Blómamótið fer fram á morgun í Sumarskákhöllinni

Á föstudaginn klukkan 12:00 heldur Græna serían áfram í Sumarskákhöllinni að Þingholtsstræti 37.

Ingvar Þór Jóhannesson varð Ávaxtameistarinn og Björn Ívar Karlsson Grænmetismeistarinn. Góð þátttaka hefur verið á tveimur fyrstu mótum sumarsins. Mótin hafa einnig verið vel mönnuð og landsliðsmenn - og konur verið í hópi þátttakenda - teflandi innan um byrjendur og almenna skákáhugamenn sem sýnir enn og aftur gildi kjörorða skáhreyfingarinnar; Við erum ein fjölskylda.

Mótið á morgun hefst 12:00 og eins og venjulega verða tefldar 5 umferðir með 5 mínútum á mann.

Kirsan bannar Ali að hætta sem einn varaforseta FIDE

Forseti tyrkneska skáksambandsins Ali Nihat var mikið gagnrýndur í kjölfar þeirra ákvörðunar að hafna skákstjórum frá sjö löndum um skákstjórastarf á Ólympíuskákmótinu sem fram fer í Istanbul 27. ágúst - 10. september.  Ali gerði það á þeim forsendum að viðkomandi lönd hafi verið að standa í málaferlum gegn FIDE.  Margir töldu að þarna væri að blanda saman gerólíkum hlutum.  

Í kjölfarið sagði Ali af sér sem einn varaforseta FIDE.  Gerði hann það á þeim forsendum að það hafði verið kært að FIDE hafi skipað of marga varaforseta miðað við reglur sambandsins og sagðist með þessu sýna fram á að hann hefði enga persónulega hagsmuna að gegna.

Ali hefur hafði m.a. verið gagnrýndur fyrir hagsmunaárekstur sem einn skipuleggjanda Ólympíuskákmótsins og vera á sama tíma í forystu FIDE sem semur við mótshaldarana.  Silvio Danaliov skaut á hann föstum skotum í opnu bréfi þar sem hann m.a. gagnrýndi Tyrkina fyrir hátt verðlag á gistinóttum.  

Í kjölfar úrsagnarinnar var Ali í viðtali á Chessvibes.  Þar skaut hann mjög föstum skotum í ýmsar áttir meðal annars á Kasparov og Danaliov.

Málið tók svo óvænta stefnu í dag þegar í ljós kom að Kirsan Ilyumzhinov, forseti FIDE, hafði skrifað bréf til Ali þar sem neitar að taka við úrsögn hans á þeim forsendum að FIDE hafi unnið málaferlin.   Fram kemur að Ali þakkar traustið og verður sem fyrr einn varaforseta FIDE!

Ali kom í heimsókn til Íslands árið 2010 en þá bauð hann sig fram sem forseti ECU en tapaði naumlega fyrir Danilov.  Síðan þá hefur verið í gangi kalt stríð á milli þeirra. 

RÚV fjallar um 40 ára afmæli einvígisins

RÚV gerði 40 ára afmæli einvígis aldarinnar góð skil í fréttum kl. 22 í gærkveldi.

10-fréttir RÚV (ca. 4:30-5:30)

 

Stofnun Fischer-stofunnar kynnt í dag á Selfossi

 

Stofnun Fischer-stofunnar var kynnt í dag á Selfossi.  Fischer-stofan verður til húsa í gamla Landsbankanum, Austurvegi 21.  Þar mun einnig Skákfélag Selfoss og nágrennis hafa aðsetur frá og með næsta hausti.

Þetta var kynnt á dag á fundi í hina nýja húsnæði að viðstöddu fjölmenni.  Magnús Matthíasson, formaður SSON, hélt ræðu og fór yfir framtíð og pælingar varðandi nýtingu húsnæðisins.  Einnig héldu Guðmundur G. Þórarinsson, forseti SÍ á einvígisárunum og Guðni Ágústsson, fyrrverandi ráðherra og einn besti sonur Selfoss ræður.  Báðir lýstu þeir yfir mikilli ánægju með framtakið.

Að öðrum ólöstuðum á Gunnar Finnlaugsson mestan heiður af Fischer-stofunni.  Gunnar stóð fyrir stofnun Fischer Selfoss Foundation, sem leggur til veglegt stofnfé í reksturinn.  Gunnar mun einnig standa fyrir innflutningi á skákmunum, sem eru alls 300 kg., sem verða lögð inn í safnið.

