TORG-skákmót Fjölnis á laugardaginn

Skákdeild Fjölnis býður öllum grunnskólanemendum að taka þátt í hinu árlega TORG-skákmóti sem deildin heldur nú í 10. skiptið. Mótið verður haldið n.k. laugardag, 9. nóvember kl. 11:00 - 13:00, í Foldaskóla í Grafarvogi. Að venju gefa fyrirtækin í verslunarmiðstöðinni Hverafold alla vinninga, um 20 talsins. Auk þess býður NETTÓ Hverafold öllum þátttakendum upp á ókeypis veitingar í skákhléi.

Tefldar verða 6 umferðir með 7 mínútna umhugsunarfresti. NETTÓ Hverafold gefur þrjá glæsilega eignarbikara til keppninnar en flokkarnir eru, 1998 og yngri, 2003 - 2007 og stúlknaflokkur. Þátttaka í mótinu er ókeypis og foreldrum velkomið að fylgjast með.

Heiðursgestur mótsins verður Hrafn Jökulsson skákfrömuður sem nýkominn er til baka úr velheppnuðum Grænlandsleiðangri Hróksins. Hrafn var einn af stofnendum skákdeildar Fjölnis og hefur stutt starfsemina frá fyrsta degi. Meðal þátttakenda verða hinir nýbökuðu Íslandsmeistarar, Oliver Aron Jóhannesson (20)og Vignir Vatnar Stefánsson (13).

Skákstjórar verða þeir Helgi Árnason formaður skákdeildar Fjölnis og Páll Sigurðsson formaður TG. Í fyrra varð metþátttaka á TORG skákmótinu og því eru væntanlegir þátttakendur hvattir til að mæta tímanlega til skráningar.

EM-farinn: Lenka Ptácníková - fyrsta borð í kvennaflokki

Lenka Ptácníková teflir á fyrsta borði fyrir landslið Íslands í kvennaflokki. Umfjölluninni um EM-faranna lýkur síðar í dag með Héðni Steingrímssyni. 

Keppandi

Lenka Ptácníková

Staða

Fyrsta borð í kvennaflokki.

Aldur 

37 ára

Félag

GM Hellir

Skákstig

2238

Hvenær teflt fyrst á EM landsliða og hversu oft hefur þú tekið þátt í EM landsliða:

Aðeins einu sinni 2005

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Frá Ólympíuskákmótinu 2010 á móti Evu Repkovu var flott skák, en var birt káður. [Innskot ritstjóra: var kosin skák ársins árið 2010 meðal lesenda Skákhornsins] 

Á þessu ári tefldi ég ein af flottustum skákum mínum í 8. umferð opna flokksins Olomouc chess summer á móti IM Boris Maryasin frá Israel. Hana má finna hér. Það var skemmtileg sóknaskák, þar sem allir mennirnir voru í lofti.  Á vísu var hér og þar hægt að tefla bettur, en það gerist oft í sóknaskákum. Eftir 19. leik var svartur rosa glaður, hugsaði líklega að búinn vinna í nokkrum leikum. Hann er manni yfir og 20. Dxd6 gengur ekki alveg vegna 20. ... Dxa5 21. b4 Dxd5. Að drepa biskup á e6 hefur sína galla líka: 20. dxe6 Hxe6 skák og b6 í næsta leik lítur ekki vel út heldur. En eftir 20. Hc7 hugsaði svartur ansi lengi og kom í ljós að það er núna hann sem er í vandræðum. 
Drottningafórn í lok er bara svona sætur endir.

 

Spá þín um lokasæti Íslands?

Batnandi mönnum er best að lifa.

 

Hverjir verða sigurvegarar EM (báðir flokkar)

Það verða óvænt úrslit.

 

Hver hefur verið undirbúningur þinn fyrir EM?

Fjölbreyttur undirbúningur.

 

Persónuleg markmið á mótinu.

Gera mitt besta.

Eitthvað að lokum?

