Ársreikningar SÍ 2010

Ársreikningar Skáksambambands Íslands fyrir árið 2010 liggja nú fyrir.  Rekstrarhagnaður SÍ á árinu 2010 voru rúmar 900.000 í stað tæplega 400.000 kr. rekstrartaps 2009. 

Reikningarnir fylgja með sem viðhengi í excel.  Bent er á að hver liður ársreikningsing (tekjur, gjöld, eignir, skuldir og sundurliðun) er í sérflipa (sheet).

 

 

Skrár tengdar þessari bloggfærslu:

• Ársreikningur SÍ 2010

Úrslitaeinvígi áskorendaeinvíganna hafið

Úrslitaeinvígi áskorendaeinvíganna hófst nú kl. 11.  Það er Grischuk og Gelfand sem tefla um réttinn til að mæta Anand í heimsmeistaraeinvíg á næsta ári.  Grischuk hefur hvítt í fyrstu skák og tefla þeir drottningarbragð.  Alls tefla þeir sex skákir.  Frídagur er á sunnudag.   

Rétt er að benda á að Henrik Danielsen er með daglegar skákskýringar á Chessdom.  

Vefsíður

• Heimasíða áskorendakeppninnar
• Skákirnar í beinni
• Chessbomb (beinar skýringar með tölvuskýringum)

 

Hjörvar FIDE-meistari

Hjörvar Steinn Grétarsson (2422) var í dag formlega útnefndur sem FIDE-meistari.

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Jóhann hraðskákmeistari öðlinga

Jóhann H. Ragnarsson sigraði á hraðskákmóti öðlinga sem fram fór í kvöld.  Róbert Lagerman og Þorsteinn Þorsteinsson urðu í 2.-3. sæti.  Birna og Óli buðu upp á ljúffengar veitingar en Ólafur átti ekki heimangengt vegna veikinda.  Voru honum sendar góðar kveðjur og afhendi Jón Þorvaldsson Birnu matarkörfu frá Goðanum og óskaði Ólafi góðs bata.  Jafnframt fór fram verðlaunaafhending vegna bæði hraðskákmótsins og sjálfs aðalmótsins.

Skákstjórn var í örggum höndum Ríkharðs Sveinssonar.

   1   Jóhann H. Ragnarsson,                     7.5      39.0
  2-3  Róbert Lagerman,                          7        40.5
       Þorsteinn Þorsteinsson,                   7        39.5
  4-5  Arnar Þorsteinsson,                       6.5      40.0
       Jóhann Örn Sigurjónsson,                  6.5      33.0
  6-8  Kristján Guðmundsson,                     6        41.0
       Júlíus Friðjónsson,                       6        35.5
       Björn Þorsteinsson,                       6        35.0
9-12  Bjarni Hjartarson,                        5.5      38.5
       Bragi Halldórsson,                        5.5      38.5
       Pálmi Pétursson,                          5.5      33.0
       Eiríkur K. Björnsson,                     5.5      30.0
13-17 Gunnar Björnsson,                         5        36.5
       Birgir Berndsen,                          5        35.0
       Vigfús Ó. Vigfússon,                      5        33.0
       Kristján Örn Elíasson,                    5        30.0
       Þór Valtýsson,                            5        28.0
18-22 Páll Sigurðsson,                          4.5      36.0
       Gunnar Freyr Rúnarsson,                   4.5      36.0
       Bjarni Sæmundsson,                        4.5      32.5
       Eggert Ísólfsson,                         4.5      31.0
       Birgir Rafn Þráinsson,                    4.5      29.0
23-27 Halldór Pálsson,                          4        33.0
       Magnús Sigurjónsson,                      4        32.0
       Sigurlaug Friðþjófsdóttir,                4        28.0
       Kjartan Ingvarsson,                       4        28.0
       Ragnar Hermannsson,                       4        27.5
28-29 Hermann Ragnarsson,                       3.5      27.5
       Erlingur Jensson,                         3.5      26.0
30-34 Magnús Matthíasson,                       3        28.0
       Sigurður Ó. Ingvarsson,                   3        27.5
       Sigurður E. Kristánsson,                  3        27.0
       Pétur Jóhannesson,                        3        26.0
       Óskar Maggason,                           3        24.5
35-36 Gísli Árnason,                            2.5      29.5
       Finnur Kr. Finnsson,                      2.5      24.5
  37   Björgvin Kristbergsson,                   2        24.5
  38   Halldór Garðarsson,                       0         5.5

