Lenka endaði með 6 vinninga

Lenka Ptácníková (2239), stórmeistari kvenna, endaði með 6 vinninga í 9 umferðum á Olomouc-skákhátíðinni sem lauk í dag. Í næst síðustu umferð vann hún ísraelska alþjóðlega meistarann Boris Maryasin (2332) en tapað í dag fyrir rússneska alþjóðlega meistaranum Rakhim Pasiev (2376). Hún endar í 11.-22. sæti (20. sæti á stigum).

Frammistaða Lenku samsvaraði 2198 skákstigum og lækkar hún um 2 stig fyrir hana.

Tékkneski alþjóðlegi meistarinn Vojtech Plat (2470) sigraði á mótinu en hann hlaut 8 vinninga.

139 skákmenn frá 21 landi tóku þátt í flokki Lenku. Þar af voru 16 alþjóðlegir meistarar. Lenka var nr. 25 í stigaröð keppenda.

• Heimasíða mótsins
• Chess-Results
• Beinar útsendingar (hefjast almennt kl. 14)

Borgarskákmótið fer fram á þriðjudag

Borgarskákmótið fer fram þriðjudaginn 13. ágúst, og hefst það kl. 16:00. Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, eins og þau hafa gert síðustu ár. Gera má ráð fyrir að margir af sterkustu skákmönnum þjóðarinnar taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu. Mótið er öllum opið og er þátttaka ókeypis en skráning fer fram hér á Skák.is

Einnig er hægt að skrá sig í í síma 866 0116 Vigfús og 899 9268 (Björn). Tefldar verða 7 umferðir með 7 mínútna umhugsunartíma. Þetta er í 27. sinn sem mótið fer fram og er þetta iðulega eitt best sótta skákmót hvers árs. Í fyrra sigraði Sigurbjörn Björnsson sem tefldi fyrir Verkís.

Verðlaun:

1. 15.000 kr.
2. 10.000 kr.
3. 5.000 kr.

Bragi með jafntefli við stigahæsta keppenda mótsins - tvær umferðir í dag

Alþjóðlegi meistarinn Bragi Þorfinnsson (2493) gerði í gær í 4. umferð jafntefli við stigahæsta keppenda alþjóðlega mótsins í Riga, lettneska stórmeistarann Igor Kovalenko (2646). Bróðir hann Björn Þorfinnsson (2403) gerði svo jafntefli við Lettann Arthurs Bernotas (2282).

Bragi hefur 3 vinninga og er í 8.-36. sæti en Björn hefur 2½ vinning og er í 37.-72. sæti.

Tvöfaldur dagur er í dag. Í fyrri umferð dagsins teflir Bragi við rússneska FIDE-meistarann Maxim Lugovsky (2372) en Björn við Þjóðverjann Norman Schuetze (2245).

Alls taka 173 skákmenn frá 28 löndum þátt í efsta flokki. Þar af eru 27 stórmeistarar og jafnmargir alþjóðlegir meistarar. Bragi er nr. 24 í stigaröð keppenda en Björn er nr. 46.

• Heimasíða mótsins 
• Chess-Results
• Beinar útsendingar (ýmist kl. 8 eða kl. 14)

Guðmundur með jafntefli í gær

Guðmundur Kjartansson (2434) gerði jafntefli við spænska alþjóðlega meistarann Jose Angel Guerra Mendez (2516) í sjöttu umferð Badalona-mótsins sem fram fór í gær á Spáni. Guðmundur hefur 4½ vinning og er í 4.-14. sæti.

Í sjöundu umferð, sem fram fer í dag, teflir hann við spænska alþjóðlega meistarann Lazaro Lorenzo De La Riva (2449).

Spænski alþjóðlegi meistarinn Joan Fluvia Poyatos (2491) er efstur á mótinu með 5½ vinning.

Alls taka 94 skákmenn frá 21 landi þátt í efsta flokki. Meðal keppenda eru sex stórmeistarar og 22 alþjóðlegir meistarar. Guðmundur er nr. 17 í stigaröð keppenda.

Engar beinar útsendingar.

• Heimasíða mótsins
• Chess-Results 

Stórmót Árbæjarsafns og TR fer fram á sunnudag

Stórmót Árbæjarsafns og Taflfélags Reykjavíkur fer fram í níunda sinn sunnudaginn 11. ágúst. Teflt verður í Árbæjarsafni og hefst taflið kl. 14. Tefldar verða sjö umferðir með umhugsunartímanum 7 mín. á skák.

Breyting verður gerð á lifandi taflinu sem verið hefur árviss atburður á Stórmóti Árbæjarsafns og T.R.  Notast verður nú við taflmennina af útitafli Reykjavíkur í stað "lifandi taflmanna".  Hefst sú skák klukkan 13.

Veitt verða verðlaun fyrir þrjú efstu sætin í Stórmótinu, 12.000 kr., 8.000 kr. og 5.000 kr.

Þátttökugjöld í Stórmótinu eru kr. 1.000 fyrir 18 ára og eldri, en ókeypis fyrir yngri en 18 ára, eldri borgara (67) og öryrkja.  Þátttökugjöld eru jafnframt aðgangseyrir að safninu en þeir sem þegar hafa aðgang, t.d. með menningarkorti, þurfa ekki að borga þátttökugjald.

Frekari upplýsingar veitir Torfi Leósson, netfang: ([e-mail]) eða í síma 697-3974.  