Áfram Ísland!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "Chess Olympiad (Women)"] [Site "Khanty-Mansiysk RUS"] [Date "2010.09.27"] [EventDate "2010.09.21"] [Round "6"] [Result "1-0"] [White "Lenka Ptacnikova"] [Black "Eva Repkova"] [ECO "C07"] [WhiteElo "2282"] [BlackElo "2447"] [PlyCount "83"] 1. e4 e6 2. d4 d5 3. Nd2 c5 4. exd5 Qxd5 5. Ngf3 cxd4 6. Bc4 Qd6 7. O-O Nf6 8. Nb3 Nc6 9. Nbxd4 Nxd4 10. Nxd4 a6 11. Re1 Qc7 12. Qe2 Bd7 13. Bg5 O-O-O 14. a4 Bc5 15. c3 h5 16. b4 Bd6 17. h3 e5 18. Nb5 axb5 19. axb5 Bf5 20. b6 Qxb6 21. Be3 Qc7 22. Bb5 Nd7 23. Ra8+ Nb8 24. Ba7 Qxc3 25. Be3 Bc7 26. Rc1 Qxc1+ 27. Bxc1 Rd6 28. Be3 Rhd8 29. Ba4 Rg6 30. Qxh5 Be4 31. f3 Bd3 32. Bb3 Rd7 33. Qh8+ Rd8 34. Qh4 f5 35. Bg5 Bb6+ 36. Kh1 Rf8 37. Be7 Bf1 38. Ra2 Bd8 39. Qh7 Rh6 40. Qxg7 Rfh8 41. Bxd8 Kxd8 42. Rd2+ 1-0

Atskákmót Akureyrar hefst í kvöld

Mótið hefst kl. 20 fimmtudaginn 7. nóvember í Skákheimilinu. Tefldar verða 25 mínútna skákir, 7 umferðir eftir Monrad-kerfi.

Þrjár umferðir verða tefldar á fimmtudaginn, en fjórar sunnudaginn 10. nóvember. Þá hefst taflið kl. 13. 

Að venju áskilur mótsstjórn sér að gera minniháttar breytingu á fjölda umferða þegar fjöldi þátttakenda liggur fyrir.  Það verður þá gert í samráði við keppendur, eins og venja er.

Þátttökugjald er 1000 kr. 

Skráning á staðnum í upphafi móts, menn eru beðnir að mæta tímanlega þannig að hægt verði að byrja kl. 20.

Æsir - þrír Riddarar efstir

"Hart var barist og hart var varist"  á hinu vikulega móti skákklúbbs eldri borgara í Stangarhylnum sem endranær. Nærri þrír tugir vaskra skákvíkinga vógust þar á og "gáfu hvorki grið né frið" og þáðu ekki jafntefli nema í undantekningar tilfellum. Hin heilaga riddaraþrenning Guðfinnur, Stefán og Páll luku keppni með 9 vinninga af 10 mögulegum, sem telja verður vel af sér vikið.  

Þeir stallbræður urðu að láta sér stigareikning lynda til að deila sætum þó sumum finnist vel koma til greina og eðlilegra að miða við aldursröð, en Sviss Perfect býður ekki upp það né skákmótareglur yfirleitt.  Ef svo væri hefði Páll G. Jónsson, með sinn skák X-faktor í blóðinu, prýtt efsta sæti mótstöflunnar en hann er kominn á níræðisaldur, en þeir Gussi og Stebbi undir sjötugu. Þetta skiptir þó engu máli í heildarsamantekt um aflakóngstitil klúbbsins, þar eru það vinningarnir vetrarins sem telja til úrslita skipt eftir aldursflokkum.  

Nánari úrslit má sjá á meðf. mótstöflu sem segir sína sögu um dagsform keppenda sem oft á tíðum er ærið misjafnt.

 

 

Sjö skákmenn efstir á Vetrarmóti öðlinga

Önnur umferð Vetrarmóts öðlinga fór fram í kvöld. Að þessu sinni var lítið um óvænt úrslit og hinir stigahærri unnu almennt þá stigalægri. Sjö skákmenn eru efstir og jafnir með fullt hús. Stöðuna má finna hér. Þriðja umferð fer fram nk. miðvikudagskvöld. 

Úrslit 2. umferðar má finna hér.  Pörun þriðju umferðar má nálgast hér.

• Heimasíða TR
• Chess-Results 
• Myndaalbúm (GB)

Club Fischer 64

Menningarvinir!

Skákin hefur um áraraðir verið mikilvægur hluti af menningarlífi okkar Íslendinga. Margir kannast við nöfn eins og Willard Fiske, Bobby Fischer og Friðrik Ólafsson.

Sem kunnugt er opnaði Illugi Gunnarsson ráðherra Fischersetrið á Selfossi þann 11. júlí síðastliðinn í gamla Landsbankanum á Selfossi. Vefsíða http:// fischersetur.is

Fischersetrið er í senn fyrsta skáksafn á Norðurlöndum og fyrsta félagsheimili fyrir Skákfélag Selfoss og nágrennis (SSON). Núverandi formaður SSON er Björgvin Smári Guðmundsson.

