Málþing í Skálholti: Eru taflmennirnir frá Ljóðhúsum (Lewis) ekki íslensk listasmíð?

Þann 19. ágúst nk. verður haldið alþjóðlegt MÁLÞING Í SKÁLHOLTI um mögulegan uppruna hinna fornu sögualdar-taflmanna sem kenndir hafa verið við Lewis - í Suðureyjum.

Þessir merkilegu skák- og listmunir, gerðir lok 12 aldar, fundust 1831 grafnir í sand í Úig (Vík) á eyjunni Lewis eða Ljóðhúsum, eins og eyjan er jafnan nefnd í fornum íslenskum heimildum. Þeir eru sagðir norskir uppruna og eru taldir meðal 5 merkustu muna og gersema í eigu The British Museum og Skoska þjóðminjasafnsins þar sem nokkrir þeirra 11 af  93 taflmönnum eru varðveittir. 

Eins og kunnugt er hefur Guðmundur G. Þórarinsson, verkfræðingur, sett fram afar áhugaverða kenningu, sem mikla athygli hefur vakið,  um að þessir  sögulegu  taflmenn séu að öllum líkindum íslenskir að uppruna. Skornir út úr rostungstönnum í Skálholti í lok 11 aldar, mögulega af  Margréti hinni högu, Þorsteini Skrínsmið og fleirum undir handleiðslu Páls Jónssonar biskups.

Í ár er 800 ára árstíð Páls Jónssonar, biskups (1155-1211) en steinkista hans fannst við uppgröft í Skálholti 21. ágúst 1954 og er málþingið haldið af því tilefni.  Páll Jónsson var biskup í Skálholti 1195-1211.  Hann var sonur Jóns Loftssonar í Odda og Ragnheiðar systur Þorláks helga Þórhallssonar og eftirmaður hans á bisupsstóli. Þeir frændur voru af norski konungsætt, amma þeirra var dóttir Magnúsar konungs berfætta.  

Svipmót Lewis taflmannanna bendir til þess að þeir séu af íslenskum uppruna, hrókarnir í berserkslíki og riddarinn á smáhesti og ekki hvað síst biskupinn, sem þar kemur til tafls í fyrsta sinn á skákborðinu svo vitað sé, sem bendir til þess að þeir séu gerðir á biskupsstóli.  Auk þess sem bæði söguleg og málfræðileg rök og ýmsar vísbendingar benda til þess að þeir séu gerðir á Íslandi.   Þá hefur nýlegur fornleifafundur taflmanns frá 12 öld á Siglunesi hleypt nýjum stoðum undir íslensku kenninguna.

Á málþinginu munu þeir dr. James Robinson,  safnvörður frá Breska þjóðminjasafninu og dr. David H. Caldwell frá því Skoska,  flytja erindi um líklegan uppruna taflmannanna.  Þeir en báðir höfundar nýlegra fræðirita um þá  „The Lewis Chessmen" (2004) og  „The Lewis Chessmen Unmasked" (2010) Auk Guðmundar G. Þórarinssonar munu þeir Þór Magnússon, fyrrv. þjóðminjavörður, Skúli Sæland sagnfræðingur og  dr. Kristinn Ólason, rektor flytja erindi. Þá verða pallborðsumræður í lokin.

Málþingið fer fram á ensku og er öllum opið meðan húsrúm leyfir.  Það hefst með setningarathöfn og tónlist í Skálholtskirkju kl. 10 árdegis  föstudaginn 19. ágúst nk. og stendur daglangt með hádegishléi.

Ráðstefnugjald er kr. 4.500 og innifelur hádegisverð og síðdegiskaffi.  Að málþinginu loknu verður efnt til "Miðaldarkvöldverðar", sem hefst kl. 17.30 með fordrykk.    Boðið verður upp á  3ja rétta máltíð af hlaðborði með hinum ágætasta miði á aðeins kr. 6.200   Gisting: Þeir málþingsgestir sem vilja yfirnátta fram á laugardag býðst gisting í 2ja mannaherbergi með baði á kr. 8.500x2, en á  kr. 11.000  í  einsmannsherbergi. Morgunverður er innifalinn.

