Íslenska liðið í opnum flokki það 45. sterkasta

Keppendalistar Ólympíumótsins liggja nú fyrir. Íslenska liðinu í opnum flokki er raðað nr. 45 af 176 liðum en íslenska kvennaliðinu er raðað nr. 61 af 139 liðum.

Í dag förum við yfir röðina í opnum flokki en á morgun fjöllum við um kvennaflokkinn.

Opinn flokkur

Rússar (2777) er með langstigahæsta liðið en liðið skipa Kramnik, Grischuk, Karjakin, Svidler og Nepomniachtchi. 

Í næstum sætum eru Úkraínumenn (2722), Frakkar (2718), Ólympíumeistarar Armena (2705), Bandaríkjamenn (2704) og Ungverjar (2702). Aðrar þjóðir ná ekki meðalstigunum 2700.

Norðmenn (2668) eru með langstigahæsta lið Norðurlandaþjóðanna en liðið þeirra er nr. 13 á heildarlistanum. Ísland er með á pappírunum fjórða sterkasta liðið.

Röð Norðurlandaliðanna er annars sem hér segir:

• 13. Noregur I (2668)
• 33. Svíþjóð (2575)
• 41. Danmörk (2537)
• 45. Ísland (2521)
• 55. Finnland (2480)
• 59. Noregur II (2459)
• 71. Noregur III (2378)
• 72. Færeyjar (2378)

Þriðja lið Noregs fær eingöngu að taka þátt standi annars á stöku.

Liðin má nálgast á Chess-Results.

Heimasíða Ólympíuskákmótsins. 

Adam Omarsson varð í þriðja sæti á barnamóti í Tékklandi

Adam Omarsson varð í þriðja sæti í sínum aldursflokki, með fjóra vinninga af níu mögulegum á International Youth Chess Festival, sem lauk 20 júlí sl. í borginni BezmÄ›rov í Tékklandi.

Adam Omarsson (th) með sín verðlaun.

Adam gekk brösulega til að byrja með í mótinu og var aðeins með 1 vinning eftir fyrstu sex umferðirnar. En svo gerði hann sér lítið fyrir og vann síðustu þrjár skákirnar og endaði eins og áður sagði með fjóra vinninga. Tímamörkin voru 60 mín +30 sek á leik. Alls tóku 63 krakkar þátt í mótinu og þar af mörg af sterkustu skákkrökkum Tékklands.

Við upphaf loka umferðarinnar. Adam fremst.

Adam, sem er aðeins 6 ára gamall og er sonur skák-hjónanna Lenku Ptacnikova og Omars Salama, tefldi í flokki-U7 ára á mótinu. Að sögn Lenku var Adam mjög ánægður með árangurinn, en Adam tók þátt í þessu sama móti í fyrra og þá fékk hann einn vinning af níu.

Skákhuginn.is óskar Adam til hamingju með flottan árangur.

Mótið á Chess-results

Árangur Adams.

Ólympíufarinn: Elsa María Kristínardóttir

Við höldum áfram með kynningar á Ólympíuförunum. Í dag kynnum við til sögunnar Elsu Maríu Kristínardóttur, sem er varamaður í kvennaliðinu.

Nafn

Elsa María Kristínardóttir

Taflfélag

Huginn

Staða

Varamaður

Hvenær tókstu fyrst þátt á Ólympíuskákmót og hversu oft hefur þú tekið þátt?

Tók fyrst þátt 2008, 2012 og svo núna :) 

Minnisstæðasta skák á Ólympíuskákmóti og þá af hverju?

Skákin á móti Önnu Rudolf frá Ungverjalandi,  var með kolunnið fór úr plús 9 í mínus 18 í einum leik! Geri aðrir verr ;-)

Minnisstæðasta atvik á Ólympíuskákmóti?

Við vorum að tefla á móti Afríkuþjóð og stelpan sem ég var að tefla við horfði á mig í svona korter áður en skákin byrjaði því henni fannst magnað að ég væri með blá augu!

Hverjar eru þínar væntingar/vonir um gengi íslensku liðanna?

Að við verðum í einhverju sæti fyrir ofan það sem stigin segja til um.

Hverju spáir þú fyrir um sigurvegara?

Armeníu í karla og Rússum í kvenna fyrst þær fengu að vera með ;-)

Hver er/verður þinn undirbúningur fyrir Ól?

Landsliðsæfing einu sinni í viku og heimastúderingar :-)

Hefurðu áður teflt fyrir norðan heimskautsbaug?

Neibb :-) 

Eitthvað að lokum?

