Skákmót öðlinga hefst á miðvikudagskvöld

Skákmót öðlinga 40 ára og eldri hefst miðvikudaginn 25. mars kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina + 30 sekúndna viðbótartími á hvern leik.

Skákmót öðlinga verður nú haldið í 24. sinn. Núverandi Skákmeistari öðlinga er alþjóðlegi meistarinn Sævar Bjarnason.

 

Dagskrá:

• 1. umferð miðvikudag 25. mars kl. 19.30

• 2. umferð miðvikudag 8. apríl kl. 19.30

• 3. umferð miðvikudag 15. apríl kl. 19.30

• 4. umferð miðvikudag 22. apríl kl. 19.30

• 5. umferð miðvikudag 29. apríl kl. 19.30

• 6. umferð miðvikudag 6. maí kl. 19.30

• 7. umferð miðvikudag 13. maí kl. 19.30

Mótinu lýkur miðvikudaginn 20. maí kl. 19:30 með hraðskákmóti og verðlaunaafhendingu. Keppt er um veglegan farandbikar,en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Þátttökugjald er kr. 4.000 fyrir aðalmótið og kr 500 fyrir hraðskákmótið. Innifalið er frítt kaffi allt mótið ásamt rjómavöfflum og öðru góðgæti á lokakvöldi. 

Skráning fer fram hér.

Hér er hægt að fylgjast með skráningu.

• Skákmót öðlinga 2014
• Skákmeistarar öðlinga
• Mótstöflur

Huginn efstur fyrir lokadag Íslandsmóts skákfélaga

Skákfélagið Huginn hefur 1,5 vinnings forskot á Taflfélag Reykjavíkur fyrir lokadag Íslandsmóts skákfélaga sem fram fer á morgun með tveimur umferðum. Huginn vann Skákdeild Fjölnis 6-2. Taflfélag Reykjavíkur vann Skákfélag Íslands með sama mun. Taflfélag Vestmannaeyja er vinningi þar á eftir. Eyjamenn unnu Reyknesinga 7-1.

Nokkuð var um óvænt úrslit. Jóhann Ingvason (2142), Reykjanesbæ, gerði jafntefli við Helga Ólafsson (2543), Taflfélagi Vestmannaeyja, en Jóhann gerði einnig jafntefli við Jón L. Árnason í gær.  Rúnar Sigurpálsson (2249), Skákfélagi Akureyrar, vann portúgalska stórmeistarann Luis Galego (2465), Víkingaklúbbnum.

Úrslit kvöldsins má finna á Chess-Results.

Stöðuna má einnig finna á Chess-Results.

Næstsíðasta umferð fer fram á morgun og hefst kl. 11. Þá teflir Huginn við Skákfélag Akureyrar, TR við Bolvíkinga og Eyjamenn við b-sveit Hugins.

2. deild

B-sveit TR er efst með 21 vinning. KR-ingar eru aðrir með 20 vinninga og b-sveit Akureyringa er í þriðja sæti með 18 vinninga.

Stöðuna má nálgast á Chess-Results.

3. deild

C-sveit Taflfélags Reykjavíkur er efst með fullt hús stiga í 3. deild. B-sveit Fjölnis og Selfyssingar eru í 2. og 3. sæti með 7 stig.

Stöðuna má nálgast á Chess-Results.

4. deild

D-sveit TR er efst í 4. deild með fullt hús stiga. B-sveit Garðbæinga er í öðru sæti með 8 stig. Sex sveitir koma þar á eftir með 6 stig.

Stöðuna má nálgast á Chess-Results.

 

Íslandsmót skákfélaga - allar deildir í kvöld!

Seinni hluti Íslandsmóts skákfélaga 2014-2015 fer fram dagana 19.-21 mars. nk. Mótið fer fram í Rimaskóla, Reykjavík.  Keppnin hefst (eingöngu í 1.deild) kl. 19.30 fimmtudaginn 19. mars. Aðrar deildir munu hefja taflmennsku föstudaginn 20. mars  kl. 20.00 og síðan  laugardaginn 21. mars. kl. 11.00 og kl. 17.00 sama dag. 

