Þjálfaðu eins og stórmeistari

Stórmeistarinn Henrik Danielsen hefur sett upp vefsíðu þar sem hann býður upp á skákkennslu.  Skákkennslan far þannig fram að Henrik sendir kennsluefni 5 sinnum í viku til þeirra sem hafa áhuga. 

Óhætt er að mæla með vefsíðunni en þar fer Henrik vel yfir kennsluaðferðir.  

Train Like a Grandmaster

Nökkvi sigraði á Hausthraðskákmóti TV

Nökkvi Sverrisson sigraði á Hausthraðskákmeistaramóti TV í gærkvöldi. Nökkvi fékk 6,5 vinninga af 7 mögulegum en gerði aðeins jafntefli við Daða Stein. Í byrjun móts fór Þórarinn Ingi hamförum og var efstur eftir 5 umferðir en þurfti þá að lúta í gras gegn formanninum.

Lokastaðan

1. Nökkvi Sverrisson 6,5 v
2-3. Þórarinn Ingi Ólafsson og Sverrir Unnarsson 5 v
4. Daði Steinn Jónsson 4,5 v
5-6. Róbert Aron Eysteinsson og Sigurður Arnar Magnússon 2,5 v
7. Karl Gauti Hjaltason 2 v
8. Hafdís Magnúsdóttir 0 v

Haustmót TV hefst miðvikudaginn 28. september kl. 19:30.

Heimasíða TV

Upplýsingar um haustnámskeið Skákskólans

Námskeið í almennum flokkum á haustönn 2011 verða sem hér segir:

Byrjendaflokkur I: Laugardaga kl. 16.00-17.30      (10 vikur verð 14.000)

Byrjendaflokkur II: Mánudaga kl. 16.30 - 18.00 (10 vikur verð 14.000)

Framhaldsfl.: Þriðjudaga kl. 15.30-17.00 og laugardaga kl. 12:30-14:00 (10 vikur verð 22.000)

Kennt er í húsnæði Skáksambands Íslands í Faxafeni 12, Reykjavík.

Kennsla hefst:

Byrjendaflokkur I:   1. október

Byrjendaflokkur II: 26. september

Framhaldsfl.: 27. september

Skráning í síma 568 9141 kl. 9-13 virka daga og í netfang: [e-mail] í síðasta lagi 23. september.

Allir nemendur mæti til að staðfesta og skipa í hópa laugardaginn 24. september kl. 13.00.

Atskákmót Skákdeildar Þróttar og Víkingaklúbbsins

Víkingaklúbburinn-Þróttur heldur fyrsta skákmót félagsins miðvikudaginn 21. september og hefst taflið kl. 19:30. Tefldar verða 6 umferðir með fimmtán mínútna umhugsunartíma. Teflt er í Laugarlækjaskóla einum af nýjum húsakynnum Víkingaskákdeildar Þróttar.

Æfingar verða framveigis hálfsmánaðarlega (Víkingaskák og skák til jafns) og m.a verður stórt hraðskákmót í desember. Verðlaunagripir verða fyrir þrjú efstu sætin og einnig sérstök unglingaverðlaun. Mótið er opið öllum skákmönnum.

Einvígi Halldórs og Davíðs hefst í kvöld - bein útsending

Einvígi Halldórs Pálssonar (1974) og Davíð Kjartanssonar (2291) hefst í kvöld.  Þeir félagarnir enduðu í 2.-3. sæti í áskorendaflokki Íslandsmótsins í skák sem fram fór síðustu páska.  Sigurvegari einvígisins fær þátttökurétt í landsliðsflokki 2012.   Tefldar eru tvær skákir og verði jafnt þá teflt til þrautar með skemmri umhugsunartíma.  Skákirnar verða sýndar beint og hefst sú fyrri kl. 19:30 í kvöld.

Heimasíða Íslandsmótsins

 

Sigfús sigraði á skákdegi Ása

Það mættu 22 galvaskir skákmenn til leiks í Stangarhylinn í dag.  Sigfús Jónsson varð efstur en hann hlaut 8 vinninga í 9 mögulegum.  Í öðru sæti varð Valdimar Ásmundsson með 7 vinninga.  Jafnir í  þriðja til fjórða sæti urðu þeir Guðfinnur Kjartansson og Haraldur Axel með 6.5 vinning.

Vetrarstarfið hófst þann 6. september.  Þá varð Haraldur Axel Sveinbjörnsson efstur með 8 vinninga af 9 mögulegum.  Þann 13 september var það Valdimar Ásmundsson sem bar sigur úr býtum með 8 af 9 mögulegum. 

Heildarúrslit dagsins.

• 1       Sigfús Jónsson                                 8 vinninga
• 2       Valdimar Ásmundsson                    7     -
• 3-4    Guðfinnur Kjartansson                             6.5  -
•          Haraldur Axel                                  6.5 
• 5       Þorsteinn Guðlaugsson                             6     -
• 6       Eiður Á Gunnarsson                        5.5  -
• 7-9    Össur Kristinsson                                     5     -
•          Gísli Sigurhansson                                    5     -
•          Ásgeir Sigurðsson                                     5     -
• 10-11          Egill Sigurðsson                               4.5  -
•          Óli Árni Vilhjálmsson                      4.5  -
•          Gísli Árnason                                  4.5  -
• 13-14          Hálfdán Hermannsson                     4     -
•          Baldur Garðarsson                                    4     -
• 15-17          Halldór Skaftason                                     3.5  -
•          Birgir Ólafsson                                3.5  -
•          Jón Víglundsson                              3.5  -
• 18-20          Friðrik Sófusson                              3     -
•          Jónas Ástráðsson                                      3     -
•          Viðar Arthúrsson                             3     -
• 21     Grímur Jónson                                2     -
• 22     Haraldur Magnússon                       1.5  -

Einar kaldi sigraði á Vinarmóti Vinjar

Garpurinn hann Einar Valdimarsson lét það ekki trufla sig þó andstæðingar bæru hina merkustu titla og sigraði á samstöðumóti Vinjar sem Skákakademían blés til í gær. Skákstjórinn hann Róbert Lagerman þurfti reyndar að láta tölvuna margreikna úrslitin en Einar og Björn Þorfinnsson voru svona hnífjafnir á toppnum.

