Skák.is

Færsluflokkur: Spil og leikir

2.2.2014 | 20:00

Skákþáttur Morgunblaðsins: Jan Timman aftur til Wijk aan Zee

Jan Timman og Max Euwe eru þeir stórmeistarar Hollendinga sem lengst hafa náð. Euwe varð heimsmeistari árið 1935 og eftir því sem árin liðu dró hann úr þátttöku á skákmótum og varð að lokum forseti FIDE á miklu umbrotatímabili frá 1970-´78. Um svipað leyti tók Timman við kyndlinum sem fremsti skákmaður Hollendinga. Hann er nú 62 ára gamall og hin síðari ár hefur hann stundum skort úthald á sterkum mótum og hvergi hefur það komið betur fram en í hinni hörðu keppni A-flokks Wijk aan Zee-mótanna. Fyrir tveim árum var Timman ákaft fagnað í Wijk þegar hann tók sæti í B-stórmeistaraflokki og í ár lét hann sig hafa það að tefla þar aftur. Eftir þrjár umferðir var hann með einn vinning en þá var eins og birti til og hann vann hverja skákina á fætur annarri með stórskemmtilegri taflmennsku. Þegar þetta er ritað er hann í 3. sæti með 7 vinninga af 10 mögulegum, aðeins ½ vinningi á eftir efstu mönnum. Þetta þykja ekki minni tíðindi í Hollandi en úrslitin í A-flokki þar sem flest hefur farið eftir bókinni og Levon Aronjan er efstur. Reynslumiklir skákmenn hafa það oft fram yfir þá yngri að getið gripið til gamalla og „gleymdra" leikja eins og í eftirfarandi skák sem tefld var í 10. umferð:

Etienne Goudriann - Jan Timman

Nimzoindversk vörn

1. d4 Rf6 2. c4 e6 3. Rc3 Bb4 4. e3 O-O 5. Bd3 d5 6. Rf3 c5 7. O-O b6

Leikur sem sést sjaldan nú orðið en var í vopnabúri Keres, Spasskí og Friðriks Ólafssonar.

8. cxd5 exd5 9. Re5 He8

Góð er einnig sú leið sem Friðrik valdi að leika 9. ... Bxc3 10. bxc3 Ba6 sbr. skák hans við Matera á Reykjavíkurskákmótinu 1976.

10. Re2 c4 11. Bc2 Bd6 12. b3 Dc7 13. Bb2 b5 14. Hc1 Rbd7 15. f4 Rb6

Svartur leitar færa á drottningarvængnum. Það kemur aldrei til álita að taka á e5.

16. De1 a5 17. Dh4 Be7 18. f5 b4 19. Hf3 c3 20. Hg3 Re4!

20. .. cxb2 leiðir til jafnteflis eftir 21. hxg7+ Kxg7 22, Dg5+ Kf8 23. Dh6+ o.s.frv. Timman vill meira.

21. Dh5

Hótar máti í tveim leikjum, 22. Dxf7+ og 23. Dxg7. Svartur getur varið f7-peði með ýmsum hætti, 21. ... Bf6 lítur vel út en þá kemur 22. Bxe4 dxe4 23. Rg4! og hvítur vinnur. Annar möguleiki er 21. ... Rd6 22. Hxg7+! Kxg7 23. f6+! Bxf6 24. Dxh7+ Kf8 25. Rg6+! fxg6 26. Dxc7 með vinningsstöðu. Timman hittir á besta leikinn.

21. ... Bh4! 22. Bxe4 Bxg3 23. f6 h6! 24. Rxg3 Hxe5!

Aftur besti leikurinn en 24. ... dxe4 kom einnig til greina.

25. dxe5 dxe4 26. Hf1 cxb2 27. fxg7 Kxg7!

Hótunin var 28. Dxh6. Þetta er besti varnarleikurinn.

28. Dh4 Rd5 29. Rh5 Kf8 30. Rf6 Rxf6 31. exf6 Ha6 32. Dxe4

Lítt stoðar 32. Dxh6+ Ke8 og kóngurinn sleppur.

32. ...Be6 33. Hd1 Ke8 34. Db1 De5 35. Dh7 Hd6 36. Hxd6 Dxe3+ 37. Kf1 Df4+

- og hvítur gafst upp.