 :-D

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

Hjörvar með 3,5 vinning eftir 4 umferðir í Andorra

Stórmeistarinn, Hjörvar Steinn Grétarsson (2535) hefur 3,5 vinning að loknum fjórum umferðum á Andorra Open en fjórða umferð fór fram í dag. Hjörvar gerði þá stutt jafntefli. Dagur Arngrímsson (2366) og Jón Trausti Harðarson (2045) hafa 3 vinninga en frammistaða þess síðarnefnda hefur verið afar góð.

Alls tekur 171 skákmaður frá 20 löndum þátt í mótinu. Þar af eru 11 stórmeistarar. Hjörvar er nr. 7 í stigaröð keppenda.

• Heimasíða mótsins
• Chess-Results
• Beinar útsendingar (aðeins fjögur borð)

Hannes með 3 vinninga eftir 5 umferðir - tvíburar gera það gott í d-flokki.

Stórmeistarinn Hannes Hlífar Stefánsson (2536) hefur 3  vinninga að loknum fimm umferðum á Czech Open en fimmta umferð fór fram í dag. Hannes gerði jafntefli í gær og í dag. Tómas Björnsson (2144) hefur 2 vinninga.

Sigurður Ingason (1868) sem teflir í b-flokki hefur 2 vinninga.

Tvíburarnir, Björn Hólm (1607) og Bárður Örn Birkisson (1542) eru að gera það sérdeilis gott í d-flokki. Þeir hafa 4 vinninga og eru í 7.-24. sæti. Systir þeirra, Freyja, hefur 1,5 vinning.

Alls taka 255 skákmenn frá 28 löndum þátt í efsta flokki mótsins. Þar af eru 34 stórmeistarar. Hannes er nr. 10 í stigaröð keppenda.

• Heimasíða mótsins
• Chess-Results
• Beinar útsendingar (hefjast kl. 13)

Viltu taka þátt í könnun um Reykjavíkurskákmótið? - Góð verðlaun í boði

Skáksambands Íslands hefur áhuga á að fá aukna sýn á viðhorf íslenskra skákmanna gagnvart fyrirkomulagi Reykjavíkurskákmótsins í þeirri viðleitni að gera gott mót enn betra! Þess vegna hefur verið útbúin könnun þar sem viðhorf þeirra er kannað. Sambærileg könnun hefur verið send til allra keppenda Reykjavíkurskákmótsins 2014 erlendra sem innlendra. Svarfrestur til 5. ágúst nk.

Könnunin er nafnlaus en þeir sem kjósa geta skráð nöfn sín og netfang og þannig farið í pott sem SÍ mun draga úr þrjá vinningshafa sem fá annað hvort ókeypis þátttöku í næsta Reykjavíkurskákmóti eða eina skákbók að eigin vali að fjárhæð allt að 9.000 kr. hjá Skákbókasölu Sigurbjörns. Vinsamlegast athugið að umræddir vinningar verða ekki framseljanlegir.  

Könnunin

Alþjóðlegt skákstjóranámskeið hefst á fimmtudagin

Skáksamband Íslands býður upp á skákstjóra námskeið í lok júlí. Þetta er í fyrsta skipti á Íslandi sem boðið er upp á slíkt námskeið. Kennari á námskeiðinu verður hinn virti egypski alþjóðlegi skákdómari Hassan Khalad en honum til aðstoðar verður Omar Salama. 

Nauðsynlegt er að sækja slík námskeið til að öðlast alþjóðlega dómaragráðu. Þeim sem vilja vera meðal skákdómara á EM landsliða á næsta ári eru sérstaklega hvattir til að taka þátt í námskeiðinu.

Skráning fer fram hér á Skák.is. Nánari upplýsingar veitir Omar Salama, [e-mail], 691 9804.

Þátttökugjöld eru aðeins 10.000 kr. en til samanburðar er hefðbundið gjald á slík námskeið erlendis um €120.

Dagskrá námskeiðsins:

 

