Skólaskákmót Reykjavíkur 2014

Skólaskákmót Reykjavíkur 2014 fer fram í Rimaskóla fimmtudaginn 24. apríl sem er Sumardagurinn fyrsti.

Mótið hefst 16:30. Mæting 16:15.

Teflt verður í yngri flokki (1. - 7. bekkur) og eldri flokkur (8.-10. bekkur).

Tefldar verða átta umferðir með tímamörkunum 10 03. Hvor keppandi með tíu mínútur á klukkunni og þrjár sekúndur til viðbótar fyrir hvern leik.

Mótið er ætlað sterkustu skákmönnum og/eða skólameisturum hvers reykvísks skóla. Hver skóli hefur þannig rétt á að senda einn keppanda í hvorn flokk. Séu margir sterkir skákmenn í sama skóla geta skákkennarar, liðsstjórar, foreldrar, skákmenn sjálfir eða skólastjórnendur óskað eftir fleiri sætum.

Þátttaka og ósk eftir fleiri sætum berist í netfangið [e-mail] fyrir mótsdag. Skráning á mótsdegi er ekki tekin gild. Skráning þarf að innihalda fullt nafn, aldur og skóla.

Í eldri flokki er teflt um þrjú sæti á Landsmótinu í skólaskák.

Í yngri flokki er teflt um tvö sæti á Landsmótinu í skólaskák.

Landsmótið fer fram í Reykjavík dagana 2. - 4. maí.

Ylfa Ýr og Katla efstir á undankeppni fyrir NM í skólaskák

Mikill kraftur hefur verið í skákkennslu stelpna sem af er árinu. Skákskóli Íslands byrjaði með sérstakt stelpunámskeið fyrir byrjendur og GM Hellir og TR halda úti stelpuæfingum einu sinni í viku. Þá hefur Skáksamband Íslands lagt áherslu á kvennaskák á árinu sem má birtist m.a. í verulegri hækkun á verðlaunum í kvennaflokki á Skákþingi Íslands. Nú síðar í mánuðinum fer fram NM stúlkna að Bifröst í Borgarfirði. Undankeppni fyrir yngsta flokkinn, stúlkur fæddar 2001 og síðar, fór fram um helgina.

Þrettán stelpur voru mættar til leiks sem flestar hafa verið á námskeiðum Skákskólans í vetur. Línur tóku fljótt að skýrast og var mótið að nokkru leyti tvískipt. Fyrir síðustu umferðina voru tvær stúlkur efstar, Ylfa Ýr Hákonardóttir Welding og Katla Torfadóttir. Fór svo að þær unnu skákir sínar örugglega í síðustu umferð og tryggðu sér þannig sæti í stúlknalandsliði Íslands. Þær munu tefla í yngsta flokknum á NM ásamt Nansý Davíðsdóttur sem er ríkjandi Norðurlandameistari.

Ylfa Ýr er einungis í þriðja bekk. Hún er nemandi Foldaskóla og sækir skáktíma hjá Birni Ívari Karlssyni í hverri viku í skólanum sínum auk þess sem að vera í Skákskólanum.  Katla er í sjötta bekk og kemur frá Hellu, er nemandi í Grunnskólanum á Hellu. Þar sækir hún skáktíma hjá Björgvini Smára Guðmundssyni sem fær seint oflof fyrir kraftinn sem einkennir skákstarfið á Hellu og Selfossi. Björgvin fylgdi Heklu á mótið og veitti góð ráð milli umferða. Stelpurnar sem komu í næstu sætum stóðu sig einnig afar vel og ljóst að smám saman er að myndast ný kynslóð skákstúlkna. Virðist það gefa góða raun að hafa æfingar og námskið sem eru einungis fyrir stelpur.

Úrslit má finna á Chess-Results.  

