Skák.is

Færsluflokkur: Spil og leikir

11.9.2011 | 12:18

Rimaskóli efstur fyrir lokaumferðina

Skáksveit Rimaskóla vann mjög góðan 3,5-0,5 sigur á Dönum I í fjórðu og næstsíðustu umferð NM barnaskólasveita sem tefld var í Jótlandi í morgun. Kristófer Jóel Jóhanneson, Nansý Davíðsdóttir og Jóhann Arnar Finnsson unnu en oliver Aron Jóhannesson gerði jafntefli. Rimaskóli leiðir með 1 vinningi fyrir lokaumferðina sem fram fer síðar í dag. Þá mætir sveitin norsku sveitinni e

Staðan:

Rimaskóli 12 v.
Svíþjóð 11 v.
Noregur 10 v.
Danmörk II 7 v.
Danmörk I 4 v.
Finnland 4 v.

Skáksveit Rimaskóla skipa:

Oliver Aron Jóhannesson (1653) 2 v. af 4
Kristófer Jóel Jóhannesson (1464) 3,5 v. af 4
Nansý Davíðsdóttir (1293) 3,5 v. af 4
Jóhann Arnar Finnsson (1199) 2 v. af 3
Svandís Ósk Ríkharðsdóttir (1184) 1 v. af 1

Hjörvar Steinn Grétarsson er liðsstjóri Rimskólakrakkanna.

Heimasíða mótsins
Myndaalbúm (HÁ)

Spil og leikir | Slóð | Facebook | Athugasemdir (0)

11.9.2011 | 11:51

Chuk-arnir áfram

Ivanchuk og Grischuk hafa tryggt sér keppnisrétt í undanúrslitum Heimsbikarmótsins sem nú er í gangi í Khanty Mansiesk í Síberíu. Ivanchuk vann Radjabov í atskákunum og sama gerði Ivanchuk gegn Navara. Það eru 2 Rússar og 2 Úkraínumenn sem mætast í undanúrslitum sem hefjast í fyrramálið. Svilder mætir Ponomariov og Ivanchuk mætir Grischuk.

8 manna úrslita:

Svidler - Polgar 1,5-0,5
Ivanchuk - Radjabov 2,5-1,5
Grischuk - Navara 2,5-1,5
Ponomariov - Gashimov 1,5-0,5

Sá sem þetta ritar minnist þess ekki að hafa séð jafnvel haldið utan um útsendingar áður. Undanúrslit hefjast kl. 9 í fyrramálið.

Heimasíða mótsins
Beinar útsendingar með tölvuskýringum (hefjast kl. 9)

Spil og leikir | Slóð | Facebook | Athugasemdir (0)

10.9.2011 | 19:09

NM öldunga: Keflvíkingar byrja vel!

Fyrstu umferð Norðurlandamóts öldunga er lokið. Flest úrslitin urðu á þann veg að hinir stigahærri unnu en töluvert var samt um óvænt úrslit. Meira en gengur og gerist á innlendum mótum. Keflvíkingarnir Sigurður H. Jónsson, Einar S. Guðmundsson og Pálmar Breiðfjörð byrjuðu vel en þeir fengu 2,5 vinning samtals gegn stigahærri andstæðingum. Og Jón Víglundsson kom sterkur inn þegar hann lagði andstæðing sem var 500 skákstigum hærri í hörkuskák. Friðrik Ólafsson mátti sætta sig við jafntefli í fyrstu umferð gegn Norðmanninum Helga Rangöy.

Meðal keppenda má sjá "sænskan" skákmenn með alíslenskt nafn, Sigurgeir Ingvason. Það er engin tilviljun. Sigurgeir er fæddur á Íslandi en hefur verið búsettur í Svíþjóð í 45 ár. Faðir Sigurgeirs er Ingvi Guðmundsson, sem margir muna eftir frá þriðjudags- og fimmtudagsæfingum hér í gamla daga. Og annað nafn kemur mörgum skákáhugamönnum ókunnuglega fyrir sjónir. Þar er Jóhannes Björn Lúðvíksson. Jóhannes er búsettur í Bandaríkjunum og er að tefla á sínu fyrsta kappskákmóti í um 40 ár. Og byrjaði með hörkujafntefli gegn Magnúsi Sólmundarsyni. Magnús er að tefla á sínu fyrsta kappskákmóti í 20 ár.

Áhorfendur er hvattir til að fjölmenna á skákstað á morgun. Það verður barist!

Úrslit 1. umferðar má finna hér og pörun 2. umferðar má finna hér.

Hægt er að fylgjast með 6 skákum beint í hverri umferð. Myndirnar eru frá Hrafni Jökulssyni. Skákir fyrstu umferðar fylgja með fréttinni.