Mótið er jafnan upphafsviðburður skákársins, og við vonumst til að sjá sem flesta á þessu skemmtilega móti.

Hannes efstur í Búdapest

Stórmeistarinn Hannes Hlífar Stefánsson (2526) er efstur á First Saturday-móti sem hófst í Búdapest sl. laugardag. Eftir 4 umferðir hefur hann 3 vinninga.

Í 2. umferð vann danska alþjóðlega meistarann Rasmus Skytte (2431), í 3. umferð tapaði hann fyrir ungverska alþjóðlega meistaranum Janos Konnyu (2323) og í 4. umferð sigraði hann íranska alþjóðlega meistarann Pouya Idani (2479).

Í fimmtu umferð, sem fram fer í dag, teflir hann við Kanann Erik F. Santarius (2263).

Hannes teflir í lokuðum 10 manna flokki þar sem meðalstigin eru 2410 skákstig. Hannes er næststigahæstur keppenda.

• Heimasíða mótsins
• Chess-Results

 

Guðmundur vann í fimmtu umferð í Badalona - er í 4.-9. sæti

Guðmundur Kjartansson (2434) vann spænska alþjóðlega meistarann Manuel Vehi (2307) í fimmtu umferð alþjóðlega mótsins í Badalona á Spáni sem fram fór í gær. Guðmundur hefur 4 vinninga og er í 4.-9. sæti.

Í sjöttu umferð, sem fram fer í dag, teflir hann við spænska alþjóðlega meistarann Jose Angel Guerra Mendez (2516). 

Þrír Spánverjar eru efstir og jafnir með 4½ vinning. Það eru stórmeistarinn Daniel Alsina Leal (2536) og alþjóðlegu meistararnir Lazaro Lorenzo De La Riva (2449) og Joan Fluvia Poyatos (2491).

Alls taka 94 skákmenn frá 21 landi þátt í efsta flokki. Meðal keppenda eru sex stórmeistarar og 22 alþjóðlegir meistarar. Guðmundur er nr. 17 í stigaröð keppenda.

Engar beinar útsendingar.

• Heimasíða mótsins
• Chess-Results 

Lenka vann í sjöundu umferð

Lenka Ptácníková (2239), stórmeistari kvenna, vann Tékkann Petr Matousek (2114) í sjöundu umferð Olomouc-mótsins sem fram fór í gær. Lenka hefur 5 vinninga og er í 8.-17. sæti.

Í áttundu og næstsíðustu umferð, sem fram fer í dag, teflir hún við ísraelska alþjóðlega meistarann Boris Maryasin (2332).

Tékkneski alþjóðlegi meistarinn Vojtech Plat (2470) er efstur með fullt hús.

139 skákmenn frá 21 landi taka þátt í flokki Lenku. Þar af eru 16 alþjóðlegir meistarar. Lenka er nr. 25 í stigaröð keppenda.

• Heimasíða mótsins
• Chess-Results
• Beinar útsendingar (hefjast almennt kl. 14)

Bragi með 1,5 vinning í dag

Alþjóðlegi meistarinn Bragi Þorfinnsson (2493) hlaut 1,5 vinning í 2. og 3. umferð alþjóðlegs móts í Riga sem fram fóru í dag. Í fyrri umferðinni vann hann ísraelska FIDE-meistarann Ofir Aharon (2307) en í þeirri síðari gerði hann jafntefli við tékkneska alþjóðlega meistarann Cyril Ponizil (2421). Björn Þorfinnsson (2403) hlaut einn vinning í dag. Í fyrri skákinni vann hann stigalágan Eista (1985) en í þeirri síðari tapaði hann fyrir litháíska stórmeistaranum Aloyzas Kveynis (2491). Bragi hefur 2,5 vinning en Björn hefur 2 vinninga.

Í 4. umferð teflir Bragi við stigahæsta keppenda mótsins, lettneska stórmeistarann Igor Kovalenko (2646) en Björn við Lettann Arthurs Bernotas (2282).

Alls taka 173 skákmenn frá 28 löndum þátt í efsta flokki. Þar af eru 27 stórmeistarar og jafnmargir alþjóðlegir meistarar. Bragi er nr. 24 í stigaröð keppenda en Björn er nr. 46.

• Heimasíða mótsins 
• Chess-Results
• Beinar útsendingar (ýmist kl. 8 eða kl. 14)

Dagur með tvö jafntefli í dag

Í dag fóru fram 5. og 6. umferð á Arad-mótinu í Rúmeníu. Dagur Arngrímsson (2385) gerði jafntefli í þeim báðum. Í þeirri fyrri við ungverska stórmeistarann Imre Balog (2534) og í þeirri síðari við heimamanninn Bogdan-Daniel Deac (2224). Dagur hefur 4,5 vinning og er í 12.-34. sæti.

Úkraínski stórmeistarinn Vadim Shiskin (2508) er efstur með 5,5 vinning.

Í sjöundu umferð, sem fram fer á morgun, teflir Dagur við sjötta Rúmenann (2171) í sjö umferðum.

241 skákmaður frá 16 löndum tekur þátt í mótinu. Þar af eru 8 stórmeistarar og 19 alþjóðlegir meistarar. Dagur er nr. 21 í stigaröð keppenda.

• Heimasíða mótsins
• Chess-Results
• Beinar útsendingar (ýmist kl. 6:30/7:00 eða 13:30)