Jón Viktor og Einar Hjalti efstir á Skákþingi Reykjavíkur

Þegar þrjár umferðir eru eftir af Skákþingi Reykjavíkur eru sigurstranglegustu keppendurnir þeir Jón Viktor Gunnarsson og Einar Hjalti Jensson í efsta sæti með 5 ½ vinning af sex mögulegum. Allt getur gerst á lokasprettinum því þrír ungir skákmenn sækja hart að þeim. Dagur Ragnarsson, Örn Leó Jóhannsson og Þorvarður Ólafsson eru í 3. - 5. sæti með 5 vinninga. Í 6. - 8. sæti koma svo Davíð Kjartansson, Loftur Baldvinsson og Júlíus Friðjónsson með 4 ½ v.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Sunnudagsmogganum, 26. janúar 2014.

Skákþættir Morgunblaðsins

Spil og leikir | Breytt 27.1.2014 kl. 11:01 | Slóð | Facebook | Athugasemdir (0)

2.2.2014 | 11:42

Úrsltin ráðast á Skákþingi Reykjavíkur í dag

Níunda og síðasta umferð Skáþings Reykjavíkur fer fram í dag og hefst kl. 14. Þá ráðast úrslitin á mótinu en Jón Viktor Gunnarsson (2412) og Einar Hjalti Jensson (2347) eru efstir og jafnir með 7 vinninga. Flest bendir til þess að annar hvor þeirra verði skákmeistari Reykjavíkur þar sem næstu menn, fimm talsins, hafa vinningi minna.

Staða Jóns Viktors er óneitanlegri betri en Einars Hjalta. Verði tveir eða fleiri jafnir í efsta sæti gildir stigaútreikningur og þar stendur Jón töluvert betur að vígi en Einar Hjalti. Að öllum líkindum dugir því Jóni að gera sömu úrslit og Einar til að verða skákmeistari Reykjavíkur í fimmta sinn.

Í 3.-7. sæti eru þau Davíð Kjartansson (2336), Þorvarður F. Ólafsson (2256), Lenka Ptácníková (2245), Jón Trausti Harðarson (2003) og Oliver Aron Jóhannesson (2104). Þau öll hafa tölfræðilegan möguleika á titlinum - það er ef Jón Viktor og Einar Hjalti tapi báðir.

Í umferð dagsins mætast: Jón Trausti - Jón Viktor, Einar Hjalti - Lenka, Oliver Aron - Davíð og Loftur Baldvinsson - Þorvarður.

Spil og leikir | Slóð | Facebook | Athugasemdir (0)

2.2.2014 | 11:00

Stefán, Dagur og Björn efstir á Nóa Síríus mótinu

Stórmeistarinn Stefán Kristjánsson (2491) og alþjóðlegu meistararnir Dagur Arngrímsson (2381) og Björn Þorfinnsson (2387) eru efstir og jafnir með 3,5 vinning að lokinni fjórðu umferð Nóa Síríus-mótsins - Gestamóts GM Hellis og Breiðabliks sem fram fór sl. fimmtudagskvöld. Afar óvænt úrslit urðu í umferðinni þegar Björgvin S. Guðmundsson (1914) vann Einar Hjalta Jensson (2347).

Tveimur skákum í umferðinni var frestað í umferðinni sem gætu haft áhrfi á röð efstu manna. Skák Braga Þorfinnssonar (2454) og Björgvins Jónssonar (2340) var frestað en þeir hafa báðir fullt hús og því ljóst að a.m.k. annar þeirra verður toppnum. Einnig var skák Davíð Kjartanssonar (2336) og Jóns Viktors Gunnarssonar (2412) frestað en þeir hafa báðir 2,5 vinning.

Á efstu borðunum vann Stefán Elvar Guðmundsson (2322), Björn stöðvaði sigurgöngu Þrastar Árnarsonar (2267) með sigri og Dagur hafði betur gegn Þorsteini Þorsteinssyni (2243) í lengstu skák umferðarinnar.

Sem fyrr var töluvert um óvænt úrslit. Má þar nefna Hrafn Loftsson (2192) gerði jafntefli við Karl Þorsteins (2452), landsliðskonan Tinna Kristín Finnbogadóttir (1917) gerði jafntefli við landsliðsþjálfara kvenna Davíð Ólafsson (2316) og Mikael Jóhann Karlsson (2057) vann Sigurð Pál Steindórsson (2240).

Næsta umferð

Fimmta umferð fer fram á fimmtudagskvöldið í Stúkunni í Kópavogi. Þá mætast meðal annars:

Björn - Stefán, Dagur - Bragi, Björgvin J. - Jón Viktor, Sigurður Daði - Lenka og Björgvin S. - Elvar Guðmundsson.

