Skákþáttur Morgunblaðsins: Caruana langefstur í Sao Paulo

Indverski heimsmeistarinn Wisvanathan Anand hefur lítið verið í sviðsljósinu eftir fremur ósannfærandi titilvörn í einvíginu við Boris Gelfand í Moskvu sl. vor. Í hugum margra hefur Magnús Carlsen tekið stöðu hans sem fremsti skákmaður heims og á nýbirtum stigalista FIDE er Norðmaðurinn langefstur með 2843 stig.

Anand verður að láta sér lynda 7. sætið með 2780 stig. Á ofurmóti sem nú stendur yfir og er skipt á milli borganna Sao Paulo í Brasilíu og Bilbao á Spáni gefst Anand tækifæri til að sanna styrk sinn í keppni við Magnús, Aronjan, Caruana, Vallejo Pons og Karjakin. Eftir Brasilíu- hluta mótsins hefur hann gert jafntefli í öllum fimm skákum sínum.

Fabiano Caruana hefur óvænt náð miklu forskoti með 4 vinninga af fimm mögulegum. Heppnin hefur fylgt honum í nokkrum skákum, t.d. tókst honum að snúa við harla ógæfulegu endatafli gegn Magnúsi Carlsen í 1. umferð. Hann lætur ekki mikið yfir sér þessi ungi skákmaður sem varð efstur á síðasta Reykjavíkurskákmóti en hefur hægt og bítandi verið að þokast upp stigalistann og gæti eftir mótið náð á topp fimm listann:

Fabiano Caruana - Vallejo Pons

Frönsk vörn

1.e4 e6 2. d4 d5 3. e5

„Framrásin" nýtur sífellt meiri vinsælda. 3. Rc3 og 3. Rd2 er þó algengari leikur.

3. ... c5 4. c3 Rc6 5. Rf3 Db6 6. a3 Rh6 7. b4 cxd4 8. cxd4 Rf5 9. Be3 Bd7 10. Bd3 Rxe3 11. fxe3 g6 12. Rc3?!

Öruggara virðist 12. Rd2 ásamt - Rb3 við tækifæri. Kannski hefur Caruana sést yfir næsta leik hvíts.

12. ... Rxb4! 13. axb4 Bxb4 14. O-O Bxc3 15. Hc1 Hc8 16. Rg5! O-O 17. Dg4

Þó hvítur sé tveim peðum undir hefur hann allgóð færi. „Houdini" metur stöðuna jafna.

17. ... Bd2 18. Dh3 h5 19. Hxc8 Bxc8 20. Df3!

Lykilstaða, svartur getur varist hótununum 21. Bxg6 og 21. Rxf7 með tvennum hætti og velur lakari kostinn.

20. ... Dd8?

Hann varð að leika 20. .. Dc7 en hefur sennilega óttast 21. Bxg6 Bxe3+ 22. Dxe3 fxg6 23. Hf6! en á að halda velli með því að leika 23. ... Hxf6! 24. exf6 Bd7.

21. Rxf7 Bxe3+ 22. Kh1 Dh4 23. Bxg6 Bg5 24. Bh7+!

Gerir út um taflið, ef 24. ... Kxh7 þá vinnur 25. Rxg5+. Og 24. .. Kg7 er svarað með 25. Dd3! o. s.frv. Vallejo gafst upp.

Glæsilegur sigur Nansýjar Davíðsdóttur í Svíþjóð

Krakkar úr Rimaskóla gerðu ferð til Svíþjóðar á opna mótið í Västerås sem fram fór um síðustu helgi þar sem tefkt var í tveim styrkleikaflokkum.

Hin 10 ára gamla Nansý Davíðsdóttir stal senunni gjörsamlega í neðri flokknum þar sem tefldu 80 skákmenn með 1600 elo stig eða minna. Nansý hlaut 7½ vinning af átta mögulegum og vann öll þau verðlaun sem í boði voru, varð í 1. sæti, vann sérstök kvennaverðlaun, best keppenda undir 16 ára aldri og 13 ára aldri og vann einnig flokkaverðlaun.