Nemendur og foreldrar 7 . bekkjar í Rimaskóla munu sjá um veitingasölu á Íslandsmóti skákfélaga og er veitingasalan liður í fjáröflun krakkanna fyrir Skólabúðir að Reykjum. Posi til taks og einnig er skákfélögum heimilt að stofna til reiknings gegn undirskrift ábryrgðarmanns.

Lokahóf mótsins er á Kringlukránni að móti lokinni. Lokahófið er aðeins fyrri 18 ára og eldri nema þá í fylgd í fullorðnum. 

Nánar á heimasíðu Skáksambands Íslands.

Áskorendaflokkur Íslandsmótsins í skák

Áskorendaflokkur Íslandsmótsins í skák fer fram um páskana, 27. mars – 5. apríl nk. Teflt er húsnæði Taflfélag Reykjavíkur, Faxafeni 12. Tefldar verða níu umferðir eftir svissneska kerfinu. Mótið verður jafnframt Íslandsmót kvenna.

Einnig verður teflt í opnum flokki sem verður opinn fyrir skákmenn með 1600 skákstig eða minna. Keppendur með minna en 1600 skákstig geta valið á milli flokka.

Í áskorendaflokki verða tefldar níu umferðir en í opnum flokki verða tefldar sjö umferðir. Opnum flokki lýkur á föstudeginum langa. 

Verðlaun í áskorendaflokki eru sem hér segir: 

1. 75.000 kr.
2. 45.000 kr.
3. 30.000 kr. 

Verðlaun í opnum flokki: 

1. Þrjár skákbækur hjá bóksölu Sigurbjörns
2. Tvær skákbækur hjá bóksölu Sigurbjörns
3. Skákbók hjá bóksölu Sigurbjörns. 

Auk þess verði sérstök stigaverðlaun fyrir þá sem hafa minna en 1200 stig í opnum flokki. 

Verðlaun skiptast eftir Hort-kerfi séu menn efstir í verðlaunasætum í áskorendaflokki. Tvö efstu sætin gefa keppnisrétt í landsliðsflokki að ári. Séu menn jafnir ræður stigaútreikningur (nánar í mótsreglum hér að neðan). Í opnum flokki gildir stigaútreikningur um verðlaunsæti.  

Skráning

Þátttökugjöld eru 5.000 kr. Unglingar 15 ára og yngri (1999 og síðar) og F3-félagar fá 50% afslátt. 

Í opnum flokki (sem eingöngu fyrir opinn fyrir þá sem hafa 1600 skákstig eða minna) eru þátttökugjöld fyrir alla kr. 2.000. 

Skráning fer fram á Skák.is (guli kassinn efst). Þátttökugjöld greiðist inn á reikning 101-26-12763, kt. 580269-5409 fyrir mót.

Upplýsingar um þegar skráða keppendur má finna hér.

Tímamörk

Áskorendaflokkur: 90 mínútur + 30 mínútur eftir 40 leiki. 30 sekúnda viðbótartími eftir hvern leik.

Opinn flokkur: 60 mínútur auk 30 sekúnda viðbótartími eftir hvern leik.

Dagskrá: 

1. umferð, Föstudagurinn, 27. mars, kl. 18 
2. umferð, Laugardagurinn, 28. mars, kl. 10
3. umferð, Laugardaginn, 28. mars, kl. 18 
4. umferð, þriðjudaginn 31. mars, kl. 18
5. umferð, miðvikudaginn, 1. apríl, kl. 18
6. umferð, föstudagurinn (langi), 3. apríl, kl. 10
7. umferð, föstudagurinn (langi), 3. apríl, kl. 18
8. umferð, laugardagurinn, 4. apríl, kl. 14
9. umferð, sunnudagurinn, 5. apríl, kl. 14

Opinn flokkur klárast föstudaginn 3. apríl.

Nánari mótreglur

Ef tveir eða fleiri eru jafnir í sæti mun stigaútreikningur ráða ferð.

