Íslandsmótið í netskák fer fram á morgun

XXI. Íslandsmótið í netskák fer fram föstudaginn 30. desember. Mótið fer fram á vefsíðunni Chess.com og hefst kl. 20:00.

Mótið er öllum opið og er teflt er einum flokki.

Það er Skákfélagið Huginn sem stendur fyrir mótinu.

Davíð Kjartansson er núverandi Íslandsmeistari í netskák.

ATHUGIÐ

ATH. Nauðsynlegt er að keppendur séu fyrirfram skráðir og mættir á Chess.com fyrir upphaf móts. Ekki verður hægt að bæta keppendum í mótið eftir að það hefst. Lokað verður fyrir skráningu kl. 19:00, föstudaginn 30. desember – Ekki verður tekið við skráningum eftir þann tíma.

Nýliðum á Chess.com er bent á að skoða leiðbeiningarnar mjög vel. Dugi það ekki er hægt að senda tölvupóst á netfangið [e-mail].

 

Skráning

Vinsamlegast athugið að ljúka þarf báðum skrefum á heimasíðu Hugins til að vera fullskráður í mótið. Annars vegar er nauðsynlegt að fylla út skráningarformið, en öðruvísi er ekki hægt að bera kennsl á keppendur vegna verðlauna. Hins vegar þurfa keppendur að skrá sig í hóp mótsins á Chess.com, en öðruvísi sjá þeir ekki mótið á vefnum.

• Nauðsynlegt er að fylla út skráningarformið hér að neðan.
• Að því loknu þurfa keppendur að fara á síðu mótsins á Chess.com-  https://www.chess.com/club/islandsmotid-i-netskak-2016 – og smella þar á „Join“.

• Skráningarform

 

Tímamörk og leiðbeiningar

Tímamörk eru 3 + 2 (3 mínútur + 2 viðbótarsekúndur á hvern leik). Tefldar eru 11 umferðir.

Það eina sem þátttakendur þurfa að hafa í huga er að vera mættir tímanlega á Chess.com eða eigi síðar en kl. 19:50. Beinn tengill á mótið verður auglýstur tveimur dögum fyrir mót. Nauðsynlegt er að nota tengilinn og velja „join tournament“ í glugganum sem þar opnast. Það er aðeins hægt að gera áður en mótið hefst, en ekki er hægt að bæta við keppendum eftir þann tíma.

Ókeypis að skrá notanda

Þeir sem ekki eru skráðir á Chess.com geta skráð sig á vef þeirra en það er ókeypis.

Hverfakeppni SA hefst kl. 18

Hverfakeppnin Skákfélags Akureyrar verður háð í kvöld. Þar munu að vanda þorparar kljást við brekkusnigla, líklega með hjálp eyrarpúka. Þar verður mikil rimma og hörð, ef væntingar ganga eftir. Keppnin hefst kl. 18.00.

Þröstur Þórhallsson Íslandsmeistari í atskák 2016 eftir æsispennandi keppni

Atskákmót Skákklúbbs Icelandair, sem einnig var Íslandsmót í atskák í samvinnu við SÍ, var haldið í skemmtilegum húsakynnum Whales of Iceland á öðrum degi jóla.

74 keppendur mættu til leiks þrátt fyrir annríki sem fylgir jólum og fáir frídagar þetta árið og eiga þátttakendur þakkir skilið fyrir þátttöku sína í mótinu. 

Keppnin um Íslandsmeistaratitilinn var geysihörð enda voru þrír sem enduðu með 7,5 vinning og áttu þeir allir möguleika á að vinna fyrir síðustu umferðina.

Að lokum fór það svo að Þröstur Þórhallsson varð Íslandsmeistari eftir stigareikning. Í öðru sæti varð alþjóðlegi meistarinn Björn Þorfinnsson og í því þriðja Jóhann Hjartarson stórmeistari.

Eins og línuritið sýnir var keppnin hnífjöfn. Þröstur var sá eini sem leiddi einn mótið á einhverjum tímapunkti og það í tvígang, eftir 4. og 6. umferð.

 

Mikið var um óvænt úrslit en Bárður Örn Birkisson 1.807 vann stórmeistarann Helga Ólafsson 2.543 sem og alþjóðlega meistarann Braga Þorfinnsson 2.454, Jón Steinn 1.689 vann Lenku 2.288, og Páll Agnar 2.161 vann Jóhann Hjartarson 2.535 stórmeistara, Adam Omarson 1.099 vann Dag Kjartansson 1.737.

