Skákmót Árnamessu í Stykkishólmi laugardaginn 1. október

Skákdeild Fjölnis heldur í 3. sinn hið vinsæla Skákmót Árnamessu í Stykkishólmi og er mótið að venju ætlað öllum efnilegustu og áhugasömustu skákkrökkum landsins. Í fyrri tvö skiptin árin 2009 og 2010 reyndist þátttakan frábær þar sem um 90 grunnskólakrakkar mættu í bæði skiptin. Mótið í ár verður laugardaginn 1. október og hefst kl. 13:00 stundvíslega og því lýkur kl. 16:30. Teflt verður í grunnskólanum Stykishólmi.

Keppt verður í þremur flokkum; fæddir 1996 - 1999, fæddir 2000 - 2005 og loks í flokki Snæfellinga. Vegleg verðlaun verða veitt í lok skákmótsins auk þess sem sigurvegarar í hverjum flokki fá eignabikar. Keppendum verður boðið upp á veitingar í upphafi skákmótsins og í skákhléi. Allir sem koma að skipulagi skákmóts Árnamessu og gefa vinninga vilja með því heiðra minningu Árna Helgasonar og þess æskulýðsstarfs sem hann vann í Stykkishólmi í áratugi.

Líkt og áður er þátttakendum boðið upp á að taka rútu fram og til baka á mótsstað sem leggur af stað samdægurs kl. 9:30 frá Umferðarmiðstöðinni og Essó í Ártúnsbrekku. Þeir sem taka rútuna greiða 1000 kr.

Skákstjórar á mótinu verða þeir Helgi Árnason formaður Skákdeildar Fjölnis og Páll Sigurðsson formaður Taflfélags Garðabæjar. Skráning er hafin á skrifstofu Skáksambands Íslands í síma 568 9141 og með tölvupósti [e-mail].

Auglýsing (PDF) um mótið fylgir með sem viðhengi.

Skrár tengdar þessari bloggfærslu:

• arnamessa2011skak.pdf

Skákdeild Fjölnis hefur vetrarstarfið á laugardag

Skákdeild Fjölnis býður börnum og unglingum á grunnskólaaldri upp á ókeypis skákæfingar á laugardögum frá kl. 11:00 - 12:30. Æfingarnar fara fram í Rimaskóla,  Rósarima 11 og er gengið inn um íþróttahús. Á öllum æfingum Fjölnis er boðið upp á kennslu og skákmót. Fyrsta skákæfingin verður laugardaginn 24. september.

Skákdeild Fjölnis var stofnuð árið 2004 og hefur frá upphafi staðið fyrir öflugu og árangursríku barna-og unglingastarfi. Liðsmenn eldri og yngri skáksveita Rimaskóla æfa öll með Fjölni en skólinn hefur hampað Íslands-og Norðurlandameistaratitlum á síðustu árum nú síðast þegar yngri sveit skólans sigraði á Norðurlandamóti barnaskólasveita í Danmörku fyrr í mánuðinum.  

Skákdeild Fjölnis leggur áherslu á jafna þátttöku drengja og stúlkna og er eina skákfélagið sem býður upp á tveggja daga æfingabúðir fyrir áhugasama og efnilega skákmenn.

Ingibjörg Edda skákmeistari SSON

Ingibjörg Edda Birgisdóttir kom, sá og sigraði á Meistaramóti SSON sem lauk í gærkvöldi.  Stórkostlegur árangur hjá Ingu sem er að taka þátt í sínu fyrsta Meistaramóti hjá SSON og hefur tryggt sér meistaratitilinn þegar ein umferð er eftir.

Það var svo sem búist við því þegar mótið hófst að margir ættu raunhæfa möguleika á sigri, en satt best að segja voru þeir líklega ekki eins margir sem hefðu veðjað á Ingu sem er þriðji stigalægsti keppandinn.

Hún hefur sýnt feikna öryggi í skákum sínum, er vel að sér í byrjunarfræðum, útsjónarsöm í miðtaflinu og killer að klára skákir.

Í valnum liggja nokkrir fyrrverandi skákmeistarar félagsins.  Inga hefur með sigrinum ekki bara tryggt sér nafnbótina Skámeistari SSON heldur hefur hún einnig tryggt sér sæti í a-sveit félagsins á komandi Íslandsmóti skákfélaga.

Hamingjuóskir til meistarans !

