Árnamessuskákmót fékk styrk frá Velferðarráði Reykjavíkurborgar

Í gær afhenti Velferðarráð Reykjavíkurborgar 16 styrki úr forvarnasjóði ráðsins. Skákdeild Fjölnis fékk myndarlegan styrk til að halda skákmót á Árnamessu í Stykkishólmi sunnudaginn 14. mars n.k. Styrkurinn skiptir sköpum fyrir að hægt sé að halda Árnamessuskákmót með glæsilegum hætti, annað árið í röð. Stefnt er að því að bjóða um 100 áhugasömum grunnskólakrökkum, flestum af höfuðborgarsvæðinu, þátttöku í þessu skemmtilega skákmóti. Rútuferð, veitingar og verðlaun eru inniflin í ókeypis þátttöku. Skákdeild Fjölnis hvetur alla þá grunnskólakrakka sem áhuga hafa á að vera með í Árnamessuskákmóti í Stykkishólmi að taka frá sunnudaginn 14. mars. Mótið verður auglýst nánar um miðjan febrúar.