Nánar um útreikninginn:

• Samanlagðir vinningar allra andstæðinga lagðir saman nema þess stigalægsta
• Samanlagðir vinningar allra andstæðinga lagðir saman.
• Samanlagðir vinningar allra andstæðinga lagðir saman nema tveggja stigalægstu
• Innbyrðis úrslit  þeirra sem eru jafnir
• Sonneborn-Berger
• Hlutkesti

Jafnteflisreglur 

Takmarkanir eru settar á jafnteflisboð. Hún gengur út á það að ekki er heimilt að bjóða jafntefli fyrr en báðir keppendur hafa leikið 30 leiki. Á því má gera undantekningar sé þráteflt en þá verður að stöðva klukku, kalla á skákstjóra og koma með jafntefliskröfu. 

Yfirseta

Hægt er að taka tvær yfirsetur  í umferðum 1-6 og fá fyrir hana hálfan vinning. Óska þarf eftir yfirsetunni með góðum fyrirvara og fylla út eyðublað þess efnis hjá skákstjóra. 

Íslandsmót kvenna fer fram um páskana

Áskorendaflokkur í ár verður jafnframt Íslandsmót kvenna í ár. Sú kona sem verður efst í áskorendaflokki verður þar með jafnframt Íslandsmeistari kvenna.

Verðlaun á Íslandsmóti kvenna eru sem hér segir:

1. 75.000 kr.
2. 45.000 kr.
3. 30.000 kr.

Verðlaun skiptast eftir Hort-kerfinu séu menn jafnir í verðlaunasætum.Íslandsmeistarinn fær þess fyrir utan 50.000 kr. í viðbótarverðlaun en teflt er til þrautar um titilinn með styttri umhugsunartíma séu tveir eða fleiri efstir og jafnir.

Sjá nánar hér. 

 

 

 

Íslandsmót skákfélaga: Eyðublöð til útfyllingar

Fyrir hverja umferð Íslandsmóts skákfélaga þurfa skákfélög að fylla út þar til gerð eyðublöð. Hægt er að nálgast þau á Dropbox (þarnast innskráningar). Jafnframt er hægt að nálgast þau sem viðhengi hér að neðan.

Bæði er hægð að fylla þau út handvirkt og skila til skákstjóra við upphaf umferðar eða skila þeim inn í töluvpósti í netfangið [e-mail].

Skrár tengdar þessari bloggfærslu:

• PDF (hægt að skila vélrænt)
• Excel (hægt að skila vélrænt)
• PDF (til útprentunar)

Huginn jók forystuna - stórmeistarar í vandræðum

Skákfélagið Huginn jók forystuna á Íslandsmóti skákfélaga í kvöld en þá fór fimmta umferð fram. Huginsmenn unnu Skákfélag Íslands með fullu húsi, 8-0, en á sama tíma misstu Taflfélag Reykjavíkur og Taflfélag Vestmannaeyja bæði niður vinninga. TR-ingar misstu einn vinning niður á móti b-sveit Hugins en Eyjamenn misstu 2,5 vinning niður á móti Akureyringum.

Íslensku stórmeistararnir voru margir hverjir í miklum vandræðum í dag. Óvæntustu úrslit dagsins hljóta að teljast sigur Baldurs A. Kristinssonar (2160), b-sveit Hugins, á Margeiri Péturssyni (2532), Taflfélagi Reykjavíkur. Jón Kristinsson (2253), Skákfélagi Akureyrar, vann svo Navarra-banann, Henrik Danielsen (2490), Taflfélagi Vestmannaeyja.

Jóhann Ingvason (2142), Skákfélagi Reykjanesbæjar, gerði jafntefli við Jón L. Árnason (2502), Taflfélagi Bolungarvíkur og Áskell Örn Kárason (2253), Skákfélagi Akureyrar, sýndi að árangurinn sinn á nýafstöðu Reykjavíkurskákmóti hafi ekki verið nein tilviljum með öruggu jafntefli gegn Matthieu Cornette (2548).

Huginsmenn eru efstir með 36,5 vinning, TR-ingar eru í öðru sæti með 35 vinninga, Eyjamenn eru þriðju með 33 vinning.

Sjöunda umferð fer fram á morgun. Þá mætast Huginn og Fjölnir, TR-ingar tefla við Skákfélag Íslands og Eyjamenn mæta Reyknesingum.

Á morgun hefjast jafnframt 2., 3. og 4. deild.

Umferð morgundagsins hefst kl. 20. Teflt er í Rimaskóla.

