Jóhann og Guðmundur efstir í leikhléi á Haustmótinu

Jóhann H. Ragnarsson (2068) og Guðmundur Kjartansson (2314) eru efstir með 4 vinninga í a-flokki Haustmóts TR en fimmta umferð fór fram í kvöld.  Jóhann vann Tómas Björnsson (2162) í vel útfærðri sóknarskák og Guðmundur lagði Stefán Bergsson (2135).   Davíð Kjartansson(2291) er þriðji með 3½ vinning.  Nú verður vikuhlé á mótinu vegna Íslandsmóts skákfélaga.  

Sjötta umferð fer fram á miðvikudaginn, 12. október og hefst kl. 19:30. 

A-flokkur:

Úrslit 5. umferðar:

 

1	Kjartansson David	1 - 0	Bergsson Stefan
2	Olafsson Thorvardur	1 - 0	Baldursson Haraldur
3	Valtysson Thor	0 - 1	Kjartansson Gudmundur
4	Jonsson Bjorn	0 - 1	Bjornsson Sverrir Orn
5	Ragnarsson Johann	1 - 0	Bjornsson Tomas

Staðan:

 

Rk.		Name	RtgI	RtgN	Club/City	Pts.
1		Ragnarsson Johann	2068	2057	TG	4
2	IM	Kjartansson Gudmundur	2314	2316	TR	4
3	FM	Kjartansson David	2291	2266	Víkingaklúbburinn	3,5
4		Bjornsson Sverrir Orn	2158	2141	Haukar	3
5	FM	Bjornsson Tomas	2162	2147	Goðinn	2,5
6		Olafsson Thorvardur	2174	2181	Haukar	2,5
7		Bergsson Stefan	2135	2135	SA	2
8		Jonsson Bjorn	2045	1962	TR	1,5
9		Valtysson Thor	2041	2025	SA	1,5
10		Baldursson Haraldur	2010	1950	Víkingaklúbburinn	0,5

 

Aðrir flokkar: 

Dagur Ragnarsson (1761) er efstur í b-flokki með 4½ vinning.  Stephen Jablon (1965) er annar með 3½ vinning.  Kristján Örn Elíasson (1906) og Mikael Jóhann Karlsson eru í 3.-4. sæti með 3 vinninga.  Sjá nánar hér.

Oliver Aron Jóhannesson (1645) er efstur í c-flokki með 4½ vinning. Birkir Karl Sigurðsson (1597) er annar með 4 vinninga.  Friðgeir Hólm (1667), Þorsteinn Leifsson (1772) og Jón Trausti Harðarson (1660) eru í 3.-5. sæti með 3 vinninga.  Sjá nánar hér.

Vignir Vatnar Stefánsson (1444) er efstur í d-flokki (opnum flokki) með fullt hús.  Jóhann Arnar Finnsson (1199) og Nansý Davíðsdóttir (1309) eru í 2.-3. sæti með 4 vinninga.  Sjá nánar hér.

• Heimasíða mótsins
• Beinar útsendingar
• Chess-Results
• Myndaalbúm (GB)

Íslandsmót skákfélaga fer fram um helgina

Íslandsmót skákfélaga hefst nú um helgina í Rimaskóla í Grafarvogi.  Um er að ræða langstærstu skákhátíð hvers ár en um 400 skákmenn á öllum aldri og öllum styrkleika munu tefla um helgina. 

Meðal gesta um helgina verður Anatoly Karpov, fyrrverandi heimsmeistari í skák, sem verður á landinu 6.-10. október í boði Taflfélags Reykjavíkur.   Karpov mun verða viðstaddur setningu mótsins.  

Einnig munu margir aðrir frægar kappar mæta til leiks en mikil leynd ríkir yfir liðsskipan félaganna sem fæst vilja gefa upp sína liðsskipan fyrirfram.   Verður því ekki ljóst fyrr en upphafi fyrstu umferðar, kl. 20, hvaða skákmenn mæta til leiks.  Fyrirfram er búist við baráttan standi á milli Íslandsmeistara síðustu þriggja ára, Taflfélags Bolungarvíkur, Taflfélags Vestmannaeyja, Taflfélags Reykjavíkur og Taflfélagsins Hellis. 

Þó er ljóst að nánast allir sterkustu skákmenn landsins munu mæta til leiks.  Þar á meðal má nefna stórmeistarana Jóhann Hjartarson, Jón L. Árnason, Helga Ólafsson, Héðin Steingrímsson, Hannes Hlífar Stefánsson og Henrik Danielsen. 

Það sem gerir Íslandsmót skákfélaga að svo einstökum atburði er að þar taka þátt jafnt byrjendur og sterkustu skákmenn heims.   Á Íslandsmótinu tefla allt niður í 6 ára krakka og allt upp í áttræða öldunga sem hafa engu gleymt.  Skákmenn koma frá öllum landshornum.   Þarna tefla konur og karlar og allir í sama sal við sambærilegur aðstæður.     

Skákin brúar bil!