Páskaeggjamót GM Hellis fer fram í dag

Páskaeggjamót GM Hellis verður haldið í 18 sinn mánudaginn 7. apríl 2014,og hefst taflið kl. 17, þ.e. nokkru fyrr heldur en venjulegar mánudagsæfingar. Páskaeggjamótið kemur í stað mánudagsæfingar. Tefldar verða 7 umferðir með 7 mínútna umhugsunartíma. Mótið er opið öllum krökkum á grunnskólaaldri.

Allir þátttakendur keppa í einum flokki en verðlaun verða veitt í tveimur aðskildum flokkum. Páskaegg verða í verðlaun fyrir þrjú efstu sætin, bæði í eldri flokki (fæddir 1998 - 2001) og yngri flokki (fæddir 2002 og síðar). Sá sem er efstur í hverjum árgangi fær einnig páskaegg sem og efsta stúlkan á mótinu. Að auki verða tvö páskaegg dregin út. Enginn fær þó fleiri en eitt páskaegg.

Páskaeggjamótið verður haldið í félagsheimili GM Hellis að Álfabakka 14a í Mjóddinni. Inngangur er milli Subway og Fröken Júlíu við hliðina á Sparisjóði Reykjavíkur en salur félagsins er á þriðju hæð hússins.

Skákþáttur Morgunblaðsins: Anand er að vinna áskorunarréttinn

Fátt bendir til annars en að Wisvanathan Anand tryggi sér réttinn til að skora á heimsmeistarann Magnús Carlsen á áskorendamótinu sem stendur yfir í Khanty Manyisk í Síberíu. Þegar þrjár umferðir voru eftir hafði Anand vinnings forskot á helsta keppinaut sinn, Armenann Levon Aronjan, en þeir tveir eru einir af átta keppendum mótsins sem hafa náð að hífa sig upp yfir 50% markið. Á lokasprettinum skiptir miklu máli að Anand hefur hvítt í tveimur skákum sínum af þremur. Staðan eftir 11 umferðir:

1. Anand 7 v. 2. Aronjan 6 v. 3. - 5. Karjakin, Mamedyarov og Svidler 5 ½ v. 6. - 7. Kramnik og Andreikin 5 v. 8. Topalov 4 ½ v.

Samkvæmt dagskrá FIDE fer næsta heimsmeistaraeinvígi fram nóvember á þessu ári en upp frá því verður heimsmeistaraeinvígi háð á tveggja ára fresti. Ekki er von á miklum breytingum á tilhögun heimsmeistarakeppninnar með núverandi forystu FIDE við stjórnvölinn en það liggur í augum uppi að breytinga er þörf. Í eina tíð var gert ráð fyrir öllum aðildarþjóðum FIDE a.m.k. á fyrstu stigum heimsmeistarakeppninnar en á því hefur orðið breyting undanfarið en undanfarið hefur verið um að ræða einhverskonar fákeppni sömu einstaklinganna.

Anand hefur teflt vel án þess að sýna nein sérstök tilþrif. Hann er auðvitað býsna vanur því að vinna keppni af þessu tagi og ef svo fer sem horfir og hann teflir aftur um titilinn við Magnús Carlsen verður hann örugglega mun harðari í horn að taka en sl. haust. Kramnik hefur gert sig sekan um furðuleg mistök í síðustu umferðum hverju sem veldur. Sumir kenna þreytu um en í 10. umferð missti hann endanlega af lestinni þegar hann glutraði niður vænlegri stöðu gegn Svidler:

Vladimir Kramnik - Peter Svidler

Hollensk vörn

1. d4 f5 2. Rf3 Rf6 3. e3 b6 4. d5

Óvenjulegur leikur en hugmyndin er þekkt úr öðrum afbrigum hollensku varnarinnar.

4. ... Bb7 5. Bc4 c6 6. Rc3 cxd5 7. Rxd5 e6 8. Rxf6 Dxf6 9. O-O Bc5 10. Bd2 Rc6

10. ... Dxb2 ekki vel út m.a. vegna 11. Rd4 en gengur þó kannski því svartur á 11. .... Da3 12. Rb5 Da4.