• Heimasíða SÍ
• Chess-Results

Björgvin skákmeistari Ása

Æsir héldu sitt meistaramót á síðasta þriðjudag. Það var mjög góð þátttaka í mótinu. Þrjátíu skákmenn mættu til leiks, þó má geta þess að fjórir úr okkar hópi voru að tefla á stór mótinu í Hörpu á sama tíma og stóðu sig  ágætlega. 

Það komu tveir skákvinir okkar í heimsókn frá Austfjörðum, þeir Albert Geirsson og Viðar Jónsson en þeir eru komnir í bæinn til þess að taka þátt í Íslandsmóti skákfélaga sem fer fram um helgina.

Við þökkum þeim kærlega fyrir komuna og þátttökuna í mótinu. Þetta var skemmtilegt mót og vel heppnað.

Björgvin Víglundsson bar höfuð og herðar yfir okkur hina eins og hann gerir oftast. Björgvin er ákaflega sterkur og vel agaður skákmaður og teflir alltaf eins og hann sé að berjast um stórmeistaratitil og þannig verður það auðvitað að vera ef góður árangur á að nást.

Margir af okkur eru kærulausir og við hugsum kannski stundum meira með fingrunum en hausnum og árangurinn í samræmi við það, en aðal atriðið er að hafa gaman af þessu.

Guðfinnur R Kjartansson átti stórafmæli þennan dag, varð sjötugur. Hhann lét það ekki aftra sér frá þátttöku, eins og hans var von og vísa.

Áður en fyrsta umferð hófst óskaði Garðar formaður  Guðfinni til hamingju og bað menn að klappa fyrir afmælisbarninu og skipaði svo Magga P forsöngvara fyrir afmælissönginn, sem að Maggi gerði á sinn hátt.

Björgvin fékk 9.5 vinninga af 10 í fyrsta sæti. Í öðru til fimmta sæti komu svo fjórir skákmenn með 7 vinninga, þeir Ari Stefánsson, Albert Geirsson,Össur Kristinsson og Stefán Þormar. Ari og Albert voru hæstir á stigum og fengu silfrið og bronsið. 

Sjá nánari úrslit á meðf. töflu og myndir frá ESE.

Skákþáttur Morgunblaðsins: Fjölmargir Íslendingar byrja með tveim sigrum

Þar sem fjöldi þátttakenda á Reykjavíkurskákmótinu sem hófst í Hörpu á þriðjudaginn er svo mikill er þess ekki að vænta að línur taki að skýrast fyrr en nokkuð er liðið á mótið en tefldar verða tíu umferðir. Í gær voru tvær umferðir á dagskrá og þess vegna gripu nokkrir tækifærið og skráðu sig fyrir ½ vinnings yfirsetu. Að sumir af okkar sterkari skákmönnum okkar, t.d. Hannes Hlífar Stefánsson og Stefán Kristjánsson, skuli kjósa yfirsetu svo snemma móts verður að telja fremur hæpna ráðstöfun því það munar um hvern ½ vinninginn í baráttunni. En fari svo að ein slík ½ vinnings yfirseta fyrirfinnist á „skorkorti“ sigurvegarans mun ég glaður taka þessi orð aftur. 

Héðinn vann í átta leikjum

Eftir fyrri umferðir í gær, þ.e. tvær umferðir, voru nokkrir íslenskir skákmenn búnir að vinna báðar skákir sínar og voru í hópi 33 skákmanna með 2 vinninga, en þetta voru voru þeir Hjörvar Steinn Grétarsson, Héðinn Steingrímsson, Guðmundur Kjartansson, Dagur Arngrímsson, Henrik Danielsen, Bragi Þorfinnsson, Halldór Grétar Einarsson, Jón Viktor Gunnarsson, Einar Hjalti Jensson og Jón Kristinn Þorgeirsson. 

Héðinn Steingrímsson vann stystu skák mótsins þegar hann sigraði Lenku Ptacnikovu í aðeins átta leikjum með svörtu!