Friðrik og Margeir á Íslandsmóti taflfélaga

Taflfélag Bolungarvíkur freistar þess að verja Íslandsmeistartatitil sinn á Íslandsmóti skákfélaga sem hófst í Rimaskóla á föstudagskvöldið. en fjórar fyrstu umferðir mótsins fara fram um helgina. Allmikil leynd hvílir yfir skipan liðanna. Taflfélag Reykjavíkur mun að öllum líkindum koma sterkt til leiks þetta árið og er jafnvel búist við að Friðrik Ólafsson og Margeir Pétursson, muni tefla fyrir sitt gamla félag um helgina.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 7. október 2012.

Skákþættir Morgunblaðsins

[Event "Bilbao Masters"] [Site "Sao Paulo BRA"] [Date "2012.09.28"] [EventDate "2012.09.23"] [Round "4"] [Result "1-0"] [White "Fabiano Caruana"] [Black "Francisco Vallejo-Pons"] [ECO "C02"] [WhiteElo "?"] [BlackElo "?"] [PlyCount "47"] 1.e4 e6 2.d4 d5 3.e5 c5 4.c3 Nc6 5.Nf3 Qb6 6.a3 Nh6 7.b4 cxd4 8.cxd4 Nf5 9.Be3 Bd7 10.Bd3 Nxe3 11.fxe3 g6 12.Nc3 Nxb4 13.axb4 Bxb4 14.O-O Bxc3 15.Rc1 Rc8 16.Ng5 O-O 17.Qg4 Bd2 18.Qh3 h5 19.Rxc8 Bxc8 20.Qf3 Qd8 21.Nxf7 Bxe3+ 22.Kh1 Qh4 23.Bxg6 Bg5 24.Bh7+ 1-0

Henrik með tvo sigra í dag

Henrik Danielsen (2524) gekk vel í dag á BSF Cup, alþjóðlegu móti sem fram fer í Brønshøj í Danmörku, en hann vann báðar skákir dagsins. Í þeirri fyrri vann búlgarska stórmeistarann Nikolai Ninov (2507) og í þeirri síðari Þjóðverjann unga Rasmus Svane (2394).  Henrik hefur 2½ og er í 4.-8. sæti. Danski alþjóðlegi meistarinn, Mads Andersen (2461) er efstur með 4 vinninga.

Á morgun teflir Henrik við danska alþjóðlega meistarann Nikolaj Mikkelsen (2431) og búlgarska stórmeistarann Krasimir Rusev (2549).

10 skákmenn taka þátt í a-flokknum og eru meðalstigin 2467 skákstig.  Henrik er næststigahæstur keppenda.

Tefldar eru tvær skákir á dag alla daga nema fyrsta keppnisdag.  Umferðirnar hefjast kl. 8 og 13:30.

• Heimasíða mótsins
• Beinar útsendingar

 

Áttunda og næstsíðasta umferð Tölvuteksmótsins fer fram í dag

Áttunda og næstsíðasta umferð Tölvuteksmótsins - Haustmóts TR fer fram í dag og hefst kl. 14.  Þá teflir forystusauðurinn Jón Viktor Gunnarsson við Jóhann H. Ragnarsson, Lenka Ptácníková, sem er í öðru sæti teflir við Sverri Örn Björnsson og Einar Hjalti, sem er í þriðja sæti, teflir við Gylfa Þórhallsson. 

• Heimasíða TR
• Bein útsending frá áttundu umferð Tölvuteksmótsins

Gallerý Skák: Harvey í ham

Geðprýði og háttvísi setti mark sitt á skákmótið í Gallerý Skák á geðheilbrigðisdaginn. Segja má að  þar hafi verið  „jafnaðargeðstaflsmennska" í  fyrirrúmi.