Spil og leikir | Breytt s.d. kl. 11:08 | Slóð | Facebook | Athugasemdir (0)

1.2.2014 | 20:20

Töfrabrögð Carlsen - snéri tapaðri stöðu í vinning gegn Nakamura

Magnus Carlsen (2872) vann í dag bandaríska stórmeistarann Hikaru Nakamura (2789) í þriðju umferð ofurmótsins í Zurich. Nakamura átti lengi unnið tafl en með nokkrum ónákvæmlegum leikjum og frábærri taflmennsku Carlsen snérist dæmið við og norska undrið vann þessa æsispennandi skák í 61 leik. Nokkuð kómískt út frá ummælum bandaríska stórmeistaranum í nýjasta tölublaði New In Chess.

Aronian (2812) gerði jafntefli við Gelfand (2777) og sömu úrslit urðu í skák Caruana (2782) og Anand (2773). Þar með er heimsmeistarinn fyrrverandi kominn á blað.

Carlsen er efstur með 2,5 vinning og Aronian annar með 2 vinninga. Á morgun mætir Carlsen Caruana en Aronian mætir Nakamura.

Mótið er með hæstu meðalstig frá upphafi en meðalstigin í mótinu eru 2801 skákstig.

Heimasíða mótsins
Beinar útsendingar (hefjast kl. 14)

Spil og leikir | Slóð | Facebook | Athugasemdir (1)

1.2.2014 | 16:37

Bragi Halldórsson sigurvegari Toyota-skákmótsins

Rammislagur - Toyota skákmót eldri borgara VII. 2014. Bragi Halldórsson fór með sigur af hólmi annað árið í röð.

Það voru hressir gamlingjar 60 ára til nærri níræðs sem öttu kappi í bílasal Toyota í gær innan um glæsivagna. Mótið var liður í viðburðahaldi í tilefni skákdags Friðriks Ólafssonar fyrir skemmstu. Garðar Guðmundsson formaður Ása setti mótið en síðan lék Úlfvar Steindórsson, forstjóri, fyrsta leikinn fyirir aldursforsetan Friðrik Sófusson (87).

Telfdar voru 9 umferðir með 10 mín. umhugsunartima. Þátttaka var minni en áætlað var og í fyrra, þvi óvenju margir boðuðu forföll á síðustu stundu, engu að síður mjög góð og margir öflungir meistarar meðal keppenda, eins og sjá má á meðf. mótstöflu.

Myndaalbúm (ESE)

Spil og leikir | Slóð | Facebook | Athugasemdir (0)

1.2.2014 | 14:51

Ný alþjóðleg skákstig

Ný alþjóðleg skákstig komu út í dag, 1. febrúar 2014. Aðeins eitt innlent mót var reiknað að þessu sinni, Skákþing GM Hellis (Norðursvæði) og breytingar því óverulegar á stigalistanum. Mun meira fjör verður hins vegar á mars-listanum þegar t.d. Skákþing Reykjavíkur og Nóa Síríus-mótið - Gestamót GM Hellis verða reiknuð.

Topp 20:

No.	Name	Tit	feb.14	Gms	Diff
1	Hjartarson, Johann	GM	2580	0	0
2	Stefansson, Hannes	GM	2560	0	0
3	Olafsson, Helgi	GM	2546	0	0
4	Steingrimsson, Hedinn	GM	2537	6	-7
5	Gretarsson, Hjorvar Steinn	GM	2511	0	0
6	Danielsen, Henrik	GM	2501	0	0
7	Arnason, Jon L	GM	2499	0	0
8	Kristjansson, Stefan	GM	2491	0	0
9	Gretarsson, Helgi Ass	GM	2455	0	0
10	Thorfinnsson, Bragi	IM	2454	0	0
11	Thorsteins, Karl	IM	2452	0	0
12	Thorhallsson, Throstur	GM	2445	0	0
13	Kjartansson, Gudmundur	IM	2441	0	0
14	Gunnarsson, Arnar	IM	2434	0	0
15	Gunnarsson, Jon Viktor	IM	2412	0	0
16	Olafsson, Fridrik	GM	2406	0	0
17	Thorfinnsson, Bjorn	IM	2387	0	0
18	Ulfarsson, Magnus Orn	FM	2382	0	0
19	Arngrimsson, Dagur	IM	2381	0	0
20	Johannesson, Ingvar Thor	FM	2377	0	0

Aðeins einn skákmaður hækkaði um meira en 10 skákstig. Það var Jakob Sævar Sigurðsson, sigurvegari Skákþings GM Hellis sem hækkaði um 23 skáktig.