Þar sem mótið er öllum opið er oft gífurlegur stigamunur á keppendum. Hinn 13 ára gamli Halldór Atli Kristjánsson gerði jafntefli í 1. umferð við Adam Brzezinski en stigamunur á þeim var um 800 elo-stig. Það er einmitt galdurinn við þetta mót að óvænt úrslit sjá dagsins ljós í hverri umferð. Armeninn Sergei Movsesian, fimmti stigahæsti maður mótsins, átti sér einskis ills von í fyrri umferðinni í gær og tapaði í aðeins 33 leikjum fyrir lítt þekktum enskum skákmanni:

Reykjavíkurskákmótið 2015; 2. umferð:

Daniel Bisby – Sergei Movsesian

Sikileyjarvörn

1. e4 c5 2. Rf3 e6 3. d3

Kóngsindverska uppbyggingin á alltaf sína fylgismenn.

3. ... d5 4. De2 Re7 5. g3 b6 6. Bg2 Bb7 7. O-O Rbc6 8. e5 h6 9. h4 g6 10. c3 Bg7 11. Ra3 Ba6 12. He1 Dd7 13. Hb1 Rf5

Hyggst svara 14. b4 með 14. ... cxb4 15. cxb5 Rfd4 o.s.frv.

14. g4! Rfe7 15. b4 Rd8 16. bxc5 bxc5 17. c4!

Stingur upp í biskupinn á a6 sem opnar á leið fyrir c1-biskupinn til a3.

17. ... h5 18. gxh5! Hxh5 19. Rb5 Rf5 20. d4!?

Hvitur tekur nokkra áhættu með þessum leik en 20. Bg5! kom sterklega til greina.

20. ... cxd4?

Betra var 20. ... Bxb5 21. Hxb5 Rxd4 22. Rxd4 Hxe5 og samkvæmt „Houdini“ er svartur ekki í nokkurri hættu eftir 23. Rxe6! Hxe2 24. Rxg7+ Kf8 25. Hxe2 Kxg7 26. Bxd5 Hc8 þó biskuparnir séu býsna ógnandi eftir 27. Bb2+. Það er ekki ósennilegt að Movsesian hafi séð þessa stöðu í útreikningum sínum og metið hana svo að vinningsmöguleikar svarts væru vart fyrir hendi.

21. cxd5 Kf8?!

Hann gerir sér vonir um að geta notfært sér leppun riddarans. En hvítur fær ógnandi peð á d6.

22. d6! Hb8 23. a4 Rxh4 24. Rxh4 Hxh4 25. Bg5! d3 26. Dxd3 Hxa4

Enn er riddarinn á b5 leppur. En Bisby sér leik á borði.

27. Dh3!

Frábær leikur sem byggist á einfaldri hugmynd: 27. ... Hxb5 28. Dh7! og vinnur.

27. ... Kg8 28. Rc7 Hxb1 29. Hxb1 Bxe5?

Hann varð að valda drottninguna með 29. ... Bc8. 

30. Rd5! Ha5

Eða 30. ... Dxd6 31. Rf6+! og mátar.

31. Bf6!

- og Movsesian gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 12. mars 2015

Skákþættir Morgunblaðsins

[Event "Reykjavik Open"] [Site "Reykjavik ISL"] [Date "2015.03.11"] [EventDate "2015.03.10"] [Round "2.5"] [Result "1-0"] [White "Daniel L Bisby"] [Black "Sergei Movsesian"] [ECO "A07"] [WhiteElo "2321"] [BlackElo "2665"] [PlyCount "61"] 1. e4 c5 2. Nf3 e6 3. d3 d5 4. Qe2 Ne7 5. g3 b6 6. Bg2 Bb7 7. O-O Nbc6 8. e5 h6 9. h4 g6 10. c3 Bg7 11. Na3 Ba6 12. Re1 Qd7 13. Rb1 Nf5 14. g4 Nfe7 15. b4 Nd8 16. bxc5 bxc5 17. c4 h5 18. gxh5 Rxh5 19. Nb5 Nf5 20. d4 cxd4 21. cxd5 Kf8 22. d6 Rb8 23. a4 Nxh4 24. Nxh4 Rxh4 25. Bg5 d3 26. Qxd3 Rxa4 27. Qh3 Kg8 28. Nc7 Rxb1 29. Rxb1 Bxe5 30. Nd5 Ra5 31. Bf6 1-0

GAMMA Reykjavík Open - Verðlaunahafar

GAMMA Reykjavíkurskákmótinu lauk í gær, miðvikudag. Heilmikið lokahóf fór fram í Ráðhúsi Reykjavíkur þar sem veittar viðurkenningar fyrir árangur í mótinu.