Skráning er á slóðinni  http://www.skalholt.is/2011/05/20/malthing-um-taflmennina-fra-ljodhusum-19-agust-nk/ eða í síma: 486 8870

Undirbúnings- og skipulagsnefnd:  Dr. Kristinn Ólason;  Einar S. Einarsson;  Guðmundur G. Þórarinsson;  Guðni Ágústsson og  Sr. Gunnþór Ingason.  Nánari upplýsingar á:    www.leit.is/lewis  og www.skalholt.is. Netfang: [e-mail].

Myndaalbúm 

Stórmót Árbæjarsafns og Taflfélags Reykjavíkur

Stórmót Árbæjarsafns og Taflfélags Reykjavíkur  fer fram sunnudaginn 14. ágúst. Teflt verður í Árbæjarsafni og hefst  taflið kl. 14. Tefldar verða 7 umferðir með umhugsunartímanum 7 mínútur á  skák.

Á undan, eða kl.13, fer fram lifandi tafl, en lifandi taflið er fyrir  löngu orðinn árviss og skemmtilegur viðburður í dagatali skákmanna.

Veitt verða verðlaun fyrir þrjú efstu sætin í Stórmótinu, 12.000 kr., 8.000 kr. og 5.000 kr.

Þátttökugjöld í Stórmótinu eru kr. 1000 fyrir 18 ára og eldri, en ókeypis  fyrir yngri en 18 ára og eru þátttökugjöld jafnframt aðgangseyrir í  safnið.  Þeir sem eiga ókeypis aðgang í safnið, t.d menningarkort, þurfa ekki að borga þátttökugjöld í mótið.

Ekkert kostar að taka þátt í Stórmótinu fyrir þá sem taka þátt í lifandi taflinu.

Enn eru laus pláss í lifandi taflinu og leika peð, riddara, biskup,  hrók, kóng eða drottningu.

Áhugasamir hafi samband við Sigurlaugu Regínu  í [e-mail].  Skráningu í lifandi taflið lýkur fimmtudaginn 11. ágúst.  Þeir sem taka þátt í lifandi taflinu þurfa að mæta á Árbæjarsafn þann 14. ágúst kl.12.30 til að fara í búninga.

Góð barátta beggja liða þegar Víkingasveitin vann Fjölni

Síðari viðureignin í forkeppni Hraðskáksmóts taflfélaga fór fram í Rimaskóla mánudagskvöldið 8. ágúst þar sem fjölmenn sveit Fjölnis tók á móti sterkri sveit Víkinganna. Helgi Árnason liðsstjóri þurfti í upphafi að leysa ákveðið vandamál af jákvæðari sortinni, þ.e. að skipta inná og nota alla þá fjölmörgu liðsmenn sem mættu til leiks. Voru þar Íslandsmeistarasveitir Rimaskóla í meirihluta. Málið var leyst með "varamannaskákmóti" sem fram fór jafnhliða viðureigninni.

Í fyrstu umferð komust Fjölnismenn nokkuð óvænt yfir en í framhaldinu setti Víkingasveitin í réttan gír og tefldi af miklum móð gegn baráttuglöðum Fjölnismönnum út mótið. Í hálfleik var forysta Víkingasveitarinnar orðin nokkuð örugg 25 - 11 en þeir Víkingar gáfu ekkert eftir í síðari hálfleik og sýndu Fjölnismönnunum ungu ekkert vanmat. Síðari hálfleikur fór nokkuð svipað 25,5 - 10,5. Heildarúrslit 50,5 - 21,5 Víkingasveitinni í vil.

Í sigursveitinni stóðu þeir sig allir mjög vel þeir Magnús Örn, Ólafur, Stefán, Gunnar Freyr og Sigurður Ingason. Þeir tefldu allar skákirnar og fengu 8 - 10 vinninga hver.

Í sveit Fjölnismanna skoraði Erlingur Þorsteinsson mest með 7 vinninga úr 11 skákum og næstur kom Ingvar Ásbjörnsson með 4,5 vinning.  Allir fengu liðsmenn Fjölnis að tefla þetta tvær til ellefu skákir.

Þess má geta að "varamannaskákmótið" tókst mjög vel og var spennandi til síðustu skákar. Alls ellefu skákmenn tóku þátt í mótinu og tefldu þeir allt frá einni og upp í átta skákir. Þau Oliver Aron, Jón Trausti og Nansý Davíðsdóttir urðu efst með 4 vinninga. 

