 vinninga og er í 3.-6. sæti og Patrekur hefur 1 vinning og er í 9.-10. sæti. 

C flokkur 1995-96
Hedin Gregersen FÆR - Friðrik Þálfi Stefánsson ÍSL  0 - 1.
Dagur Andri Friðgeirsson ÍSL - Gregor Taube NOR  0 - 1.

Dagur hefur 2 vinninga og er í 3.-5. sæti og Friðrik Þjálfin hefur 1,5 vinning og er í 6.-7. sæti.

D flokkur 1997-98
Jens Albert Ramsdal DAN - Kristófer Gautason ÍSL 1 - 0.
Jón Trausti Harðarson ÍSL - Högni Egilstoft Nielsen FÆR  0 - 1.

Jón Trausti og Kristófer hafa 1,5 vinning og eru í 7.-8. sæti.

E flokkur 1999 og yngri
Dmitri Tumanov FIN - Jón Kristinn Þorgeirsson ÍSL 1 - 0.
Eli W. Finnson FÆR - Róbert Aron Eysteinsson ÍSL.  0 - 1.

Jón Kristinn hefur 2 vinninga og er í 3.-6. sæti og Róbert Aron hefur 1,5 vinning og er í 7. sæti.

Það er loks kominn prýðileg heimasíða upp fyrir mótið þar sem hægt er að finna úrslit, stöðu, myndir og fleira auk þess sem Karl Gauti, faðir Kristófer uppfærir úrslit íslensku krakkana reglulega á heimasíðu TV og kann ritstjóri honum bestu þakkir fyrir.

 

• Heimasíða mótsins
• Heimasíða sænska sambandsins
• Heimasíða TV
• Heimasíða danska unglingasambandsins (pistlar frá danska liðsstjóranum - myndir)
• Keppendalistinn