11. Bc3 De7 12. a3 a5 13. De2 O-O 14. Had1 d5 15. Bb5 Ra7 16. a4 Bd6 17. Ba6 Rc6 18. Bxb7 Dxb7 19. b3 Da6 20. Dd2 Hac8 21. Rg5 Hce8 22. Bb2 h6 23. Rf3

Hvítur hefur talsvert virkari stöðu og að sögn sjónarvotta var Svidler afar óánægður með gang mála.

23. ... Bb4 24. c3 Be7 25. c4 dxc4 26. Hc1 b5 27. axb5 Dxb5 28. Hxc4 Rb4 29. Re5 Rd5 30. Dc2 Bd6 31. Rc6 Rb6 32. Hd4??

Hrikalegur afleikur og nánast óskiljanlegur af svo öflugum stórmeistara. Hvítur heldur betri stöðu eftir 32. Rd4 en þá gengur ekki 32. ... Da6 vegna 33. Hc6 og hvítur stendur til vinnings. Eftir 32. ... Dd5 33. Hc3 er hvíta staðan greinilega betri. Svidler var ekki lengi að nýta sér tækifærið...

32. ... Bxh2+! 33. Kxh2 Dxf1 34. Dc3?

Eins og stundum gerist þegar allt fer í handaskolum missir Kramnik öll tök á stöðunni. Hann hefur kannski vonast eftir 34. ... Dxf2 en þá kemur 35. Hf4! og hvítur vinnur. En Svidler er of reyndur til að falla í svo einfalda gildru. Hann hélt áfram með 34. Rxa5 því eftir 34. ... Rd5 eru menn hans enn býsna virkir og og ekki öll nótt úti.

34. ... Hf6 35. Re5 Dxf2 36. Hf4 De2 37. Dd4 Rd5 38. Hf3 Hc8 39. Hg3 f4!

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 30. mars 2014

Skákþættir Morgunblaðsins

[Event "World Chess Championship Candidates"] [Site "Khanty-Mansiysk RUS"] [Date "2014.03.25"] [EventDate "2014.03.13"] [Round "10.4"] [Result "0-1"] [White "Vladimir Kramnik"] [Black "Peter Svidler"] [ECO "A80"] [WhiteElo "2787"] [BlackElo "2758"] [PlyCount "78"] 1. d4 f5 2. Nf3 Nf6 3. e3 b6 4. d5 Bb7 5. Bc4 c6 6. Nc3 cxd5 7. Nxd5 e6 8. Nxf6+ Qxf6 9. O-O Bc5 10. Bd2 Nc6 11. Bc3 Qe7 12. a3 a5 13. Qe2 O-O 14. Rad1 d5 15. Bb5 Na7 16. a4 Bd6 17. Ba6 Nc6 18. Bxb7 Qxb7 19. b3 Qa6 20. Qd2 Rac8 21. Ng5 Rce8 22. Bb2 h6 23. Nf3 Bb4 24. c3 Be7 25. c4 dxc4 26. Rc1 b5 27. axb5 Qxb5 28. Rxc4 Nb4 29. Ne5 Nd5 30. Qc2 Bd6 31. Nc6 Nb6 32. Rd4 Bxh2+ 33. Kxh2 Qxf1 34. Qc3 Rf6 35. Ne5 Qxf2 36. Rf4 Qe2 37. Qd4 Nd5 38. Rf3 Rc8 39. Rg3 f4 0-1

Rimaskóli Íslandsmeistari grunnskólasveita

Rimaskóli úr Grafarvogi varð Íslandsmeistari grunnskólasveita í skák í gær þegar skáksveit frá skólanum vann sigur á Íslandsmóti grunnskólasveita sem fram fór í Stórutjarnaskóla í Þingeyjarsveit. Keppnin var æsispennandi því Álfhólsskóli og Rimaskóli voru jafnir með 27 vinninga fyrir lokaumferðina en þessi tvö lið mættust í lokaumferðinni. Þar hafði Rimaskóli betur 3,5-0,5. Lundaskóli frá Akureyri hafnaði í 3 sæti með 22 vinninga. 