Engra einkenna vægra geðtruflana varð vart þrátt fyrir harða baráttu sem flokkast geta undir „hambrigðapersónuleikaröskun"   að hætti Hallgerðar Langbrókar þegar keppnisskapið ber menn svo ofurliði að þeir fara lúberja klukkurnar og grýta taflmönnum frá sér ef á móti blæs. 

Teflt var undir mottóinu: „Látið ekki gefið mát úr greipum ganga - né betri stöðu forgörðum fara - né vesælt peð úr hendi sleppa - nema eitrað sé".   Ekki gekk þetta þó alveg eftir því bæði sáu menn ekki mát í einum - né mannsvinninga sem í boði voru á borðinu, léku niður gjörunnum stöðum og glöptust til að gleypa baneitruð peð.

Kannski er þetta það sem gerir skákina svona  geðveikt skemmtilega. Yfirsjónir sem þó geta valdið gremju og tímabundinni „áfallamótlætishugröskun",   eins og hjá Gretti Ásmundssyni forðum, sem hverfur þó skjótt ef mönnum tekst að vinna næstu skák.

Á fimmtudagskvöldið var fór fram fyrsta umferð í 6 kvölda mótaröð um furðusteininn úr iðrum jarðar frá Patagóníu, sem er eins langt á heimsenda og komist verður að mati  Dr. Búa Árlands í Atómstöðinni eftir Halldór Laxness, sem draumastað fyrir þá sem vilja forðast kommúnisman. 

Góð þátttaka var í mótinu þó ýmsa snillinga vantaði en einungis þarf að vera með og skara fram úr í 4 mótum til að fá nafn sitt skráð gullnu letri á steininn góða. Góðir gestir að austan þeir Viðar Jónsson og Albert Geirsson spreyttu sig við fastagesti Lista- og skáksmiðjunnar og blönduðu við þá glöðu geði.  

Hinn valin- og gamalkunni skákmeistari Harvey Georgsson Tausignat  heiðraði menn með þátttöku sinni og mætti galvaskur til tafls. Hann rúllaði svo mótinu upp, skoraði  10 vinninga af 11 mögulegum og brosti sigursæll í leikslok.   Kvaðst reyndar af sínu alkunna lítillæti hafa verið frekar heppinn að eigin sögn.  "Ég var mát í einum" sagð´ann,  en andstæðingurinn nýtti ekki færið og varð að sætta sig við jafntefli. Svo urðu aðrir fyrir því að tapa fyrir mér á tíma með unnið tafl, en sá hlær best sem síðast hlær og innbyrðir vinninginn.  

Hist er til tafls í Bolholtinu alla fimmtudaga kl. 18 og allir velkomnir, óháð því að taka þátt keppninni um grjótið  heldur bara til að hrista af sér slenið og hafa geðveikt gaman af.  Nægir vinningar í boði - þó engin sé annars bróðir í leik.  

Nánari úrslit má sjá að meðf. mótstöflu og á www.galleryskak.net

 

 

Tómas efstur fyrir lokaumferð Haustmóts SA

Eftir sigur í 5. og 6. umferð er Tómas Veigar nú orðinn efstur í afar jöfnu Haustmóti SA. Hann hefur 4.5 vinning eftir sex skákir en þeir nafnar Sigurðar A og E koma næstir ásamt Smára Ólafssyni með 4 vinninga. Rúnar Ísleifsson, sem átt hefur mjög gott mót er svo fimmti með 3.5 vinning.

Sigurinn á mótinu er þó engan veginn öruggur hjá Tómasi, sem þarf í síðstu umferð að kljást við altmeister Sveinbjörn Sigurðsson sem er í hörkuformi þessa dagana. Tómasar bíður því erfitt verkefni. Raunar leit um tíma út fyrir að við fengjum alvöru feðgaslag um sigurinn á mótinu því Sigurður faðir hans átti gerunnið gegn nafna sínum Arnarsyni í gær en féll í einfalda pattgildru og varð að sætta sig við skiptan hlut. Tómas sonar hans var því farsælli í 6. umferð að hann lék af sér manni gegn Rúnari sem sá sitt óvænna og féll á tíma!