Heimslistinn

Rank	Name	Title	Country	Rating	Games	B-Year
1	Carlsen, Magnus	g	NOR	2872	0	1990
2	Aronian, Levon	g	ARM	2826	11	1982
3	Kramnik, Vladimir	g	RUS	2787	0	1975
4	Topalov, Veselin	g	BUL	2785	0	1975
5	Caruana, Fabiano	g	ITA	2781	11	1992
6	Grischuk, Alexander	g	RUS	2777	0	1983
7	Nakamura, Hikaru	g	USA	2776	11	1987
8	Anand, Viswanathan	g	IND	2773	0	1969
9	Karjakin, Sergey	g	RUS	2766	11	1990
10	Gelfand, Boris	g	ISR	2761	11	1968

Spil og leikir | Slóð | Facebook | Athugasemdir (0)

1.2.2014 | 08:13

Skákþing Reykjavíkur: Skákir áttundu umferðar

Kjartan Maack hefur slegið inn skákir áttundu umferðar Skákþings Reykjavíkur. Þær fylgja með sem viðhengi. Þar má finna margar athyglisverðar skákir.

Veljið skák (37 alls):

Spil og leikir | Slóð | Facebook | Athugasemdir (0)

31.1.2014 | 15:56

Carlsen teflir í Zurich - vann Gelfand í fyrstu umferð

Magnus Carlsen (2872) tekur þessa dagana þátt í sínu fyrsta skákmóti síðan hann vann heimsmeistaratitilinn af Anand í Chennai í nóvember. Nú fer fram mót í Zurich þar sem meðalstigin eru 2801 skákstig (!!) sem er heimsmet. Anand (2773) er stigalægstur sex keppenda.

Í fyrstu umferð vann Carlsen Gelfand (2777) og Aronian (2812) næststigahæsti keppandi heims hafði betur gegn Anand (2773). Nakamura (2789), sem lítur á sig sem helstu ógnina við Carlsen, og Caruana (2782) gerðu jafntefli.

Nú er í gangi önnur umferð og þá mætast m.a. Carlsen og Aronian.

Heimasíða mótsins
Beinar útsendingar (hefjast kl. 14)

Spil og leikir | Slóð | Facebook | Athugasemdir (0)

31.1.2014 | 13:01

Gallerý Skák - kappteflið um Friðrikskónginn - Gunnar vann aftur og leiðir

Gunnar Gunnarsson og Björgvin Víglundsson urðu aftur efstir og jafnir en nú með 9.5 vinning en voru með 8 síðast af ellefu. Gerður innbyrðis jafntefli. Þrjú bestu mót hvers keppanda af fjórum telja svo allt getur gerst ennþá, þó gamli maðurinn eigi góða sigurmöguleika með því að vinna eitt mót í viðbót eða verða öðru sæti.

Að öðru leyti var þetta býsna fjörugt mót og nokkuð um óvænt úrslit en eins og ævinlega geta allir unnið alla á góðum degi eða ef heppnin er með. Hinn ungi og efnilegi Gauti Páll velgdi ýmsum gamlingum undir uggum og var öllum skeinuhættur.

Næsta mót er að viku liðinni en hér að neðan má úrslit mótsins í dag og skortöflu kvöldsins ásamt stigastöðunni ef vel er að gáð.

kapptefli_um_fri_riksk_nginn_2_m_t_af_4_motstafla_30_1_2014_23-57-44.jpg

Spil og leikir | Slóð | Facebook | Athugasemdir (0)

31.1.2014 | 11:49

Hannes með 3½ vinning eftir 5 umferðir í Kosta Ríka

Stórmeistarinn Hannes Hlífar Stefánsson (2560) situr þessa dagana að tafli á alþjóðlegu móti í Kosta Ríka. Eftir 5 umferðir hefur Hannes 3½ vinning og er í 3.-4. sæti.

Úrslit Hannesar má nálgast á Chess-Results.

Efstur með fullt hús er hollenski stórmeistarinn Sipke Ernst (2573).

Tíu skákmenn taka þátt í mótinu og er Hannes næststigahæstur keppenda. Meðalstig í flokknum eru 2381 skákstig.

Chess-Results

Spil og leikir | Slóð | Facebook | Athugasemdir (0)

« Fyrri síða | Næsta síða »