Á fundinum í dag voru m.a. bæjarstjórnarmenn á Selfossi og Laugardælum, núverandi og fyrrverandi forystumenn skákhreyfingarinnar, fyrrverandi þingmenn og ekki síst það fólk sem leggur til húsnæðið gegn afar hógværrri leigu en húsnæðið er leigulaust til SSON til áramóta, þ.e. þann tíma sem tekur að koma safninu upp.

Hrafn Jökulsson, helsti ljósmyndari íslenskrar skákhreyfingar, tók nokkrar myndir sem fylgja með umfjöllun þessari.

Nánar má lesa um Fischer-stofunna í Dagskránnni Fréttablaði Suðurlands.

Myndir frá Fischer-stofunni (HJ)

Opna skoska: Bragi, Hjörvar, Mikael og Jón Trausti unnu í dag - Bragi efstur!

Bragi Þorfinnsson (2465), Hjörvar Steinn Grétarsson (2507), Mikael Jóhann Karlsson (1929) og Jón Trausti Harðarson (1774) unnu allir í fimmtu umferð opna skoska meistaramótsins sem fram fór í dag.  Bragi er einn efstur á mótinu með 4,5 vinning.

Í dag vann Bragi indverska stórmeistarann Deep Senqupta (2548) í vel tefldri skák sem farið er yfir á Skákhorninu.  Hjörvar vann búlgarska alþjóðlega meistarann Ivajlo Enchev (2413).  

Róbert Lagerman (2315), Emil Sigurðarson (1808) og Birkir Karl Sigurðsson (1709) gerðu jafntefli en hinir Íslendinganna töpuðu. 

Staða íslensku keppendanna:

• 1. Bragi Þorfinnsson (2465) 4,5 v.
• 2.-13. Hjörvar Steinn Grétarsson (2507) 4 v.
• 24.-45. Róbert Lagerman (2315) 3 v.
• 46.-68. Mikael Jóhann Karlsson (1929) 2,5 v.
• 69.-88. Nökkvi Sverrisson (1973), Emil Sigurðarson (1808) og Jón Trausti Harðarson (1774) 2 v.
• 89.-102. Óskar Long Einarsson (1587) 1,5 v.
• 103.-110. Birkir Karl Sigurðsson (1709) 1 v.

Hjörvar og Bragi mætast á morgun og verður skákin sýnd beint á netinu.  Umferðin hefst kl. 12.

116 skákmenn taka þátt í mótinu og þar af eru 9 stórmeistarar og 13 alþjóðlegir meistarar.  Hjörvar er nr. 8 í stigaröð keppenda, Bragi nr. 13 og Róbert nr. 25.

• Heimasíða mótsins
• Beinar útsendingar (umferðir hefjast kl. 12, nema 7. umferð hefst kl. 11:30)
• Úrslitaþjónusta

Van Wely handtekinn við komu til Bandaríkjanna

Hollenski stórmeistarinn Loek Van Wely var handtekinn þegar hann lenti í Newark-flugvellinum í Bandaríkjunum síðasta mánudag.   Van Wely var í þeim erindagjörðum að kenna skák í sumarbúðum þar.  Bandarísk yfirvöld sögðu Hollendinginn skorta atvinnuleyfi, var hann handjárnaður, fékk eitt símtal og síðar sendur sömu leið til baka til London.

Nánar má lesa um málið á Chessvibes.

Dagur tapaði í fimmtu umferð

Alþjóðlegi meistarinn Dagur Arngrímsson (2366) tapaði fyrir ungverska stórmeistaranum Dr. Andras Flumbort (2503) í 5. umferð First Saturday-mótsins sem fram fór í dag.  Dagur hefur 2 vinninga og er í 8. sæti.  Frídagur er á morgun.

10 skákmenn tefla í SM-flokki og er Dagur næststigalægstur keppenda.  Meðalstig í flokknum eru 2428 skákstig.