Úrslit og pörun má annars sjá nánar hér. Lokaumferðin verður tefld í dag og hefst kl. 13. 

• Heimasíða mótsins
• Chess-Results

Carlsen og Caruana sigurvegarar Alslemmumótsins

Magnus Carlsen (2846) og Fabiano Caruanao (2773) urðu efstir og jafnir á Alslemmumótinu sem lauk í Bilbao fyrir skemmstu. Báðir hlutu þeir 17 stig eftir jafntefli í lokaumferðinni. Þeir tefldu 2ja skáka hraðskákeinvígi um sigurlaunin og þar vélaði sá norski Ítalann 2-0. Frábær frammistaða beggja.  Carlsen hefur 2848 skákstig að loknu móti samkvæmt lifandi stigaútreiknigi og vantar nú aðeins 3 skákstig til að ná stigameti Kasparov.  Caruana er nú kominn í fimmta sæti heimslistans með 2787 skákstig, fór upp fyrir heimmeistarann Anand, sem ekki vann skák á mótinu.

Lokastaðan:

• 1. Carlsen (2846) 17 stig + 2-0 gegn Caruana
• 2. Caruana (2773) 17 stig
• 3. Aronian (2816) 11 stig
• 4. Karjakin (2778) 10 stig
• 5. Anand (2780) 9 stig
• 6. Vallejo (2697) 6 stig

• Heimasíða mótsins
• Beinar útsendingar (hefjast kl. 15)
  

Henrik með jafntefli og tap í dag

Í dag fóru fram tvær umferðir á BSF Cup, alþjóðlegu móti sem fram fer í Brønshøj í Danmörku. Í fyrri umferð dagsins tapaði Henrik fyrir danska alþjóðlega meistaranum Rasmus Skytte (2405) en í þeirri síðari gerði hann jafntefli við þýska alþjóðlega meistarann Michael Richter (2460).  Henrik hefur ½ vinning og er í níunda sæti.  Danski alþjóðlegi meistarinn, Mads Andersen (2461) er efstur með 2½ vinning.

Á morgun teflir Henrik við búlgarska stórmeistarann Nikolai Ninov (2507) og við Þjóðverjann unga Rasmus Svane (2394).

10 skákmenn taka þátt í a-flokknum og eru meðalstigin 2467 skákstig.  Henrik er næststigahæstur keppenda.

Tefldar eru tvær skákir á dag alla daga nema fyrsta keppnisdag.  Umferðirnar hefjast kl. 8 og 13:30.

• Heimasíða mótsins
• Beinar útsendingar

 

TR-pistill Þóris Ben

Þórir Benediktsson, Taflfélagi Reykjavíkur hefur skrifað pistil um gengi liða Taflfélags Reykjavíkur í fyrri hluta mótsins, en ekkert félaga hafði á fleirum liða að skipa en einmitt TR.  Í pistli Þóris segir meðal annars:

Fjórir erlendir skákmenn styrktu A-liðið að þessu sinni, úkraínsku stórmeistararnir Yuriy Kryvoruchko og Mikhailo Oleksienko, og dönsku alþjóðlegu meistararnir Jakob Vang Glud og Simon Bekker Jensen.  Sögulegt verður þó að teljast að íslensku stórmeistararnir, Friðrik Ólafsson og Margeir Pétursson, tefldu þrjár skákir hvor fyrir félagið og virtist þátttaka þeirra efla andann innan liðsins til mikilla muna.

Pistil Þóris má nálgast í heild sinni á heimasíðu TR.