Níu sveitir tóku þátt og þar af sjö norðlenskar sveitir. Ein stúlknasveit tók þátt í mótinu en það var b-sveit Brekkuskóla. 

 

Sigursveit Rimaskóla ásamt liðsstjóra sínum Hjörvari Steini Grétarssyni.  

Lokastaðan. 

Rk.	Team	1	2	3	4	5	6	7	8	9	TB1	TB2	TB3
1	Rimaskóli	*	3½	3	4	4	4	4	4	4	30.5	16	0
2	Álfhólsskóli	½	*	3	4	4	4	4	4	4	27.5	14	0
3	Lundarskóli - A	1	1	*	3	2	3	4	4	4	22.0	11	0
4	Grenvíkurskóli	0	0	1	*	3	2	3	4	4	17.0	9	0
5	Brekkuskóli	0	0	2	1	*	2	4	4	4	17.0	8	0
6	Þingeyjarskóli	0	0	1	2	2	*	2	3	4	14.0	7	0
7	Stórutjarnaskóli	0	0	0	1	0	2	*	2	3	8.0	4	0
8	Borgarhólsskóli	0	0	0	0	0	1	2	*	3	6.0	3	0
9	Lundarskóli - B	0	0	0	0	0	0	1	1	*	2.0	0	0

Mótið á chess-results

 

Silfurlið Áflhólsskóla úr Kopavogi ásmat Lenku Ptácníková liðsstjóra 

 

Bronslið Lundaskóla ásamt Áskeli Erni Kárasyni liðsstjóra þess.

Steinþór Baldursson og Hermann Aðalsteinsson voru mótsstjórar og gekk mótshaldið hratt og vel fyrir sig. 

 

Frá úrslitaviðureigninni. 

Myndaalbúm (Steinþór Baldursson) 

70 krakkar með á barnamóti í Kópavogi!

Meistaramót Kópavogs í skólaskák fyrir 1.-2 bekk fór fram föstudaginn 4. apríl í Álfhólsskóla. Alger metþátttaka var í mótinu eða 70 keppendur. Keppendur komu frá Hörðuvallaskóla, Snælandsskóla, Álfhólsskóla og Salaskóla.  Mótsstjórar voru Lenka Ptacniková  og Tómas Rasmus.

Efstir í flokki drengja voru kapparnir Gabríel Sær Bjarnþórsson Álfhólsskóla, Ottó Andrés Jónsson Salaskóla og Hjálmar Helgi Jónsson Salaskóla  þeir voru allir með fullt hús stiga eða 5 vinninga af 5 mögulegum þeim fylgdu síðan Óttar Örn Bergmann Sigfússon Snælandsskóla og Sveinbjörn Darri Matthíasson Salaskóla. 

Efst stúlkna varð Þórdís Agla Jóhannsdóttir Salaskóla henni fylgdu síðan Ágústa Rún Jónasdóttir Álfhólsskóla og Helena Sigmarsdóttir Beekman Salaskóla. 

Heildarúrslitin fara síðan hér á eftir:

 

Röð       Nöfn                                          Skóli                  SCORE   GENDER GAMES

1..3       Gabríel Sær Bjarnþórsson              Álfhólsskóli          5          Male      5

1..3       Ottó Andrés Jónsson                   Salaskóli             5          Male      5

1..3       Hjálmar Helgi Jónsson                   Salaskóli             5          Male      5

4..12     Þórdís Agla Jóhannsdóttir              Salaskóli             4          Female   5

4..12     Óttar Örn Bergmann Sigfússon      Snælandsskóli      4          Male      5

4..12     Sveinbjörn Darri Matthíasson          Salaskóli             4          Male      5

4..12     Alexander Rúnar Róbertsson          Hörðuvallaskóli     4          Male      5

4..12     Gunnar Örn Kolbrúnarson              Salaskóli             4          Male      5

4..12     Guðmundur Reynir Róbertsson       Hörðuvallaskóli     4          Male      5