Staðan:

Rank	SNo.	Name	Rtg	Pts	SB
1	9	Birgisdóttir Ingibjörg Edda	1440	6½	22.75
2	6	Sigurmundsson Úlfhéðinn	1778	5	19.50
3	2	Sigurmundsson Ingimundur	1803	5	16.00
	8	Jensson Erlingur	1702	5	16.00
5	7	Birgisson Ingvar Örn	1789	4½	13.25
6	3	Garðarsson Magnús	1468	4	14.50
7	5	Matthíasson Magnús	1627	3½	13.50
8	1	Grigoranas Grantas	1721	3½	12.00
9	4	Pálmarsson Erlingur Atli	1424	2	7.50
10	10	Siggason Þorvaldur	0	1	2.00

 

• Heimasíða SSON
• Chess-Results

Stefán Þór atskákmeistari Víkingaskákdeildar Þróttar (uppfært)

Stefán Þór Sigurjónsson varð á miðvikudagskvöld fyrsti atskákmeistari Víkingaskákdeildar Þróttar. Mótið fór fram í Laugarlækjaskóla og 14 keppendur tóku þátt í bráðfjörugu móti, en umhugsunartíminn var 15 mínútur á skák og tefldar voru 6. umferðir. Sigursranglegastur fyrirfram var FIDE-meistarinn Ólafur B. Þórsson, en ferðaþreyta var að há honum á mótinu, enda nýlentur á klakanum eftir Kanadaævintýri. 

Stefán Þór endaði með 5.5 vinninga og leyfði aðeins eitt jafntefli gegn Gunnari Finnssyni. Í öðru sæti varð Sigurður Ingason með 4.0 vinninga. Þriðji varð Gunnar Fr. formaður með jafn marga vinninga, en lægri á stigum. Unglingameistari Þróttar að þessu sinni urðu tveir, Rafn Friðriksson og Arnar Ingi Njarðarsson og munu þeir tefla einvígi um sjálfan verðlaunapeningin, en báðir stunda þeir nám við Laugarlækjaskóla hjá Svavari Viktorssyni skákþjálfara. Gunnar Björnsson forseti skáksambandsins var heiðursgestur á mótinu og lék hann fyrsta leikinn í skák Gunnars Fr og Ólafs B. Þórssonar.

Úrslit:

1. Stefán Þór Sigurjónsson 5.5 v af 6.
2. Sigurður Ingason 4.0
3. Gunnar Fr. Rúnarsson 4.0
4. Ólafur B. Þórsson 3.5
5. Svavar Viktorsson 3.5
6. Gunnar Finnsson 3.5
7. Magnús Magnússon 3.5
8. Hörður Garðarsson 3.0
9. Ingimundur Guðumundsson 3.0
10. Jón Úlfljótsson 2.5
11. Rafnar Friðriksson 2.0
12. Arnar Ingi Njarðarsson 2.0
13. Garðars Sigurðsson 1.0
14. Jôhannes Kári Sólmundarsson 1.0

Nánar á heimasíðu Víkingaklúbbins Þróttar.  Þar má einnig finna fjölda mynda.

Myndaalbúm (GB)

Mótaröð hefst hjá SA í kvöld - aðalfundur á sunnudag

Nú á fimmtudaginn hefst hin sívinsælamótaröð Skákfélagsins. Teflt verður á fimmtudagskvöldum og öllum heimil þátttaka, eitt eða fleiri kvöld.  Alls verður telft 8 sinnum fyrir áramót og er borðgjald kr. 500 að venju. Sigurvegarinn er sá sem flestum vinningum safnar í heildina og mun hann hreppa vegleg heiðursverðlaun þegar upp verður staðið.

Á sunnudaginn kemur, 25. september er svo blásið til aðalfundar kl. 13. Þá gefst félagsmönnum tækifæri til að rýna í reikninga fyrir nýliðið starfsár og segja kost og löst á misviturri stjórn. 

Fimmtudagsmót hjá TR í kvöld

Fimmtudagsmót er hjá TR í kvöld og hefst kl. 19.30.  Tefldar verða 7 umferðir með 7 mínútna umhugsunartíma.  Mótin fara fram í félagsheimili T.R., skákhöllinni að Faxafeni 12 og opnar húsið kl. 19.10.  Glæsilegur verðlaunapeningur er í boði fyrir sigurvegara hvers móts ásamt því sem aukaverðlaun verða í boði af og til í vetur.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

Netskák - nýr vefur þar sem menn geta teflt

Nú hefur nýr íslenskur skákvefur litið dagsins ljós.  Vefurinn heitir netskak.is en þar geta notendur teflt hver á móti öðrum.  