Vinir og velunnarar Vinjar, athvarfsins sem Rauði kross Íslands hefur rekið í tæp 19 ár, fjölmenntu heldur betur því 23 þátttakendur voru skráðir. RKÍ mun hætta rekstri athvarfsins næsta vor og gestir Vinjar vona að góðir aðilar muni koma að rekstrinum svo ekki verði lokað. Skákfélag Vinjar hefur ávallt fengið mikla hvatningu og stuðning frá forystu Skáksambandsins sem og Skákakademíunnar og þar á bæjum þekkir fólk það góða starf sem unnið er í athvarfinu, í gegnum skákina.

Gunnar Björnsson, forseti, mætti sem svo oft fyrr og lék fyrsta leikinn í skák Hauks Angantýssonar og Róberts Lagerman.  Róbert, útlærður í stjórn og dómgæslu frá Færeyjum, hélt utan um mótið af þekktri röggsemi en tefldar voru sex umferðir með sjö mínútna umhugsunartíma.

Ananas og appelsínur voru uppistaðan í kaffihlaðborði sem ráðist var á í miðju móti.   Tómas Hermannsson hjá Sögur-útgáfa gaf glæsilega vinninga.

Allir í Vin og Skákfélag Vinjar vilja þakka þann stuðning sem sýndur hefur verið og vitað er að nokkrir góðir aðilar eru að skoða möguleika á áframhaldandi rekstri. Það er ekki síst vegna aðkomu - og góðra orða -  fólks innan skákhreyfingarinnar. Þess má geta að ferðafélag er starfrækt innan athvarfsins, listahópur virkur auk þess sem leikfimi og hreyfing er markvisst notuð til bættrar heilsu. Þá eru 53 félagar í Skákfélaginu, notendur þjónustunnar og vinir og vandamenn.

Úrslit:

• 1. Einar Valdimarsson 5
• 2. Björn Þorfinnsson 5
• 3. Gunnar Freyr Rúnarsson 4,5
• 4. Haukur Angantýsson 4,5
• 5. Róbert Lagerman 4
• 6. Stefán Bergsson 4.
• 7. Eymundur Eymundsson 3,5
• 8. Hörður Garðarsson 3,5
• 9. Hrafn Jökulsson 3,5

og svo öll hin...    

Myndaalbúm mótsins (AV)                                                                                                         

Borgarstjórn samþykkir að einvígis aldarinnar verði minnst á næsta ári

Borgarstjórn samþykkti með öllum greiddum atkvæðum í dag að minnast þess á næsta ári að þá verði 40 ár liðin frá einvígi aldarinnar.   Tillagan var lögð fram af borgarfulltrúum Sjálfstæðisflokksins og mælti Kjartan Magnússon fyrir henni.  Óttarr Proppé, Besta flokknum, lýsti stuðningi við tillöguna sem var samþykkt með 14 greiddum atkvæðum.  Sóley Tómasdóttir, VG, sat hjá. 

Í tillögunni kemur fram að leita skuli samstarfs við Skáksamband Íslands, Skákakademíu Reykjavíkur og taflfélögin í Reykjavík.

Tillagan og greinargerð

Áskrift að Tímaritinu Skák

Stjórn Skáksambands Íslands hefur til athugunar þann möguleika að endurvekja Tímaritið Skák. Hugmyndin er að gefa út árstímarit í mars þar sem farið væri yfir liðið ár og fjallað um helstu viðburði eins og Reykjavíkurskákmótið, Ólympíuskákmótið, Skákþing Íslands, Íslandsmót skákfélaga, unglingastarf o.s.frv. Vandað yrði til verka í alla staði þar sem andi gamla blaðsins svifi yfir vötnum. Gengið er út frá því að blaðið verði 90-100 bls. í fallegu broti.

Slík útgáfa er mjög dýr og því ljóst að grundvöllur hennar næst eingöngu ef áhugi meðal skákmanna fyrir því að kaupa blaðið er umtalsverður. Áætlað er að blaðið muni kosta um kr. 2.000. Til að kanna útgáfugrundvöll fyrir slíku ársriti stendur Skáksambandið fyrir könnun meðal skákmanna á því hvort þeir muni kaupa slíkt rit.

Þeir sem eru tilbúnir að styðja málefnið og kaupa Tímaritið Skák árlega á 2.000 kr. eru vinsamlegast beðnir að skrá sig hér.

Mótaröð og aðalfundur hjá SA

Nú á fimmtudaginn hefst hin sívinsælamótaröð Skákfélagsins. Teflt verður á fimmtudagskvöldum og öllum heimil þátttaka, eitt eða fleiri kvöld.  Alls verður telft 8 sinnum fyrir áramót og er borðgjald kr. 500 að venju. Sigurvegarinn er sá sem flestum vinningum safnar í heildina og mun hann hreppa vegleg heiðursverðlaun þegar upp verður staðið.

Á sunnudaginn kemur, 25. september er svo blásið til aðalfundar kl. 13. Þá gefst félagsmönnum tækifæri til að rýna í reikninga fyrir nýliðið starfsár og segja kost og löst á misviturri stjórn.