Hollendingurinn GM Erwin L´Ami (2605) sigraði í mótinu sjálfu og hlaut 5000 evrur að launum, en alls voru veitt verðlaun fyrir tíu efstu sætin og skiptust upphæðir á milli keppenda sem voru jafnir á vinningum í efstu sætum.

1.   5.000€	6.      450€
2.   2.000€	7.      350€
3.   1.250€	8.      350€
4.   800€	9.      350€
5.   600€	10.     350€

 

Myndasafn

Mikið myndasafn frá mótinu og lokahófinu liggur fyrir á Facebooksíðu mótsins hér. Fiona-Steil Antoni á veg og vanda af myndatökunni.

 

Stuttmyndir Vijay Kumar

Meistarinn Vijay Kumar framleiðir stuttmyndir eftir hverja umferð og eru þær aðgengilegar á Youtube-síðunni hans - Hún er hér. Hann lét sig ekki vanta í lokahófið og festi verðlaunaafhendinguna á filmu. 

10. umferð og verðlaunaafhending

 

Aðalmótið 

Þrír efstu ásamt Gunnari Björnssyni, forseta Skáksambands Íslands (t.v.) og Degi Eggertssyni Borgarstjóra Reykjavíkur (t.h.)

Alls fengu því 14 efstu keppendur verðlaunafé sem skiptist þannig:

 

Flokkaverðlaun

Veitt voru verðlaun í fjölmörgum flokkum; Bestur árangur m.v. skákstig, í flokki ungmenna, fædd 1998 og síðar, kvennaflokki, stigaflokki 2201-2400 stig, stigaflokki 2000-2200 stig og stigaflokki 0-2000 stig.

Bestur árangur mv. skákstig

Óskar Víkingur Davísson sigraði í árangursflokki

Óskar Víkingur Davíðsson (1454) kom sá og sigraði í árangursflokkinum, en hans árangur mældist 1790 stig eða 336 stig umfram skákstig. 

Kvennaflokkur

WGM Sarasadat Khadmalsharieh (t.h.) sigraði í kvennaflokki

WGM Sarasadat Khadmalsharieh (2357) vann kvennaflokkinn nokkuð örugglega, en hún hlaut 7 vinninga í 10 umferðum. 

Flokkur ungmenna (f. 1998 og síðar)

Tibor Kende Antal (t.h.) sigraði í flokki ungmenna

Fidemeistarinn Tibor Kende Antal (2317) og okkar maður, Óliver Aron Jóhannesson (2212) voru efstir í flokki ungmenna, en Tibor stóð betur að vígi eftir stigaútreikning. Árangur Ólivers í mótinu var sérlega glæsilegur, en hann var eini titillausi keppandinn í efstu 49. sætunum.

Stigaflokkur 2201-2400

Sarasadat Khademalsharieh sigraði í flokki skákmanna með 2200-2400 stig

WGM Sarasadat Khademalsharieh (2357) stóð sig gríðarlega vel í mótinu og vann einnig stigaflokk 2201-2400. Okkar maður, Óliver Aron (2212) var í 5. sæti.

Stigaflokkur 2000-2200

Jón Kristinn Þorgeirsson sigraði í flokki skákmanna með 2000-2200 skákstig

Akureyringurinn Jón Kristinn Þorgeirsson (2177) sigraði í flokki skákmanna með 2000-2200 stig, en hann náði afar góðum árangri og græddi tæp 68 skákstig.

Stigaflokkur 0-2000 stig

Lars-Henrik Bech Hansen sigraði í flokki skákmanna með undir 2000 stig

Daninn Lars-Henrik Bech Hansen (1994) sigraði í flokki skákmanna með minna en 2000 skákstig. 

 

 

• Heimasíða mótsins
• Facebook-síða mótsins (myndir og fleira)
• Beinar útsendingar
• Bein lýsing
• Chess-Results