Óvæntustu úrslitin voru þegar Aron Þór Mai 1.458  sigraði Lenku 2.288. 

Verðlaun: 

Veitt voru peningaverðlaun fyrir Íslandsmótið sjálft sem SÍ gaf. 

Verðlaunin fyrir efstu þrjú sætin í mótinu voru:

100.000 kr.

50.000 kr.

25.000 kr.

Verðlaununum var þó skipt eftir Hort-kerfi þar sem að þrír voru efstir með jafnmarga vinninga. Skiptingin var eftirfarandi:

1. Þröstur Þórhallsson 79.167 kr.
2. Björn Þorfinnsson 54.167 kr.
3. Jóhann Hjartarson 41.667 kr.

Önnur verðlaun 

Flokkaverðlaun

Í verðlaun fyrir flesta vinninga í sínum flokki fengu eftirtaldir gjafabréf fyrir tvo til eins af áfangastöðum Icelandair í Evrópu:

• 2300-yfir  -     Þröstur Þórhallsson 7,5v af 9.
• 2000-2299  -   Magnús Örn Úlfarsson 6,5v af 9.
• 1700-1999 -    Björn Hólm Birkisson 6,5v af 9.
• 0-1699      –    David Kolka  5v af 9.

Óvæntasti sigur samkvæmt stigamun

Í verðlaun fyrir óvæntasta sigur samkvæmt stigamun fékk Aron Þór Mai 40.000 króna inneign hjá Flugfélagi Íslands. Hann sigraði Lenka WGM glæsilega en á þeim munar hvorki meira né minna 830 stigum. 

Bestur árangur miðað við eigin stig

Í verðlaun fyrir besta árangur miðað við eigin stig fékk Alexander Oliver Mai gjafabréf í hvalaskoðun hjá Eldingu fyrir tvo fullorðna og tvö börn. Hann var með frammistöðu upp á 2.011 stig en sjálfur er hann með 1.477 stig. 

Efsti unglingurinn fæddur 2001 eða síðar

Í verðlaun fyrir efsta unglinginn fæddan 2001 eða síðar fékk Vignir Vatnar Stefánsson 40.000 króna inneign hjá Flugfélagi Íslands. Hann fékk 5 vinninga. 

Útdráttarverðlaun

• Magnús Magnússon fékk þátttökugjaldið sitt til baka eða 3.000 kr.
• Bárður Örn Birkisson fékk 10.000 vildarpunkta frá Saga Club Icelandair 

Mótið þótti takast með ágætum og voru menn ánægðir með nýjan og óhefðbundinn keppnisstað. Það er virkilega gaman að fara út fyrir rammann þó því fylgi óneitanlega aukin vinna við útfærslu mótsstaðar og flutning búnaðar. 

Að lokum vil ég þakka sérstaklega Whales of Iceland fyrir aðstöðuna og aðstoðina í tengslum við mótið og Omari Salama fyrir sín störf sem skákstjóra, enda skákstjóri í heimsklassa, sem og aðstoðina við undirbúning og frágang mótsins. 

Einnig vil ég þakka Gunnari Björnssyni, Birni Ívari Karlssyni og Stefáni Bergssyni, Andra Áss Grétarssyni og mínum betri helming Maríu Björk Gunnarsdóttur fyrir hjálpina auk þeim sem gáfu verðlaunin þ.e. Icelandair, Flugfélagi Íslands, Hvalaskoðunarfyrirtækinu Eldingu. 

Óskar Long Einarsson,

Formaður Skákklúbbs Icelandair.

Jólamót Víkingaklúbbsins fer fram í kvöld

Jólamót Víkingaklúbbsins verður haldið miðvikudaginn 28. des í húsnæði Skáksambands Íslands og hefst það kl 19.30. Teflt verður bæði skák og Víkingaskák. Fyrst 7. umferða skákmót með 5 mínútna umhugsunartíma, en eftir það verða 7. umferðir í Víkingaskák, þs 7 umferðir 7. mínútur.  Verðlaun í boði fyrir þrjú efstu sæti og ókeypis veitingar, m.a Víkingamjöður.  Ekki er nauðsynlegt að taka þátt í báðum mótunum og þeir sem ætla að tefla einungis Vîkingaskák mæta ekki seinna en kl 21.30.  Víkingaskákmótið er jafnframt Ìslandsmótið í Víkingahraðskák.  Einnig eru veitt sérstök verðlaun fyrir besta árangur í báðum mótunum, en sá sem er með besta árangurinn úr báðum mótunum er jafnframt Íslandsmeistari í tvískák.  Í Víkingaskákinni er jafnframt veitt verðlaun fyrir besta liðið.  Þrjú bestu skor gilda.