4..12     Grétar Jóhann Jóhannsson                        Hörðuvallaskóli     4          Male      5

4..12     Benedikt Briem                            Hörðuvallaskóli     4          Male      5

4..12     Daði Fannar Hlífarson                    Salaskóli             4          Male      5

13..31   Johann Kroknes                           Álfhólsskóli          3,5        Male      5

13..31   Valdimar Atlason                          Salaskóli             3          Male      5

13..31   Anton Christensen                       Álfhólsskóli          3          Male      5

13..31   Aron Õrn Guðmundsson               Álfhólsskóli          3          Male      5

13..31   Ágústa Rún Jónasdóttir                Álfhólsskóli          3          Female   5

13..31   Baldvin Ísleifur Óskarsson               Salaskóli             3          Male      5

13..31   Helena Sigmarsdóttir Beekman       Salaskóli             3          Female   5

13..31   Karen Lind Stefánsdóttir               Salaskóli             3          Female   5

13..31   Bjarni                                         Álfhólsskóli          3          Male      5

13..31   Björn Elí Björnsson                       Hörðuvallaskóli     3          Male      5

13..31   Friðjón                                       Álfhólsskóli          3          Male      5

13..31   Aron Stefánsson                          Salaskóli             3          Male      5

13..31   Almar                                         Álfhólsskóli          3          Male      5

13..31   Gunnar Erik Guðmundsson                        Salaskóli             3          Male      5

13..31   Rayan                                        Álfhólsskóli          3          Male      5

13..31   Snorri Sveinn Lund                       Hörðuvallaskóli     3          Male      5

13..31   Fannar Smári Jóhannsson              Hörðuvallaskóli     3          Male      5

13..31   Sólný Helga Sigurðardóttir             Snælandsskóli      3          Female   5

13..31   Bríet Katla Vignisdóttir                  Hörðuvallaskóli     3          Female   5

32..39   Karítas Jónsdóttir                         Snælandsskóli      2,5        Female   5

32..39   Úlfar Bragason                             Álfhólsskóli          2,5        Male      5

32..39   Nói Sigurðsson                            Salaskóli             2,5        Male      5

32..39   Pálmar                                       Álfhólsskóli          2,5        Male      5

32..39   Jón Pétur Sverrisson                    Hörðuvallaskóli     2,5        Male      5

32..39   Sesselja Fanney Kristjánsdóttir       Snælandsskóli      2,5        Female   5

32..39   Emil                                           Álfhólsskóli          2,5        Male      5

32..39   Sigurður Sveinn Guðjónsson          Álfhólsskóli          2,5        Male      5

40..56   Sigriður                                      Álfhólsskóli          2          Female   5

40..56   Hugrún                                      Álfhólsskóli          2          Female   5

40..56   Herdís                                        Álfhólsskóli          2          Female   5

40..56   Jónas Breki                                 Hörðuvallaskóli     2          Male      5

40..56   Sebastian Sigursteinsson Varón      Álfhólsskóli          2          Male      5

40..56   Ari Dagur Hjörvarsson                   Hörðuvallaskóli     2          Male      5

40..56   Hrafnhildur Eva Davíðsdóttir           Snælandsskóli      2          Female   5

40..56   Kristján Atli Heiðarsson                  Hörðuvallaskóli     2          Male      5

40..56   Óliver Ben Viðarsson                     Hörðuvallaskóli     2          Male      5

40..56   Rúnar Njáll Marinósson                  Snælandsskóli      2          Male      5

40..56   Ásgeir                                        Álfhólsskóli          2          Male      5

40..56   Björn Helgi Devine                       Hörðuvallaskóli     2          Male      5

40..56   Birkir Darri Nökkvason                   Snælandsskóli      2          Male      5

40..56   Snorri Freyr Harðarson                  Hörðuvallaskóli     2          Male      5

40..56   Steinþór Hólmar                          Álfhólsskóli          2          Male      5

40..56   Þór Pétursson                             Álfhólsskóli          2          Male      5

40..56   Selma Dóra Þorsteinsdóttir                        Salaskóli             2          Female   5