Myndaalbúm mótsins

Omar íslenskur ríkisborgari

Íslendingum bætist við góður liðsauki í dag þegar Omar Salama fékk íslenskan ríkisborgararétt.  Skák.is óskar Omari hjartanlega til hamingju!

 

Þröstur vann í fyrstu umferð í Köben

Þröstur Þórhallsson (2392) vann Danann Daniel Andersen (1997) í fyrstu umferð Copenhagen Chess Challenge sem fram fór í dag.   Henrik Danielsen (2545) gerði jafntefli við Danann Sven Pedersen (2125).  Atli Jóhann Leósson (1673) gerði jafntefli í sinni skák en Óskar Long Einarsson (1560) tapaði. 

Í 2. umferð sem fram fer á morgun teflir Þröstur við Danann Nicolai Kvist Brondt Pedersen (2151).  Sú skák verður sýnd beint á vefnum en umferðin hefst kl. 8.  

Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.  Hér eftir verða tefldar 2 skákir á dag.

• Heimasíða mótsins
• Skákirnar í beinni
• Chess-Results

Cmilyte Evrópumeistari kvenna

Litháíska skákkonan Viktorja Cmilyte (2504) er Evrópumeistari kvenna.  Hún sigraði á mótinu sem lauk í Tilbisi í Georgíu í dag.  Cmilyte hlaut 9 vinninga í 11 skákum.  Í öðru sæti varð fyrrverandi heimsmeistari kvenna, búlgarska skákkonan Antoaneta Stefanova (2506) með 8½ vinning og í 3.-4. sæti urðu armenska skákkonan Elina Danielian (2506) og rússneska skákkonan Svetlana Mateeva (2380).  Sú fyrrnefnda fær bronsið efstir stigaútreikning.

 

• Heimasíða mótsins
• Chess-Results

 

 

Henrik og Þröstur í beinni frá Köben

Copenhagen Chess Challange hófst í dag í Köben.  Fjórir íslenskir skákmenn taka þátt.  Stórmeistararnir Henrik Danielsen (2545) og Þröstur Þórhallsson, Atli Jóhann Leósson (1673) og Óskar Long Einarsson (1560).

Alls taka 79 skákmenn þátt í mótinu og þar af 7 stórmeistarar og 9 alþjóðlegir meistarar.  Henrik er þriðji í stigaröð keppenda en Þröstur sé fjórtándi.

Skák Henriks gegn Dananum Sven Pedersen (2125) sem og skák Þrastar gegn Dananum Daniel Andersen (1997), sem var meðal keppenda á síðasta Reykjavíkurskákmóti eru sýndar beint á vefsíðu mótsins.  Í dag er tefld ein umferð en svo verða tefldar 2 umferðir á dag fram á sunnudag.

• Heimasíða mótsins
• Skákirnar í beinni
• Chess-Results

Hraðskákmót öðlinga fer fram í kvöld

Hraðskákmót öðlinga fer fram á miðvikudagskvöld (18. maí) og hefst kl.19:30.  Mótið er opið fyrir alla 40 ára og eldri.  Boðið verður upp á stórveislu nú enda stór ástæða til þess þar sem öðlingamótið nú var það tuttugasta í röðinni.   Bökuð hefur verið sérterta í því tilefni.   Þátttökugjöld eru kr. 500 og eru veisluföngin innifalin í þátttökugjöldum.   Tefldar verða 7 umferðir með 7 mínútna umhugsunartíma.

Í lok mótsins fer fram verðlaunaafhending fyrir hraðskákmótið sem og aðalmótið sem lauk síðasta miðvikudagskvöld.  

Skákmenn 40+ er hvattir til að fjölmenna!