Veljið skák (26 alls):

Spil og leikir | Breytt s.d. kl. 20:11 | Slóð | Facebook | Athugasemdir (0)

10.9.2011 | 18:07

Stórsigur gegn Finnum

Skáksveit Rimaskóla vann stórsigur, 4-0, á finnsku sveitinni í 3. umferð NM barnaskólasveita sem fram fór í dag á Jótlandi. Oliver Aron og Kristófer Jóel Jóhannessynir, Nansý Davíðsdóttir og Svandís Ósk Ríkharðsdóttir tefldu. Rimskóli hefur 8,5 vinning og er í öðru sæti á eftir sænsku sveitinni en það stefnir í harða baráttu á milli Rimaskóla, Svía og Norðmanna um sigur á mótinu. Mótinu lýkur á morgun með 4. og 5. umferð.

Staðan:

Svíþjóð 9 v.
Rimaskóli 8,5 v.
Noregur 8 v.
Danmörk II 5 v.
Danmörk I 3,5 v.
Finnland 2 v.

Skáksveit Rimaskóla skipa:

Oliver Aron Jóhannesson (1653) 1,5 v. af 3
Kristófer Jóel Jóhannesson (1464) 2,5 v. af 3
Nansý Davíðsdóttir (1293) 2,5 v. af 3
Jóhann Arnar Finnsson (1199) 1 v. af 2
Svandís Ósk Ríkharðsdóttir (1184) 1 v. af 1

Hjörvar Steinn Grétarsson er liðsstjóri Rimskólakrakkanna.

Heimasíða mótsins
Myndaalbúm (HÁ)

Spil og leikir | Slóð | Facebook | Athugasemdir (0)

10.9.2011 | 15:50

NM öldunga hafið

Norðurlandamót öldunga er hafið. Teflt er félagsheimili Taflfélags Reykjavíkur, Faxafeni 12 og fer vel um keppendur í glæsilegum salakynnum. Metþátttaka er á mótinu en 52 skákmenn og taka þátt og þar á meðal 3 stórmeistarar, Friðrik Ólafsson og Finnarnir Rantanen og Westerinen. Svandís Svavarsdóttir, starfandi menntamálaráðherra, setti mótið, og bauð hina erlendu gesti velkomna á dönsku. Svandís lék svo fyrsta leikinn fyrir Friðrik Ólafsson gegn hinum norska Helga Rangöy.

Hægt er að fylgjast með 6 skákum beint í hverri umferð.

Spil og leikir | Breytt s.d. kl. 15:55 | Slóð | Facebook | Athugasemdir (1)

10.9.2011 | 15:31

Svidler og Ponomariov komnir áfram

Peter Svidler og Ruslan Ponomariov eru komnir áfram í undanúrslit Heimsbikarmótsins (World Cup) eftir sigra í dag. Svidler lagði Polgar og Ponomariov hafði sigur á Gashimov. Einvígi Ivanchuk-Radjabov og Grischuk-Navara verða útkljáð á morgun með styttri tíma.

Sá sem þetta ritar minnist þess ekki að hafa séð jafnvel haldið utan um útsendingar áður. Fimmta umferð hefst kl. 9 í fyrramálið.

Heimasíða mótsins
Beinar útsendingar með tölvuskýringum (hefjast kl. 9)

Spil og leikir | Slóð | Facebook | Athugasemdir (0)

10.9.2011 | 15:24

NM barnaskólasveita: Rimaskóli með jafntefli við Dani

Skáksveit Rimaskóla gerði 2-2 jafntefli við dönsku sveitina í 2. umferð NM barnaskólasveita sem nú er í gangi. Nansý Davíðsdóttir vann sína skák, Kristófer Jóel Jóhannesson og Jóhann Arnar Finnsson gerðu jafntefli en Oliver Aron Jóhannesson tapaði. Þriðja umferð er hafin og tefla Rimskælingar við finnsku sveitina. Rimaskóli er í þriðja sæti með 4,5 vinning.

Skáksveit Rimaskóla skipa:

Oliver Aron Jóhannesson (1653) 0,5 v. af 2
Kristófer Jóel Jóhannesson (1464) 1,5 v. af 2
Nansý Davíðsdóttir (1293) 1,5 v. af 2
Jóhann Arnar Finnsson (1199) 1 v. af 2
Svandís Ósk Ríkharðsdóttir (1184)

Hjörvar Steinn Grétarsson er liðsstjóri Rimskólakrakkanna.

