Pistill frá Ásum

Að afstöðnu Toyota skákmóti sem framfór síðasta föstudag í höfuðstöðvum Toyota við Nýbýlaveg vill stjórn Ása þakka öllum þátttakendum fyrir mjög skemmtilegt  mót og drengilega keppni.

Sérstaklega vilja þeir þakka forstjóra Toyota Úlfari Steindórssyni og hans alúðlega starfsfólki fyrir frábærar móttökur og góðar veitingar.

Mönnum þótti mjög skemmtilegt að tefla þarna innanum glæsibifreiðar.

Ég vil benda mönnum á að skoða myndir frá mótinu sem Einar S Einarsson tók og fylgdu úrslitum frá mótinu á skak.is á laugardag.

Sérstaklega er bent á myndir sem teknar voru á Austurvelli á fimmta áratug síðustu aldar, það er  ekkert skýrt nánar, hægt er sjá það þegar myndirnar eru skoðaðar.

Sigurður Herlufsen vann mótið nokkuð örugglega í þetta sinn með 8v af 9 mögulegum.

Fyrsta Toyota mótið vann Björn Þorsteinsson, en Jóhann Örn Sigurjónsson vann á síðasta ári.

Keppt er um farandbikar,sem Toyota á Íslandi gaf eins og öll önnur verðlaun, sem voru vegleg.

Þátttakendur voru aðallega frá Ásum í Reykjavík og Riddurum í Hafnarfirði.