Sérstök aukaverðlaun fyrir Víkingaskák:  1. sæti:  8000, 2. sæti 6000, 3. sæti 4000, 1. sæti kvenna:  5000 (2. sætið 3000 og 3. sæti 2000)  1. sæti unglinga 5000 (2. sætið 3000 og 3. sæti 2000).

Skráning á mótið fer m.a fram á netfangið: vikingaklubburinn(hjá)gmail.com

 

Mótið á sér orðið nokkra ára sögu eins og sjá má:

Mótið 2015 hér:

Mótið 2014 hér:
Mótið 2013 hér:
Mótið 2012 hér:
Mótið 2011 hér: 
Mótið 2010 hér:
Mótið 2009 hér:

Jólahraðskákmót Vestmanneyja fer fram í kvöld

Jólahraðskákmót Vestmannaeyja fer fram miðvikudaginn 28. desember kl. 19.30 í Skáksetrinu að Heiðarvegi 9a í Vestmannaeyjum húsnæði TV. Tímamörk 5 mínútur og 3 sek. á leik

Korobov efstur á heimsmeistaramótinu í atskák

Það eru ekki bara íslenskir skákmenn sem tefla atskák á milli jóla og nýárs. Í gær hófst Heimsmeistaramótið í atskák í Doha í Katar. Þar tefla 106 skákmenn og þar af margir af margir af sterkustu skákmönnum heims, með Magnus Carlsen (2906) fremstan í flokki.

Þegar 5 umferðum af 15 er lokið er úkraínski stórmeistarinn Anton Korobov (2714) efstur með fullt hús. Armeninn Levon Aronian (2770) er annar með 4,5 vinninga.

Carlsen byrjaði illa og hafði aðeins hálfan vinning eftir 2 umferðir. Hann vann svo þrjár síðustu skákir dagsins og er nú 10.-23. sæti með 3,5 vinninga.

Veislan heldur áfram í dag en mótinu verður áframhaldið kl. 12. Í dag verða tefldar umferðir 6-10. Á morgun verða svo síðustu fimm umferðirnar tefldar. 29. og 30. desember fer svo fram Heimsmeistaramótið í hraðskák. 

• Heimasíða mótsins
• Beinar útsendingar
• Chess-Results

 

Jólamót Riddarans fer fram á morgun

Jólaskákmót Riddarans, skákklúbbs eldri borgara á Stór-Hafnarfjarðarsvæðinu, verður að þessu sinni haldið milli Jóla- og nýárs,  á morgun miðvikudaginn 28. Desember. Þetta er jafnframt 52. mót ársins á vegum klúbbsins þar sem teflt er  samfellt og af hörku allan ársins hring, yfirleitt 11 umferðir frá 13-17 alla miðvikudaga ef veður og almanakið leyfir. Met sem seint verður slegið.

Mótið fer fram með viðhafnarsniði. Flottar veitingar og glæsileg pakkaverðlaun auk vinningahapprættis. Það hefur jafnan verið venja að afhenda kirkjufeðrum Hafnarfjarðarkirkju myndarlegt fjárframlag til guðsþakka úr samskotasjóði klúbbfélaganna sem rennur til bágstaddra. Enda nýtur klúbburinn þess að hafa átt þar  fast skjól til tafliðkana um árabil án endurgjalds. Svo verður einnig nú.

Á meðf. myndaklippu frá því fyrir þremur árum má sjá svipmyndir af vettvangi. Vonandi verður mæting ekki síðri nú en mótið er öllum opið 60 ára og eldri.

Gleðileg Jól !

Íslandsmótið í netskák fer fram á föstudagskvöldið

XXI. Íslandsmótið í netskák fer fram föstudaginn 30. desember. Mótið fer fram á vefsíðunni Chess.com og hefst kl. 20:00.

Mótið er öllum opið og er teflt er einum flokki.

Það er Skákfélagið Huginn sem stendur fyrir mótinu.

Davíð Kjartansson er núverandi Íslandsmeistari í netskák.

ATHUGIÐ

ATH. Nauðsynlegt er að keppendur séu fyrirfram skráðir og mættir á Chess.com fyrir upphaf móts. Ekki verður hægt að bæta keppendum í mótið eftir að það hefst. Lokað verður fyrir skráningu kl. 19:00, föstudaginn 30. desember – Ekki verður tekið við skráningum eftir þann tíma.