Stjórn Fischerseturs er skipuð eftirfarandi einstaklingum;

• Ingimundur Sigurmundsson formaður
• Aldís Sigfúsdóttir
• Gunnar Björnsson
• Helgi Ólafsson
• Lýður Pálsson
• Gunnar Finnlaugsson
• Magnús Matthíasson

Framkvæmdastjórn Fischersetur skipa; Aldís Sigfúsdóttir, Bjarni Harðarson og Magnús Matthíasson. Gjaldkeri er Guðmundur Búason.

Riddaralið með Óla Þ Guðbjartsson í farabroddi hefur af miklum dugnaði og ástundum séð um safnið nú í sumar.

Klúbburinn Fischer 64

Hlutverk klúbbsins er að tryggja rekstur Fischersetursins. Einstaklingar sem gerast stofnfélagar í Fischer 64 fá eftirfarandi hlunnindi;

• Ókeypis aðgang að Fischersetrinu
• Nafn sitt á reit á stóru veggtafli í Fischersetrinu
• Ritið Fischer 64 sem gefið verður út á næsta ári. Ritið verður bæði á ensku og íslensku.

Hvað bókasafn varðar er fyrirmynd okkar MAX EUWE Center í hjarta Amsterdam. Nú þegar eru yfir hundrað skákbækur á að minnsta kosti tíu tungumálum í safninu. Flestar þeirra eru um Fischer og einvígið 1972.

Gjafir frá einstaklingum eru vel þegnar, sér í lagi íslenskar skákbækur og einnig innbundnir árgangar af tímaritinu SKÁK.

Það er von okkar að þið viljið styðja gott málefni. Án framlaga og sjálfboðaliða hefði Fischersetur ekki orðið að veruleika og nú þarf fyrst og fremst fjármagn til að tryggja framhaldið.

Stofnendur greiði vinsamlegast minst 10.000 krónur inn á neðangreindan reikning sem fyrst.

• Reikningur  0152-26-005104  kennitala 510413-0320  
• Landsbanki Íslands Selfossi
  

Silfurriddari verður sá sem greiðir 10.000 til 50.000 krónur

Gullriddari verður sá sem greiða meira en 50.000 krónur

Stórriddarar klúbbsins eru Friðrik Ólafsson (f1) og Guðmundur G Þórarinsson (g1).

Með skákkveðju

Guðni Ágústsson, forseti FISCHER 64

Gunnar Finnlaugsson, stofnandi Fischerseturs

Upplýsingar;

Gunnar Finnlaugsson

Mellanvångsvägen 23

223 55 Lund

Sverige

Tölvufang; [e-mail]

Símar: [phone] (heima) [phone] (farsími)

EM-farinn: Davíð Ólafsson

Nú styttist óðfluga í EM-landsliða en hópurinn fer til Varsjár á morgun. Í dag höldum við áfram með kynninguna og nú er kynntur landsliðsþjálfari kvenna. Kynningunni lýkur svo á morgun með fyrsta borðs mönnunum Lenku og Héðni.

Keppandi

Davíð Ólafsson

Staða

Liðsstjóri kvennaliðsins

Aldur 

45

Félag

GM Hellir

Skákstig

2316

Hvenær teflt fyrst á EM landsliða og hversu oft hefur þú tekið þátt í EM landsliða:

Ekki tekið þátt áður.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Ég hef ekki verið að tefla mikið síðustu ár.  Ég tefldi þó ágætis skák á móti Oleksienko síðasta vor - það situr reyndar ennþá í mér að hafa ekki fundið afar snotra vinningsleið sem ég átti kost á.

Spá þín um lokasæti Íslands?

Ofar en liðinu er raðað.

Hverjir verða sigurvegarar EM (báðir flokkar)

Rússar í karlaflokki og Georgía í kvennaflokki.

Hver hefur verið undirbúningur þinn fyrir EM?

Að undirbúa kvennaliðið sem best

Persónuleg markmið á mótinu.

Held því fyrir mig.

Eitthvað að lokum?

Ég vil hvetja alla til að fylgjast sem best með mótinu.  Ekkert betra en að vera með beinar útsendingar (hefjast kl. 14) á aukaskjá í vinnunni.