Víkingasveitin:   

Ólafur B. Þórsson, Stefán Sigurjónsson og Magnús Örn Úlfarsson 10 vinninga (12)
Gunnar Freyr Rúnarsson  9 vinninga (12)
Sigurður Ingason  8 vinninga (12)
Svavar Viktorsson  3,5  (11)
Jón Úlfljótsson 0,5 (1)

Skákdeild Fjölnis:

Erlingur Þorsteinsson 7 vinninga (11)
Ingvar Ásbjörnsson  4,5 vinninga (10)
Oliver Aron Jóhannesson (8) og Jón Árni Halldórsson (11)  3 vinninga
Jón Trausti Harðarson (7) og Dagur Ragnarsson (9)   2 vinninga

Aðrir sem tefldu fyrir Fjölni voru: Hörður Aron Hauksson, Kristófer Jóel Jóhannesson, Nansý Davíðsdóttir, Jóhann Arnar Finnsson og Svandís Rós Ríkharðsdóttir.

• Heimasíða Hellis
• Myndaalbúm mótsins

Hjörvar hafði sigur á hádegismóti í Akademíunni

Hens una sumus (Við erum ein fjölskylda) mótið hófst á hádegi í dag. Mótið var haldið í tilefni af söfnun handa hungruðum börnun í Sómalíu um helgina í Ráðhúsi Reykjavíkur, þar sem nemendur Skákakademíu Reykjarvíkur stóðu vaktina alla helgina með einstakri prýði.

Teflt var í blíðviðrinu á Tjarnargötu, fimm umferða hraðmót. Eftir fjórar umferðir var gert smáhlé á mótinu sjálfu, og þátttakendum sem gestir gæddu sér á ljúfengri, og fagurskreyttri fjölskyldu-súkkulaðiköku.

Í fimmtu umferð mættust Páll Andrason og Hjörvar Steinn Grétarsson í hreinni úrslitaskák, og þrátt fyrir vafasama byrjun hjá Hjörvari 1.e4- f5? Hafði Hjörvar sigur og vann mótið með fullu húsi.

Tjarnargatan iðaði á lifi í hádeginu og mátti sjá marga bílana stoppa við og rýna í snilldina í gegnum bílrúðuna.

Lokaniðurstaðan var þessi ; GENS UNA SUMUS.

Lokastaðan:

Sæti	Nafn	Vinn	Stig
1	Hjörvar Steinn Grétarsson	5	9,0
2-3	Gunnar Björnsson	4	10,0
	Páll Andrason	4	8,0
4-5	Jón Trausti Harðarsson	3,5	9,5
	Gauti Páll Jónsson	3,5	6,5
6-10	Vignir Vatnar Stefánsson	3	9,0
	Stefán Bergsson	3	7,0
	Donika Kolica	3	7,0
	Hilmir Freyr Heimisson	3	6,5
	Inga Birgisdóttir	3	6,0
11-16	Oliver Aron Jóhannson	2	9,5
	Hrund Hauksdóttir	2	9,0
	Kristófer Jóel Jóhannesson	2	8,0
	Nansý Davíðsdóttir	2	7,0
	Jóhann Arnar Finnson	2	7,0
	Heimir Páll Ragnarsson	2	4,0
17-19	Haukur Halldórsson	1	7,0
	Símon Þórhallson	1	7,0
	Svandís Ríkharðsdóttir	1	6,0
20	Alísa Svansdóttir	0	8,5

Myndaalbúm (BÍK og fleiri)

Meistaramót Hellis hefst 22. ágúst - hækkuð verðlaun

Meistaramót Hellis 2010 hefst mánudaginn 22. ágúst klukkan 19:30. Mótið er 7 umferða opið kappskákmót sem lýkur 8. september.   Vegleg og fjölbreytt verðlaun eru í boði. Þar sem Hellir á 20 ára afmæli á árinu eru aðalverðlaun höfð hærri en venja hefur verið. Umhugsunartíminn verður 1½ klst. á skákina auk hálfrar mínútu á hvern leik.

Mótið er öllum opið og er reiknað til alþjóðlegra skákstiga.  Skráning er hafin á heimasíðu Hellis.  Upplýsingar um þegar skráða keppendur má nálgast hér.

Teflt er á mánudögum og miðvikudögum og svo er tekin ein þriðjudagsumferð í byrjun móts.  Umferðir hefjast kl. 19:30.  Hlé verður á mótinu þegar Norðurlandamótið grunnskólasveita fer fram í Reykjavík.