57         Tinna Kristín Kristinsdóttir              Álfhólsskóli          1,5        Female   5

58..68   Margrét Eva Jóhannsdóttir                        Salaskóli             1          Female   3

58..68   Kristinn                                      Álfhólsskóli          1          Male      5

58..68   Lotta Steinþórsdóttir                    Álfhólsskóli          1          Female   5

58..68   Grímur Arnarsson                         Hörðuvallaskóli     1          Male      5

58..68   Orsen                                        Álfhólsskóli          1          Male      5

58..68   Eva Rut Tryggvadóttir                  Snælandsskóli      1          Female   5

58..68   Lilja Rut Halldórsdóttir                   Álfhólsskóli          1          Female   5

58..68   Einar Ólafur Atlason                      Hörðuvallaskóli     1          Male      5

58..68   Friðbjörg Lilja                               Álfhólsskóli          1          Female   5

58..68   Unnur Embla Svavarsdóttir                        Hörðuvallaskóli     1          Female   5

58..68   Sigurður Ernir Ásgeirsson               Snælandsskóli      1          Male      5

69         Lúkas                                         Álfhólsskóli          0          Male      5

70         Ísak Óli Sigurðsson                       Hörðuvallaskóli     0          Male      5

 

Myndir af mótin á vefsvæði Álfhólsskóla, slóðin er:

https://www.flickr.com/photos/alfholsskolamyndir/sets/72157643402178915/

Undankeppni fyrir Norðurlandamót stúlkna fer fram í dag

Norðurlandamót stúlkna fer fram á Íslandi dagana 25. - 27. apríl að Bifröst í Borgarfirði. Teflt er í þremur flokkum.

Undankeppni fyrir yngsta flokkinn (fæddar 2001 og síðar) fer fram á sal Skákskóla Íslands sunnudaginn sjötta apríl. Mótið hefst 12:00. Skráning er á mótsstað fyrir mót.

Tefldar verða sjö umferðir með 15 mínútna umhugsunartíma.

Tvö til fjögur sæti eru í boði, allavegana tvö og hugsanlega 1-2 til viðbótar. Endanlegur fjöldi sæta skýrist þegar þátttökulisti liggur fyrir frá hinum Norðurlandaþjóðunum fyrri hluta apríl.

Ef keppendur verða jafnir í sætum sem gefa þátttökurétt verða reiknuð stig.

Meistaramót Kópavogs í skólaskák - 3. og 4. bekkur fer fram á þriðjudag

Meistaramót Kópavogs í skólaskák fyrir krakka í 3. og 4.  bekk verður þriðjudaginn 8. april 2014.

Mótið verður haldið í Álfhólsskóla Digranesi og hefst klukkan 13:00 því lýkur um kl 15:30

Tefldar verða stuttar skákir  2x5 mín hver skák og tekur því hver umferð um 10 mínútur.

Veitt verða verðlaun þannig:

• Stúlkur 3. og 4. bekk gull - silfur - brons
• Drengir 3. og  4. bekk  gull - silfur - brons.

Skráning verður hér og verður opið fyrir skráningu til kl 12:00 mánudaginn 7. apríl.

Upplýsingar um þegar skráða keppendur má finna hér. 

Mótsstjórar verða Lenka Ptacniková og Tómas Rasmus.

Annað mótið í Páskaeggjasyrpu Nóa Síríus og TR

Nú styttist í annað mótið af þremur í Páskaeggjasyrpu Taflfélags Reykjavíkur og Nóa Síríus en tæplega 80 krakkar tóku þátt í fyrsta mótinu.  Mótið fer fram á sunnudag og hefst kl. 14 og eru allir þeir sem skráðu sig í mótið hvattir til að mæta aftur.  Þeir sem ekki skráðu sig en vilja taka þátt geta skráð sig á staðnum á meðan húsrúm leyfir.  Keppendur eru vinsamlega beðnir um að gefa sig fram 15 mínútum fyrir upphaf móts.