• Heimasíða mótsins
• Chess-Results

 

Skákhátíð á Skeljahátíð

Skákfélag Akureyrar gengst fyrir skákmóti á Skeljahátíðinni í Hrísey laugardaginn 14. júlí kl. 14. Teflt verður á hátíðarsvæðinu og mun Hjörleifur Halldórsson stjórna herlegheitunum. Um er að ræða opið hraðskákmót og er öllum heimil þátttaka. Upplýsingar um ferjusiglingar og aðra viðburði á Skeljahátíðinni má finna á slóðinni hrisey.is

Fyrsta skák einvígis aldarinnar fór fram fyrir 40 árum

 

Fyrsta skák Einvígis aldarinnar fór fram 11. júlí 1972.   Einvígið á því 40 ára afmæli í dag.  Einvígisins verður minnst með ýmsum hætti í ár.  Má þar nefna að nú er í fullum gangi sýning í Þjóðminjasafninu, í samstarfi við Skáksambands Íslands, sem hefur verið mjög vel sótt að sögn þjóðminjavarðar.

Í september mun svo Reykjavíkurborg í samvinnu við SÍ, Skákakademíu Reykjavíkur og Reykjavíkurfélögin standa fyrir veglegri afmælishátíð.

Í dag verður stofnun Fischer-seturs í Selfossi kynnt.  Það er Fischer Selfoss Foundation, sem stendur að uppbyggingu þess seturs en þar hefur Gunnar Finnlaugsson verið fremstur í flokki.  Nánar verður sagt frá því á Skák.is síðar í dag.

Borðaröð Ólympíuliðanna

Liðsstjórar íslensku ólympíuliðanna hafa ákveðið borðaröð liðanna.  Þar er alfarið raðað eftir stigum.  Einnig hefur ritstjóri tekið saman lið hinna Norðurlandanna, að mestu byggt á umfjöllun Chessdom. Athygli vekur að í lið Noregs vantar bæði Carlsen og Hammer.  Reyndar er enginn stórmeistari í liðinu.  Svíar hafa sterkasta liðið (2557). 

Íslensku liðin eru:

Opinn flokkur:

1. GM Héðinn Steingrímsson (2560)
2. GM Hannes Hlífar Stefánsson (2515)
3. GM Henrik Danielsen (2511)
4. IM Hjörvar Steinn Grétarsson (2507)
5. GM Þröstur Þórhallsson (2426)

Meðalstig: 2523

Kvennaflokkur:

1. WGM Lenka Ptácníková (2275)
2. Hallgerður Helga Þorsteinsdóttir (1957)
3. Jóhanna Björg Jóhannsdóttir (1886)
4. Tinna Kristín Finnbogadóttir (1832)
5. Elsa María Kristínardóttir (1737)

Meðalstig: 1988

Hér fylgja með upplýsingar um hin lið Norðurlandanna í opnum flokki. Ekki er víst að borðaröð sé alltaf rétt.

Styrkleikaröð liðanna:

1. Svíþjóð (2557)
2. Danmörk (2524)
3. Ísland (2523)
4. Finnland (2500)
5. Noregur (2453)
6. Færeyjar (2363)

Danmörk:

1. GM Sune Berg Hanesen (2577)
2. GM Lars Schandorrf (2516)
3. GM Jacob Aagaard (2506)
4. GM Allan Stig Rasmussen (2496)
5. IM Jakob Vang Glud (2498)

Meðalstig: 2524

Finnland:

1. GM Tomi Nyback (2638)
2. IM Tapani Sammalvuo (2472)
3. IM Mika Karttunen (2448)
4. IM Mikael Agapov (2442)
5. FM Vilka Sipila (2435)

Meðalstig: 2500

Færeyjar:

1. IM Helgi Dam Ziska (2467)
2. IM John Arni Nielsen (2372)
3. IM John Rodgaard (2354)
4. Joan Hendrik Andreasen (2260)
5. Rogvi Egilstoft Nielsen (2203)

Meðalstig: 2363

Noregur:

1. IM Frode Elsness (2487)
2. IM Torbjorn Ringdal Hansen (2469)
3. IM Frode Urkedal (2436)
4. IM Torstein Bae (2420)
5. FM Andreas Moen (2392)

Meðalstig: 2453

Svíþjóð: 

1. GM Emanuel Berg (2573)
2. GM Hans Tikkanen (2573)
3. GM Nils Grandelius (2570)
4. GM Pontus Carlsson (2511) 

Meðalsti: 2557

Heimasíða Ólympíuskákmótsins