Dagskrá mótsins (helstu viðureignir í sviga):

• 1. umferð: föstudaginn, 7. október, kl. 20-00
• 2. umferð: laugardaginn, 8. október, kl. 11-15 (Hellir - TV)
• 3. umferð: laugardaginn, 8. október, kl. 17-21 (TV - TR)
• 4. umferð: sunnudaginn, 9. október, kl. 11-15 (TB - TV)

 

 

Heimasíða mótsins

Chess-Results

Dagskrá Anatoly Karpovs á Íslandi

Á heimasíðu TR er aðgengileg dagskrá Karpovs á meðan hann er staddur á Íslandi.  Óhætt er að segja að kappinn komi víða við. 

 

Dagskrá Anatoly Karpovs á meðan á dvöl hans stendur 6. - 10. október

Koma Karpovs er samstarfsverkefni Taflfélags Reykjavíkur, CCP og MP banka.

 

Fimmtudagur 06. október

15.00 Anatoly Karpov lendir á Keflavíkurflugvelli

17.00 - 19.00 Móttaka fyrir Karpov í félagsheimili Taflfélags Reykjavíkur, Faxafeni 12 fyrir boðsgesti.
Þetta er jafnframt afmæliskaffiboð félagsins sem er 111 ára þennan dag.

 

Föstudagur 07. október

10.30 - 11.30 Karpov heimsækir Salaskóla.
Krakkar frá Rimaskóla sem nýverið urðu Norðurlandameistarar grunnskóla í skák verða í heimsókn. Karpov mun ræða við börnin um skákina og taka tvær skákir við afreksbörn úr hvorum skóla.

14.00 - 16.00 Karpov heimsækir CCP og skoðar starfsemi fyrirtækisins.

16.30 - 17.30 Karpov og Friðrik Ólafsson tefla sýningarskák með 10 -15 mínútna umhugsunartíma í húsakynnum Taflfélagsins Faxafeni 12.
Eftir skákina munu meistararnir fara yfir hana og skýra út fyrir áhorfendum. Opið almenningi.

20.00 Karpov verður viðstaddur setningu Íslandsmóts Skákfélaga sem fram fer í Rimaskóla og er stærsti einstaki skákviðburður landsins á hverju ári.

Laugardagur 08. október

14.00 - 14.45 Karpov heimsækir UNICEF á Íslandi, en hann er einmitt sérlegur sendiherra samtakanna í mið og austur Evrópu.

15.00 - 16.00 Karpov mætir á skákæfingu hjá barna og unglingadeild Taflfélagsins að Faxafeni 12.

Hann mun ræða við krakkana um skák, halda skákskýringar og árita myndir fyrir krakkana.

 

Sunnudagur 09. október

16.00 - 17.30 Karpov teflir fjöltefli við 20 manns í Ráðhúsi Reykjavíkur.

Allir velkomnir í Ráðhús Reykjavíkur.

Haustmót TR: Skákir fimmtu umferðar í beinni

Skákir 5. umferðar í a-flokki Haustmóti TR, sem hefst núna kl. 19:30, má nálgast í beinni útsendingu.  

Bein útsending frá fimmtu umferð

Jorge efstur á Geðræktarmóti

Geðræktarmótið í skák fór fram í tengslum við Geðveika daga í Björginni í Reykjanesbæ 3.- 4. október. Fimmtán keppendur tóku þátt, þar af átta úr Reykjavík frá Vin Athvarfi Rauða krossins fyrir fólk með geðraskanir og sjö heimamenn, bæði úr Hressum hrókum og Skákfélagi Reykjanesbæjar. Tefldar voru sjö umferðir með sjö mínútuna umhugsunartíma á mann. Geðræktarmótið var nú haldið í fjórða sinn og vex með hverju árinu. Einkunnarorð mótsins voru, "stærsti sigurinn er að vera með". 

Að lokum stóð Jorge Rodriquez Fonseca uppi sem sigurvegari með 6½ vinning. Annar varð svo Jón Birgir Einarsson með 5½ vinning, Rafn Jónsson hafnaði svo í 3. sæti með 5 vinninga.

Mótstjóri var Einar S. Guðmundsson og umsjónarmaður mótsins Emil N. Ólafsson formaður Hressra hróka, að sögn þeirra gekk mótið vonum framar og er orðið skemmtileg viðbót í skáklífið á Suðurnesjum.

Sjá frétt á Víkurfréttum (fleiri myndir)

Haustmót TV hefst í kvöld

Haustmót Taflfélags Vestmannaeyja í kvöld, miðvikudag kl. 19:30. Tefldar verða 7 umferðir eftir svissneska kerfinu. Umhugsunartími verður 90 mín + 30 sek. ´
Mótið verður reiknað til íslenskra og Fide stiga.