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

Landskeppni við Bandaríkin í bréfskák

Bandaríska bréfskáksambandið hefur skorað á Ísland í landskeppni sem hefst í kringum áramótin. Þátttaka er ókeypis og öllum opin, hvort sem þeir hafa teflt bréfskák áður eða ekki.

Hver liðsmaður teflir tvær skákir við sama andstæðing, aðra með hvítu og hina með svörtu.

Umhugsunartíminn er mjög rúmur þannig að þessi keppni hefur ekki áhrif á möguleika manna til að taka samhliða þátt í hefðbundnum skákmótum. Einnig geta keppendur tekið sér allt að 45 daga frí meðan á keppninni stendur, annað hvort í einu lagi eða skipt því niður.

Bréfskákin er upplögð fyrir þá sem vilja fá tækifæri til að kafa djúpt í þau byrjunarafbrigði sem upp koma í skákunum. Þar sem leyfilegt er að nota öll hjálpartæki er bréfskákin einnig kjörinn vettvangur fyrir þá skákmenn sem vilja ná betri tökum á notkun skákgagnagrunna og skákreikna við rannsóknir á skákstöðum. Tölvurnar verða sífellt mikilvægari í undirbúningi skákmanna og því nauðsynlegt fyrir alla skákmenn að kunna að nýta sér tæknina til hins ýtrasta.

Þátttöku má tilkynna með því að senda tölvupóst á [e-mail].

Bréfskákin á sér sterkar rætur í Bandaríkjunum og stendur með miklum blóma um þessar mundir. T.d. taka þeir nú þátt í 14 landskeppnum og aðrar 33 eru í undirbúningi. Tveir Bandaríkjamenn hafa orðið heimsmeistarar í bréfskák og ellefu skákmenn hafa náð stórmeistaratitli, en einungis 216 virkir bréfskákmenn bera þennan titil.

Bréfskákin hefur haft sterkan meðbyr á Íslandi undanfarin ár. Bæði hafa bréfskákmenn okkar náð prýðilegum árangri og eins hefur íslenskum bréfskákmönnum fjölgað mikið. M.a. hefur íslenska landsliðið tryggt sér sæti í úrslitum Evrópukeppninnar og er sem stendur í öðru sæti í sínum riðli í undanúrslitum Ólympíumótsins.

EM-farinn: Hannes Hlífar Stefánsson

Áfram er haldið með kynningu á EM-förunum en mótið hefst á föstudaginn. Nú er kynntur til sögunnar Hannes Hlífar Stefánsson.

Keppandi

Hannes Hlífar Stefánsson

Staða

Annað borð í opnum flokki

Aldur 

41

Félag

Víkingaklúbburinn

Skákstig

2539

Hvenær teflt fyrst á EM landsliða og hversu oft hefur þú tekið þátt í EM landsliða:

Tefldi fyrst 1992 í Debrecen - fjórum sinnum tekið þátt.

Besta (og/eða minnisstæðasta) skák sem þú hefur teflt fyrir Íslands hönd (hvort sem er á EM, Ól eða annars staðar) og smá umfjöllun um hana.

Ein af minnisstæðustu skákum er þegar ég vann Alexey Vyzmanavin en þetta var á heimsmeistarakeppni landsliða í Luzern árið 1993. Við vorum að tefla á móti Rússum og hinir gerðu jafntefli sem varð til þess að við unnum Rússa 2.5-1.5! Eitt lið forfallaðist í keppninni (Júgóslavar vegna viðskiptabanns) á síðustu stundu sem varð til þess að við fengum þátttökurétt vegna þess að við vorum númer 6 á Ólympíumótinu í Manila 1992.

Fyrirvarinn voru nokkrir klukkutímar við Helgi áttum að tefla á alþjóðlegu skákmóti á vegum Hellis daginn eftir en Jóhann Hjartarson hafði samband við klúbbinn sinn í þýskalandi og fengnir voru tveir Þjóðverjar í staðinn fyrir okkur.

[Innskot ritstjóra: Ritstjóri sem var þá formaður Hellis átti mjög svefnlausa þegar tveimur sterkustu keppendum mótsins var nánast stolið úr mótinu með engum fyrirvara! Málinu var þó reddað á síðustu stundu eins og Hannes bendir á.]

Spá þín um lokasæti Íslands?

Við verðum efst Norðurlandaþjóða. 

Hverjir verða sigurvegarar EM (báðir flokkar)

Ætli verði ekki Rússar í karlaflokki en treysti mér ekki að spá fyrir um kvennaflokkinn.