Vefurinn virkar þannig að lögð er áhersla á að sýna virka notendur hverju sinni, þannig geta þeir skorað hver á annan og safnað stigum.  Ef ekki næst að klára taflið, þá vistast það, þannig að hægt er að halda áfram seinna.  Allir leikir eru vistaðir á heimasvæði notanda, þannig að hann getur rýnt í leikinn eftirá.  Einnig er að að finna tímaskákir, en þar geta notendur stofnað tímaskák, skilgreint lit og tíma og beðið eftir áskorun.

Vefurinn er tilbúinn í fjölprófanir.  Er því óskað eftir 200 áhugasömum skákmönnum til þess að skrá sig inn og prófa.  Prufu-skákmenn fá 12 mánaða fría áskrift fyrir vikið.

Að prófunum loknum er ætlunin að opna fyrir nýskráningar.  Gert er ráð fyrir hóflegu áskriftargjaldi, til þess að standa straum af frekari þróun og uppfærslum, en vefur sem þessi býður upp á óþrjótandi möguleika.

Hægt verður að skilgreina notendur í taflfélög eða skóla.  Áhersla er lögð á raunaldur áskrifenda.
Það er von okkar að vefurinn muni reynast tafláhugamönnum vel og vera skemmtileg tilbreyting.
Ábendingar, tillögur og villuboð óskast send á [e-mail]

Davíð vann fyrri skákina gegn Halldóri

Davíð Kjartansson (2291) vann fyrri skák einvígis hans og Halldórs Pálssonar (1974) sem fram fór í kvöld.  Þeir tefla um keppnisrétt í landsliðsflokki að ári.  Einvígið er 2ja skáka og verði jafnt þá verður teflt til þrautar með skemmri umhugsunartíma.    

Síðari skákin verður tefld á föstudagskvöldið og hefst kl. 19:30.  Hægt er að fylgjast með henni í beinni útsendingu.

Heimasíða Íslandsmótsins

Haustmót TR hefst á sunnudag - skráningu í lokaða flokka lýkur á laugardag

Haustmót Taflfélags Reykjavíkur 2011 hefst sunnudaginn 25. september kl.14.  Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.

Mótið er öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki.  Lokuðu flokkarnir eru skipaðir tíu keppendum hver þar sem allir tefla við alla, en í opna  flokknum er tefldar níu umferðir eftir svissnesku kerfi.

Skráning fer fram á heimasíðu T.R., http://taflfelag.is/.  Upplýsingar um skráða keppendur má finna hér.

Athygli er vakin á því að skráningu í alla lokaða flokka lýkur laugardaginn 24. september kl. 18.

Núverandi skákmeistari Taflfélags Reykjavíkur er Guðmundur Kjartansson.

Dagskrá:

1. umferð: Sunnudag 25. september kl.14.00
2. umferð: Miðvikudag 28. september kl.19.30

3. umferð: Föstudag 30. september kl.19.30
4. umferð: Sunnudag 2. október kl.14.00

5. umferð: Miðvikudag 5. október kl.19.30

---Hlé vegna Islandsmóts skákfélaga---

6. umferð: Miðvikudag 12. október kl.19.30
7. umferð: Föstudag 14. október kl.19.30
8. umferð: Sunnudag 16. október kl. 14.00
9. umferð: Miðvikudag 19. október. kl.19.30

Verðlaun í A-flokki:
1. sæti kr. 100.000
2. sæti kr.   50.000
3. sæti kr.   25.000
4. og 5. sæti ókeypis í Skákþing Reykjavíkur 2012

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2012

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2012

Verðlaun í opnum flokki:

1. sæti  kr. 10.000
2. og 3. sæti ókeypis í Skákþing Reykjavíkur 2012

Ef það bætast við fleiri lokaðir flokkar, verða verðlaun í þeim þau sömu og í C-flokki.

 

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Tímamörk:

1 klst. og 30 mín. + 30 sek. á leik.

Þátttökugjöld:

3.500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

Heimasíða TR

Þjálfaðu eins og stórmeistari

Stórmeistarinn Henrik Danielsen hefur sett upp vefsíðu þar sem hann býður upp á skákkennslu.  Skákkennslan far þannig fram að Henrik sendir kennsluefni 5 sinnum í viku til þeirra sem hafa áhuga. 

Óhætt er að mæla með vefsíðunni en þar fer Henrik vel yfir kennsluaðferðir.  

Train Like a Grandmaster