Aðalverðlaun:

1. 50.000
2. 25.000
3. 15.000

Upplýsingar um aukaverðlaun koma síðar.

Þátttökugjöld:

• Félagsmenn kr. 2.000; aðrir 3.000-
• Unglingar 15 ára og yngri: Félagsmenn: 1.500; Aðrir 2.000.
• Allir titilhafar fá frítt í mótið

Umferðartafla: 

• 1. umferð, mánudaginn, 22. ágúst, kl. 19:30
• 2. umferð, þriðjudaginn, 23. ágúst, kl. 19:30
• 3. umferð, miðvikudaginn, 24. ágúst, kl. 19:30
• 4. umferð, mánudaginn, 29. ágúst, kl. 19:30
• 5. umferð, miðvikudaginn, 31. ágúst, kl. 19:30
• 6. umferð, mánudaginn, 5. september, kl. 19:30
• 7. umferð, miðvikudaginn, 7. september, kl. 19:30

Heimasíða Hellis

Bjarni í TV

Bjarni Hjartarson (2093) er genginn í raðir TV en hann hefur teflt fyrir Fjölni í efstu deild undanfarin misseri. Bjarni hóf sinn feril í TR í kringum heimsmeistareivígið 1972 og þótti fljótt á meðal efnilegustu unglinga landsins. Hann hefur verið tíður gestur á Reykjavíkurkákmótunum undanfarin ár.

Enn fleiri Mátar

Það fjölgar í ýmsum taflfélögum þessa dagana.  Nýlega gengu stórkanónur í Taflfélagið Máta og má þar fyrst nefna fyrrum ráðherra!

Nýju Mátarnir eru; feðgarnir Halldór og Pétur Blöndal, Ágúst Bragi Björnsson og Steinar Þór Sverrisson.

 

Atkvöld hjá Helli í kvöld

Taflfélagið Hellir heldur atkvöld mánudaginn 8. ágúst nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Um er ræða styttingu á umhugsunartíma þannig að æfingin ætti að vera lokið um kl. 22. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Hádegisskákmót í Akademíunni

Fjársöfnunin Við erum ein fjölskylda gekk eins og víða hefur komið fram hreint út sagt frábærlega. 

Skáksamband Íslands og Skákakademía Reykjavíkur vilja í verki sýna þakklæti sitt til allra er lögðu hönd á plóg með því að boða til hádegisskákmóts á morgun í Skákakademíunni að Tjarnargötu 10 A. 

Hetjurnar frá helginni, okkar efnilegu skákkrakkar verða á staðnum.

Tefldar verða fimm umferðir hraðskák og hefst taflmennskan 12:00. 
Meðfram taflmennskunni verður svo ljúffengri súkkulaðiköku frá Bakarameistaranum Suðurveri gerð hin bestu skil.

Þátttökugjald: 500 kr.

Færeyingar unnu landskeppnina

Færeyingar stóðust öll áhlaup íslensku sveitarinnar í seinni umferðinni í dag. Áður en hendi var veifað höfðu þeir náð 3-0 forskoti og eftir það varð ekki við neitt ráðið. Þeir gátu því bókað öruggan sigur = 12,5-9,5.  Þetta er annað skiptið í röð sem Færeyringar leggja Íslendinga í landsdystinum.

Síðari umferðin var tefld í Hofi á Akureyri.

 

Úrslit síðari umferðarinnar: 

 1. Sigurður Daði Sigfússon - John Rødgaard  ½-½ 
 2. Áskell Örn Kárason - Sjúrður Thorsteinsson ½-½
 3. Halldór Brynjar Halldórsson - Wille Olsen 0-1
 4. Rúnar Sigurpálsson - Herluf Hansen 1-0
 5. Þór Valtýsson - Jákup á Rógvu Andreasen 0-1
 6. Viðar Jónsson - Andreas Andreasen 1-0
 7. Sigurður Arnarson - Arild Rimestad 0-1
 8. Mikael Jóhann Karlsson - Wensil Højgaard 0-1
 9. Hjörleifur Halldórsson - Rogvi Olsen ½-½
 10. Jakob Sævar Sigurðsson - Einar Olsen ½-½
 11. Jón Kristinn Þorgeirsson - Hanus Ingi Hansen ½-½

• Heimasíða Goðans
• Heimasíða SA
• Heimasíða færeyska skáksambandsins