No	Day		Period	Articles
1	Thursday	24/7/2014	18:00  - 19:00	Introduction - Arbiter´s Duties - Titles for Arbiters
2		24/7/2014	19:00 - 19:45	Organizng Tournaments - Tournament Rules  - Time Systems
3		24/7/2014	19:45 - 20:00	Rest
4		24/7/2014	20:00 - 21:00	Tournaments´ formats - Round Robin - Swiss System
5		24/7/2014	21:00 - 22:00	Tie break Systems - prizes and Hort
6	Friday	25/7/2014	18:00  - 19:00	Rating System for Rated and Unrated players
7		25/7/2014	19:00 - 19:45	Players´ Titles - Chess Clocks - Equipments
8		25/7/2014	19:45 - 20:00	Rest
9		25/7/2014	20:00 - 21:00	Swiss Manager - Part 1
10		25/7/2014	21:00 - 22:00	Swiss Manager - Part 2
11	Saturday	26/7/2014	13:00  - 14:00	Laws of Chess - Part 1
12		26/7/2014	14:00 - 14:45	Laws of Chess - Part 2
13		26/7/2014	14:45 - 15:00	Rest
14		26/7/2014	15:00 - 16:00	Laws of Chess - Part 3
15		26/7/2014	16:00 - 17:00	Laws of Chess - Part 4
16	Sunday	27/7/2014	13:00  - 17:00	Laws of Chess - Part 5
17		27/7/2014	14:00 - 14:45	Laws of Chess - Part 6
18		27/7/2014	14:45 - 15:00	Rest
19		27/7/2014	15:00 - 16:00	Laws of Chess - Examples and Quistions - Part 1
20		27/7/2014	16:00 - 17:00	Laws of Chess - Examples and Quistions - Part 2
21	Monday	28/7/2014	17:00  - 18:45	Changes of Laws of Chess + what should professional players know
22		28/7/2014	18:45 - 19:45	Rest
23		28/7/2014	19:15 - 21:15	Test
24		28/7/2014	21:15	Closing Ceremony and Certificates

Ólympíufarinn: Helgi Ólafsson

Í dag kynnum við til leiks aldurforsetann og reynsluboltann Helga Ólafsson. Helgi hefur teflt oftar á Ólympíuskákmótinu en nokkur annar Íslendingur og kemur nú til baka í liðið eftir átta ára fjarveru!

Nafn

Helgi Ólafsson

Taflfélag

Taflfélag Vestmannaeyja

Staða

Fyrsti varamaður

Hvenær tókstu fyrst þátt á Ólympíuskákmót og hversu oft hefur þú tekið þátt?

Tefldi fyrst á OL í Haifa árið 1976. Hef teflt á 15 Ólympíumótum og verið liðsstjóri og þjálfari tvisvar.

Minnisstæðasta skák á Ólympíuskákmóti og þá af hverju?

Margar minnisstæðar. Held dálítið uppá sigra yfir Timman og og Hort á 1. borði 1980 og 1984. 

Minnisstæðasta atvik á Ólympíuskákmóti?

Hugurinn leitar þess dagana til fyrsta mótsins í Ísrael árið 1976. Að koma á biblíuslóðir í Betlehem, Jerúsalem, Getsemane-garðinn og sigla yfir Gennesaret - vatn var magnað.

Hverjar eru þínar væntingar/vonir um gengi íslensku liðanna?

Hóflega bjartsýnn.  

 

Hverju spáir þú fyrir um sigurvegara?

Armenía í opna flokknum og Kína í kvennaflokki.  

Hver er/verður þinn undirbúningur fyrir Ól?

Hef farið í nokkra langa göngutúra og stúderað svolítið. Eins og ég er vanur.

 

Hefurðu áður teflt fyrir norðan heimskautsbaug?

Já. Ég hef teflt í Grímsey árið 1981.

 

Eitthvað að lokum?

Vona bara að hið alþjóðlega skáksamfélagið lifi og starfi eftir einkunnarorðum sínum: Gens una sumus.  

 

Stofnaður hefur verið sér færsluflokkur á Skák.is þar sem haldið er utan um allar fréttir tengdar Ólympíuskákmótinu í Tromsö og FIDE-kosningunum.

[Event "Malta ol"] [Site "Malta ol"] [Date "1980.??.??"] [EventDate "?"] [Round "13"] [Result "0-1"] [White "Jan Timman"] [Black "Helgi Olafsson"] [ECO "A48"] [WhiteElo "?"] [BlackElo "?"] [PlyCount "76"] 1.d4 Nf6 2.Nf3 g6 3.Bg5 Bg7 4.Nbd2 c5 5.e3 cxd4 6.exd4 O-O 7.Bd3 Nc6 8.c3 d6 9.O-O h6 10.Bh4 Nh5 11.Re1 f5 12.d5 Ne5 13.Bc2 Nf4 14.Nxe5 dxe5 15.Bg3 g5 16.Bxf4 gxf4 17.f3 Bd7 18.Bb3 b5 19.Kh1 Qb6 20.Rc1 Rac8 21.c4 a6 22.cxb5 axb5 23.Nb1 Rxc1 24.Qxc1 Rc8 25.Qd2 Kf8 26.Nc3 Bf6 27.Nd1 b4 28.Nf2 Bh4 29.Kg1 Kg7 30.Qe2 e4 31.fxe4 fxe4 32.Rf1 f3 33.gxf3 Bh3 34.d6 exd6 35.Rd1 Rf8 36.Kh1 Qxf2 37.Rg1+ Qxg1+ 38.Kxg1 exf3 0-1