Hver hefur verið undirbúningur þinn fyrir EM?

Undirbúningur minn fyrir þetta mót er svipuð og önnur  er nýlega kominn frá Evrópukeppni taflfélaga sem ég stóð mig þokkalega.

Persónuleg markmið á mótinu.

Stefnan er sett að tefla á 2600+ styrkleika og hækka á stigum. 

Eitthvað að lokum?

Skák er skemmtileg!

Samantekt EM-farans 2013:

• 1. GM Héðinn Steingrímsson
• 2. GM Hannes Hlífar Stefánsson
• 3. (GM) Hjörvar Steinn Grétarsson
• 4. GM Henrik Danielsen
• 5. IM Guðmundur Kjartansson
• Liðsstjóri: Helgi Ólafsson
• 1. WGM Lenka Ptácníková
• 2. Hallgerður Helga Þorsteinsdóttir
• 3. Jóhanna Björg Jóhannsdóttir
• 4. Tinna Kristín Finnbogadóttir
• 5. Elsa María Kristínardóttir
• Liðsstjóri: Davíð Ólafsson
• Fararstjóri: Gunnar Björnsson
• Skákstjóri: Omar Salama
• Skákstjóri: Róbert Lagerman

[Event "Ch World (team)"] [Site "Lucerne (Switzerland)"] [Date "1993.??.??"] [EventDate "?"] [Round "3"] [Result "1-0"] [White "Hannes Stefansson"] [Black "Alexey Vyzmanavin"] [ECO "B17"] [WhiteElo "?"] [BlackElo "?"] [PlyCount "71"] 1.e4 c6 2.d4 d5 3.Nd2 dxe4 4.Nxe4 Nd7 5.Bc4 Ngf6 6.Ng5 e6 7.Qe2 Nb6 8.Bd3 h6 9.N5f3 c5 10.dxc5 Bxc5 11.Ne5 Nbd7 12.Ngf3 Qc7 13.Bf4 Bd6 14.Bg3 O-O 15.O-O-O Nc5 16.Kb1 Rd8 17.Bh4 Be7 18.g4 Nd5 19.Bxe7 Qxe7 20.Bc4 Bd7 21.Nxd7 Qxd7 22.g5 hxg5 23.Nxg5 Qe7 24.h4 Qf6 25.Bxd5 exd5 26.Rh3 Qg6 27.Rg1 Re8 28.Qd1 Rad8 29.Rf3 Ne4 30.a3 Qh5 31.Qd3 f6 32.Nxe4 dxe4 33.Qb3+ Qf7 34.Rfg3 Qxb3 35.Rxg7+ Kh8 36.cxb3 1-0

TORG - skákmót Fjölnis í 10. sinn n.k. laugardag

Skákdeild Fjölnis býður öllum grunnskólanemendum að taka þátt í hinu árlega TORG-skákmóti sem deildin heldur nú í 10. skiptið. Mótið verður haldið n.k. laugardag, 9. nóvember kl. 11:00 - 13:00, í Foldaskóla í Grafarvogi. Að venju gefa fyrirtækin í verslunarmiðstöðinni Hverafold alla vinninga, um 20 talsins. Auk þess býður NETTÓ Hverafold öllum þátttakendum upp á ókeypis veitingar í skákhléi.

Tefldar verða 6 umferðir með 7 mínútna umhugsunarfresti. NETTÓ Hverafold gefur þrjá glæsilega eignarbikara til keppninnar en flokkarnir eru, 1998 og yngri, 2003 - 2007 og stúlknaflokkur. Þátttaka í mótinu er ókeypis og foreldrum velkomið að fylgjast með.

Heiðursgestur mótsins verður Hrafn Jökulsson skákfrömuður sem nýkominn er til baka úr velheppnuðum Grænlandsleiðangri Hróksins. Hrafn var einn af stofnendum skákdeildar Fjölnis og hefur stutt starfsemina frá fyrsta degi. Meðal þátttakenda verða hinir nýbökuðu Íslandsmeistarar, Oliver Aron Jóhannesson (20)og Vignir Vatnar Stefánsson (13).

Skákstjórar verða þeir Helgi Árnason formaður skákdeildar Fjölnis og Páll Sigurðsson formaður TG. Í fyrra varð metþátttaka á TORG skákmótinu og því eru væntanlegir þátttakendur hvattir til að mæta tímanlega til skráningar.