 

Jón Viktor efstur á Tölvuteksmótinu

Alþjóðlegi meistarinn Jón Viktor Gunnarsson (2410) gerði jafntefli við Einar Hjalta Jensson (2305) í sjöundu umferð Tölvuteksmótsins, Haustmóts TR, sem fram fór í gærkvöldi. Jón Viktor hefur 6 vinninga og hefur 1½ vinnings forskot á Lenku Ptácníkóva (2264) sem er í 2. sæti eftir sigur á Sævari Bjarnasyni (2090).  Einar Hjalti er þriðji með 4 vinninga.

Rimskælingar eru í þremur efstu sætunum í b-flokki.  Dagur Ragnarsson (1916) er þeirra efstur með 5½ vinning en í næstum sætum eru Jón Trausti Harðarson (1813) og Oliver Aron Jóhannesson (2018).

Hilmir Freyr Heimisson (1711) er efstur í opnum flokki með 6 vinninga. Í næstum sætum eru Gauti Páll Jónsson (1481) og Dawid Kolka (1603).

Úrslit 7 . umferðar í a-flokki:

Bo.	Rtg	Name	Result	Name	Rtg
1	2154	Björnsson Sverrir Örn	0 - 1	Karlsson Mikael Jóhann	1933
2	2264	Ptácníková Lenka	1 - 0	Bjarnason Sævar Jóhann	2090
3	2206	Ómarsson Daði	0 - 1	Ragnarsson Jóhann Hjörtur	2081
4	2410	Gunnarsson Jón Viktor	½ - ½	Jensson Einar Hjalti	2305
5	2156	Þórhallsson Gylfi Þór	1 - 0	Maack Kjartan	2132

Staðan:

Rk.		Name	Rtg	Club/City	Pts.
1	IM	Gunnarsson Jón Viktor	2410	TB	6
2	WGM	Ptácníková Lenka	2264	Hellir	4,5
3	FM	Jensson Einar Hjalti	2305	Goðinn	4
4	IM	Bjarnason Sævar Jóhann	2090	Vinjar	3,5 + fr.
5		Ómarsson Daði	2206	TR	3,5
6		Ragnarsson Jóhann Hjörtur	2081	TG	3
7		Þórhallsson Gylfi Þór	2156	SA	2,5
8		Karlsson Mikael Jóhann	1933	SA	2,5
9		Björnsson Sverrir Örn	2154	Haukar	2,5 + fr.
10		Maack Kjartan	2132	TR	2

 

B-flokkur:

Röð efstu manna:

• 1. Dagur Ragnarsson (1916) 5½ v.
• 2. Jón Trausti Harðarson (1813) 4½ v.
• 3. Oliver Aron Jóhannesson (2018) 4 v.

Nánar á Chess-Results

C-flokkur:

Röð efstu manna:

• 1. Hilmir Freyr Heimisson (1711) 5½ v.
• 2.-3. Gauti Páll Jónsson (1481) og Dawid Kolka (1603) 5 v.

Sjá nánar á Chess-Results.

• Heimasíða TR
• Chess-Results
• Myndaalbúm (GB, ÞB og BJ)
• Myndaalbúm (TR-síða)

Henrik tapaði í fyrstu umferð í Brønshøj

Stórmeistarinn Henrik Danielsen (2524) tapaði fyrir danska alþjóðlega meistarann Jacob Vang Glud (2520) í 1. umferð alþjóðlega mótsins BSF Cup sem hófst í Brønshøj í Danaveldi í gær.  Í dag mætir teflir hann við alþjóðlegu meistarana Rasmus Skytte (2405), Danmörku, og Michael Richter (2460), Þýskalandi.

10 skákmenn taka þátt í a-flokknum og eru meðalstign 2467 skákstig.  Henrik er næststigahæstur keppenda.

Tefldar eru tvær skákir á dag alla daga nema fyrsta keppnisdag.  Umferðirnar hefjast kl. 8 og 13:30.

• Heimasíða mótsins
• Beinar útsendingar