_____________________________________________________

Löng hefð er fyrir því að halda páskaeggjamót og æfingar hjá taflfélögunum í borginni í aðdraganda páska. Í ár ætla Taflfélag Reykjavíkur og Nói Síríus að gera sérstaklega vel við yngstu skákiðkendurna og bjóða öllum krökkum á grunnskólaaldri að taka þátt í Páskaeggjasyrpunni 2014!

Með þessu framtaki vill T.R. í samstarfi við Nóa Síríus þakka þeim gríðarlega fjölda sem sótt hefur barna- og unglingaæfingar félagsins í vetur.

Algjör sprenging hefur orðið í fjölda iðkenda hjá félaginu og til dæmis um það má nefna að á sama tíma og tvær unglingasveitir frá T.R. tefldu á Íslandsmóti skákfélaga voru 45 krakkar (!) á félagsæfingu í skákhöll félagsins.

Síðastliðinn laugardag mættu svo 63 krakkar á æfingar félagsins sem er algjört met og eflaust þarf að leita langt aftur til að finna viðlíka fjölda á barnaæfingum félagsins! Það ber svo sannarlega markvissu barnastarfi félagsins fagurt vitni að sífellt stærri hópur krakka mætir á æfingar þess.

Frábærar aðstæður eru hjá Taflfélagi Reykjavíkur, margir reyndir þjálfarar og félagið býður eitt félaga upp á ítarlegasta námsefni sem völ er á hér á landi. Allar æfingar og allt námsefni er frítt, það þarf bara að mæta og taka þátt í þessum stórskemmtilegu æfingum!
Páskaeggjasyrpan mun samanstanda af þremur skákmótum sem haldin verða þrjá sunnudaga fyrir páska í skákhöll Taflfélags Reykjavíkur að Faxafeni 12:

1. NÓA KROPP PÁSKAEGGJAMÓTIÐ. Sunnudaginn 30. mars kl. 14

2. NIZZA LAKKRÍS PÁSKAEGGJAMÓTIÐ. Sunnudaginn 06. apríl kl. 14

3. NIZZA HRÍSKÚLU PÁSKAEGGJAMÓTIÐ. Sunnudaginn 13. apríl kl.14

• Keppt verður í tveimur flokkum, 1-3 bekk (og yngri) og 4-10 bekk.
• Sex umferðir verða tefldar í hverju móti með 10 mínútna umhugsunartíma á mann.
• Glæsileg verðlaun eru í boði fyrir alla hressu skákkrakkana sem taka þátt í syrpunni!
• Verðlaunapeningar fyrir þrjú efstu sætin í hvorum flokki á hverju páskaeggjamóti.
• Stór páskaegg fyrir þrjú efstu sætin samanlagt úr mótunum í hvorum flokki (misstór eftir sætum)
• Allir sem taka þátt í minnst tveimur af þremur mótum í syrpunni fá lítið páskaegg í verðlaun fyrir þátttökuna og verða þau veitt í lok þriðja mótsins í syrpunni.
• Dregin verður út ein stórglæsileg DGT Easy Polgar skákklukka handa heppnum skákkrakka á hverju páskaeggjamóti!

Taflfélag Reykjavíkur og Nói Síríus hlakka til að sjá ykkur á PÁSKAEGGJASYRPUNNI 2014!

Ögmundur, Sævar og Sigurður efstir öðlinga

Ögmundur Kristinsson (2044), Sævar Bjarnason (2101) og Sigurður E. Kristjánsson (1884) eru efstir og jafnir með fullt hús á Skákmóti öðlinga en þriðja umferð fór fram í gær. 

Sigurlaug R. Friðþjófsdóttir (1736) og Vignir Bjarnason (1892) eru í 4.-5. sæti með 2½ vinning.

Fjórða umferð fer fram nk. miðvikudagskvöld. Þá mætast meðal annars: Sævar-Ögmundur, Sigurlaug-Sigurður og Árni H. Kristjánsson-Vignir. 

• Heimasíða TR
• Chess-Results