Heimasíða mótsins
Myndaalbúm (HÁ)

Spil og leikir | Breytt s.d. kl. 15:26 | Slóð | Facebook | Athugasemdir (0)

10.9.2011 | 10:54

NM öldunga hefst í dag - Friðrik Ólafsson tekur þátt

Norðurlandamót öldunga í skák fer fram í fyrsta skipti hérlendis núna í september. Mótið hefst laugardaginn 10. september og lýkur þann 18. september. Teflt er í félagsheimili Taflfélags Reykjavíkur, Faxafeni 12. Mótið er í senn það langsterkasta og fjölmennasta frá upphafi en fyrsta NM öldunga var haldið 1999 í Karlstad í Svíþjóð á 100 ára afmælisári Skáksambands Norðurlanda og hefur verið haldið á tveggja ári fresti síðan. Svandís Svavarsdóttir, starfandi menntamálaráðherra, setur mótið og mun leika fyrsta leikinn í skák Friðriks en umferðin hefst kl. 14.

Til leiks eru skráðir 54 keppendur og þar á meðal 3 stórmeistarar. Þar ber nafn Friðriks Ólafssonar langhæst en þetta er í fyrsta skipti sem Friðrik teflir á kappskákmóti hérlendis síðan 2002 þegar hann tók þátt í minningarmóti Jóhanns Þóris Jónssonar og stóð sig þar afar vel. Einnig taka þátt finnsku stórmeistararnir Yrjo Rantanen og Heikki Westerinen. Sá síðarnefndi er margfaldur Norðurlandameistari öldunga, hefur titil að verja og reyndar sá skákmaður í heiminum sem teflt hefur á flestum Ólympíuskákmótum. Danski skákmaðurinn Jörn Sloth tekur einnig þátt en hann er fyrrverandi heimsmeistari í bréfskák.

Margir öflugir og sterkir skákmenn eru einnig í heimavarnarliðinu. Fyrir utan Friðrik tekur þátt einn fyrrverandi Íslandmeistari, Gunnar Gunnarsson. Einnig má nefna Magnús Sólmundarson, Braga Halldórsson, Jón Þ. Þór, Ólaf Kristjánsson, Þór Valtýsson og Jóhann Örn Sigurjónsson.

Öldungaskák hefur vaxið mikið hérlendis og erlendis síðustu ár og er þá átt við karla 60 ára og eldri og konur yfir fimmtugt. Það er fagnaðarefni að nú er teflt vikulega í mörgum öldungaklúbbum hér enda sannað mál að skák er heilsubót, ekki síst fyrir eldri borgara.

Teflt verður daglega og flestar umferðir hefjast kl. 14. Átta skákir í hverri umferðar verða sýndar beint á netinu.

Enn er opið fyrir skráningu í mótið!

Skráningarform
Heimasíða mótsins (beinar útsendingar)
Chess-Results (keppendalisti og úrslit)

Spil og leikir | Slóð | Facebook | Athugasemdir (0)

10.9.2011 | 10:44

NM barnaskólasveita: Rimaskóli vann í fyrstu umferð

Skáksveit Rimaskóla vann sænsku sveitina,2,5-1,5, í fyrstu umferð NM barnaskólasveita sem hófst í gær í Hadsten í Jótlandi í Danmörku. Kristófer Jóel Jóhannesson vann á öðru borði en öðrum skákum lauk með jafntefli. Önnur umferð er nú í gangi og tefla Rimskælingar nú við heimamenn.

Skáksveit Rimaskóla skipa:

Oliver Aron Jóhannesson (1653)
Kristófer Jóel Jóhannesson (1464)
Nansý Davíðsdóttir (1293)
Jóhann Arnar Finnsson (1199)
Svandís Ósk Ríkharðsdóttir (1184)

Hjörvar Steinn Grétarsson er liðsstjóri Rimskólakrakkanna.

Heimasíða mótsins
Myndaalbúm (HÁ)

Spil og leikir | Breytt s.d. kl. 10:51 | Slóð | Facebook | Athugasemdir (0)

9.9.2011 | 18:58

Hjörleifur og Áskell efstir á Startmótinu

Það var góðmennt á hinu hefðbundna Startmóti Skákfélagsins í gærkvöld. Mótið markar upphaf á nýju skákári í sumarlok hvert ár. Nú voru 11 kappar mættir til leiks og sumir greinilega búnir að brýna kuta sína duglega fyrir veturinn. Hjörleifur grásleppubóndi tók strax rífandi forystu í mótinu og lét hana ekki af hendi, en nokkrir félagar hans komu höktandi í kjölfarið. Hjörleifur virtist ætla að koma langfyrstur í mark þegar hann lagði Smára að velli í næstsíðust umferð, en samdi svo stórmeistarajafntefli við Atla í lokaumferðinni. Við það setti hann gífurlega pressu á Áskel Örn sem barðist í tvísýnu tafli við Sigurð Arnarson og tókst með naumindum að hafa sigur(ð). Áskell hafði fyrr í mótinu afrekað það einn keppenda að klípa vinning af Hjörleifi og komst upp að hlið hans eftir þessa skák.