Dagskrá (gæti breyst)

1. umferð miðvikudaginn 5. október kl. 19:30
2. umferð miðvikudaginn 12 október kl. 19:30
3. umferð miðvikudaginn 19 október kl. 19:30
4. umferð miðvikudaginn 26. október kl. 19:30
5. umferð miðvikudaginn 3. nóvember kl. 19:30
6. umferð miðvikudaginn 10. nóvember kl. 19:30
7. umferð miðvikudaginn 17. nóvember kl. 19:30

Skráðir

1. Nökkvi Sverrisson 1951
2. Sverrir Unnarsson 1901
3. Stefán Gíslason 1684
4. Daði Steinn Jónsson 1633
5. Þórarinn Ingi Ólafsson 1621
6. Kristófer Gautason 1580
7. Karl Gauti Hjaltason 1538
8. Róbert Aron Eysteinsson 1412
9. Sigurður Arnar Magnússon 1367
10. Hafdís Magnúsdóttir 1078

Heimasíða TV

Bjarni Jens með 2½ vinning eftir fjórar umferðir í Osló

Bjarni Jens Kristinsson (2033) hefur 2½ vinning eftir fjórar umferðir í ELO-flokki á Osló-mótinu sem nú er í fullum gangi.   Bjarni Jens er í 11.-25. sæti.

Í GM-flokki eru stórmeistarinn, Sipke Ernst (2581), Hollandi, Vicotr Mikhalevski (2542), Ísrael, og Matthew Sadler (2625), Englandi, efstir með 3½ vinning.

Bjarni Jens teflir í Elo-flokki og er sjöundi stigahæsti keppandinn.  Mótið stendur frá 2.-9. október

• Heimasíða mótsins
• TournamentServices (áþekkt og Chess-Results)

 

Össur og Jóhann Örn efstir í Stangarhyl

Það mættu tuttugu og fjórir skákmenn til leiks í dag hjá Ásum. Þrír þeir efstu skáru sig nokkuð úr  miðað við hina.  Össur  og Jóhann fengu báðir 8½ vinning af níu, taflan sagði Össur örlítið hærri á stigum og  telst hann því sigurvegari dagsins.  Í þriðja sæti varð Þór Valtýsson með 7 vinninga.

Heildarúrslit:

• 1-2       Össur Kristinsson                                          8.5    v
•             Jóhann Örn Sigurjonsson                               8.5
• 3          Þór Valtýsson                                                7
• 4-5       Haraldur AxelSveinbjörnsson                                   5.5
•             Þortsteinn Guðlaugsson                                 5.5
• 6          Eiður Á Gunnarsson                                      5
• 7-14     Gísli Sigurhansson                                         4.5
•             Þorgeir Theodórsson                                      4.5
•             Valdimar Ásmundsson                                  4.5
•             Óli Árni Vilhjálmsson                                               4.5
•             Jón Víglundsson                                            4.5
•             Bragi G Bjarnarson                                        4.5
•             Halldór Skaftason                                         4.5
•             Grímur Jónsson                                              4.5
• 15-20   Gísli Árnason                                                 4
•             Finnur Kr Finnsson                                        4
•             Ásgeir Sigurðsson                                          4
•             Jónas Ástráðsson                                           4
•             Friðrik Sófusson                                            4
•             Jón Bjarnason                                                4
• 21        Viðar Arthursson                                           3.5
• 22        Baldur Garðarsson                                         3
• 23        Haraldur Magnússon                                     1.5
• 24        Hrafnkell Guðjónsson                                    0                                                        

Atskákmót Icelandair - sveitakeppni

Helgina 10.-11. desember er stefnt á að halda atskákmót Icelandair ef næg þátttaka fæst. Tefldar verða 14 umferðir eða 7 umferðir hvorn dag og leiktíminn er 15 mínútur á mann. Þetta er opin sveitakeppni og til að tryggja spennandi og skemmtilega keppni verður hámark á heildarstigafjölda hverjar sveitar, eða 8.500 stig í hverri umferð.

Miðað er við alþjóðleg stig en ef alþjóðleg stig eru ekki til staðar er miðað við íslensk stig. Þó að þetta sé opin sveitakeppni eru fyrirtæki, stofnanir, klúbbar, eða önnur félög hvött til að senda lið til keppni.

• Hótel Natura, áður Hótel Loftleiðir
• 10.-11. desember, byrjað klukkan 13:00 báða dagana
• 4 í liði, leyfilegt að hafa 3 varamenn
• Þátttöku fjöldi 14-26 sveitir
• 14 umferðir
• Þátttökugjald: 14.000 á sveitina

Meðal verðlauna eru farseðlar til Evrópu auk annarra veglegra verðlauna.

Nánari upplýsingar munu birtast síðar þ.á.m. hvar og hvenær skráning fer fram, en áhugasamir geta sent póst á Óskar Long; [e-mail]

 

Fimmtudagsmót í TR fellur niður næsta fimmtudag

Fimmtudagsmót fellur niður næsta fimmtudag (6. október) vegna anna við undirbúning TR fyrir þátttöku í Íslandsmóti skákfélaga. Þar næsta fimmtudag (13. október) verður hins vegar örugglega mót, því þá verður stórmót í samvinnu við Vin, svipað og í fyrra, en þá voru rétt tæplega 80 manns með.