[Event "Thessaloniki olm ;BIG"] [Site "Thessaloniki olm ;BIG"] [Date "1984.??.??"] [EventDate "?"] [Round "5"] [Result "1-0"] [White "Helgi Olafsson"] [Black "Vlastimil Hort"] [ECO "D24"] [WhiteElo "?"] [BlackElo "?"] [PlyCount "107"] 1.Nf3 d5 2.d4 Nf6 3.c4 dxc4 4.Nc3 a6 5.e4 b5 6.e5 Nd5 7.a4 Nxc3 8.bxc3 Qd5 9.g3 Bb7 10.Bg2 Qd7 11.Ba3 Bd5 12.O-O Nc6 13.Re1 g6 14.Bc5 Rd8 15.axb5 axb5 16.Ng5 Bxg2 17.e6 fxe6 18.Kxg2 Qd5+ 19.Qf3 Qxf3+ 20.Kxf3 Rd5 21.Nxe6 Kd7 22.Re2 Bh6 23.Rae1 Ra8 24.g4 Bg5 25.Nxg5 Rxg5 26.Bxe7 Rd5 27.Bc5 b4 28.Ke4 Rg5 29.cxb4 Rxg4+ 30.Kd5 Rb8 31.Kxc4 Rxd4+ 32.Bxd4 Rxb4+ 33.Kc5 Rxd4 34.Re7+ Nxe7 35.Kxd4 Kd6 36.Ke4 Ke6 37.Re3 c6 38.Rh3 h5 39.Kd4 h4 40.Ke4 g5 41.f4 Kf6 42.fxg5+ Kxg5 43.Rc3 Kg4 44.h3+ Kg5 45.Rc5+ Kf6 46.Kf4 Ng6+ 47.Kg4 Ne5+ 48.Kxh4 Kf5 49.Kg3 Ke4 50.h4 Kf5 51.h5 Kf6 52.Kh4 Nf3+ 53.Kg4 Ne5+ 54.Rxe5 1-0

Caruana og Wesley So sigurvegarar í Dortmund og Bergamo

Tveimur stórmótum lauk í gær. Caruana vann góðan sigur í Dortmund. Fór yfir 2800 skákstig á fyrsta skipti á ferlinum og er kominn í þriðja sætið á stigalistanum á eftir Carlsen og Aronian.

Wesley So sigraði á ACP-mótinu sem lauk í Bergamo í Ítalíu í gær. Wesley So er nú kominn í tólfta sætið a stigalistanum. Það er gaman að benda á að Caruna sigraði á N1 Reyjavíkurskákmótinu árið 2012 og Wesley var meðal sigurvegara árið 2013!

Dortmund

Röð efstu manna

1. Caruana (2789) 5,5 v. af 7
2.-3. Leko (2737) og Meier (2632) 4 v.

Frammistaða Kramniks (2777) sem er tífalldur sigurvegari Dortmunds-mótsins vakti athygli. Hann hlaut 2,5 vinning og var næstneðstur keppenda. Hann er dottinn niður í tíunda sætið á stigalistanum og þarf væntanlega að fara býsna langt aftur í tímann til að finna hann jafn neðarlega. 

ACP-mótið

Röð efstu manna

1. Wesley So (2744) 4,5 v. af 6
2. Baadur Jobava (2713) 3,5 v.
3.-4. Almasi (2693) og Sutovsky (2620) 3 v.

• Heimasíða Dortmund-mótsins
• Heimasíða ACP-mótsins

Hjörvar, Dagur og Jón Trausti byrja vel í Andorra

Andorra Open hófst í fyrradag í smáríkinu Andorra. Þrír íslenskir skákmenn taka þátt og þar af eru tveir þeirra rauðhærðir. Fulltrúar Íslands eru stórmeistarinn Hjörvar Steinn Grétarsson (2535), alþjóðlegi meistarinn Dagur Arngrímsson (2366) og Jón Trausti Harðarson (2045). Eftir þrjár umferðir hafa þeir félagar 5,5 vinning af 6 mögulegum.

Hjörvar og Dagur hafa 2 vinninga en Jón Trausti 1,5 vinning. Í þriðju umferð sem fram fer í dag og hefst kl. 13:30 teflir Dagur við úkraínska stórmeistarann Andrey Vovk (2616) og verður skák hans í beinni. 

• Heimasíða mótsins
• Chess-Results
• Beinar útsendingar (aðeins fjögur borð)