Nýliðum á Chess.com er bent á að skoða leiðbeiningarnar mjög vel. Dugi það ekki er hægt að senda tölvupóst á netfangið [e-mail].

 

Skráning

Vinsamlegast athugið að ljúka þarf báðum skrefum á heimasíðu Hugins til að vera fullskráður í mótið. Annars vegar er nauðsynlegt að fylla út skráningarformið, en öðruvísi er ekki hægt að bera kennsl á keppendur vegna verðlauna. Hins vegar þurfa keppendur að skrá sig í hóp mótsins á Chess.com, en öðruvísi sjá þeir ekki mótið á vefnum.

• Nauðsynlegt er að fylla út skráningarformið hér að neðan.
• Að því loknu þurfa keppendur að fara á síðu mótsins á Chess.com-  https://www.chess.com/club/islandsmotid-i-netskak-2016 – og smella þar á „Join“.

• Skráningarform

 

Tímamörk og leiðbeiningar

Tímamörk eru 3 + 2 (3 mínútur + 2 viðbótarsekúndur á hvern leik). Tefldar eru 11 umferðir.

Það eina sem þátttakendur þurfa að hafa í huga er að vera mættir tímanlega á Chess.com eða eigi síðar en kl. 19:50. Beinn tengill á mótið verður auglýstur tveimur dögum fyrir mót. Nauðsynlegt er að nota tengilinn og velja „join tournament“ í glugganum sem þar opnast. Það er aðeins hægt að gera áður en mótið hefst, en ekki er hægt að bæta við keppendum eftir þann tíma.

Ókeypis að skrá notanda

Þeir sem ekki eru skráðir á Chess.com geta skráð sig á vef þeirra en það er ókeypis.

Jólahraðskákmót TR fer fram 29. desember

Jólahraðskákmót Taflfélags Reykjavíkur verður haldið fimmtudaginn 29. desember og hefst taflið klukkan 19:30. Tefldar verða 9 umferðir og verður umhugsunartíminn 4 mínútur á skák auk þess sem 2 sekúndur bætast við eftir hvern leik (4+2). Teflt verður í húsnæði TR að Faxafeni 12. Mótið verður reiknað til alþjóðlegra hraðskákstiga. Tekið verður við skráningum í mótið á skákstað á mótsdegi kl.19:00-19:25.

Þátttökugjald er 1.000 kr. Frítt er fyrir félagsmenn TR sem eru 17 ára eða yngri. Verðlaun verða veitt fyrir þrjú efstu sætin.

Vignir Vatnar Stefánsson vann mótið í fyrra eftir æsispennandi baráttu við Ólaf B. Þórsson og Oliver Aron Jóhannesson.

Jólahraðskákmeistarar síðustu 15 ára:

2015: Vignir Vatnar Stefánsson 2014: Oliver Aron Jóhannesson 2013: Jóhann Ingvason 2012: Oliver Aron Jóhannesson 2011: Daði Ómarsson 2010: Jóhann Ingvason 2009: Sigurður Daði Sigfússon 2008: Gunnar Freyr Rúnarsson 2007: Davíð Kjartansson 2006: Stefán Kristjánsson 2005: Hrannar Baldursson 2004: Björn Þorfinnsson 2003: Arnar E. Gunnarsson 2002: Jón Viktor Gunnarsson 2001: Helgi Áss Grétarsson.

Jólamót Víkingaklúbbsins fer fram á miðvikudagskvöldið

Jólamót Víkingaklúbbsins verður haldið miðvikudaginn 28. des í húsnæði Skáksambands Íslands og hefst það kl 19.30. Teflt verður bæði skák og Víkingaskák. Fyrst 7. umferða skákmót með 5 mínútna umhugsunartíma, en eftir það verða 7. umferðir í Víkingaskák, þs 7 umferðir 7. mínútur. Verðlaun í boði fyrir þrjú efstu sæti og ókeypis veitingar, m.a Víkingamjöður.  

Ekki er nauðsynlegt að taka þátt í báðum mótunum og þeir sem ætla að tefla einungis Vîkingaskák mæta ekki seinna en kl 21.30.  Víkingaskákmótið er jafnframt Ìslandsmótið í Víkingahraðskák.  Einnig eru veitt sérstök verðlaun fyrir besta árangur í báðum mótunum, en sá sem er með besta árangurinn úr báðum mótunum er jafnframt Íslandsmeistari í tvískák.  Í Víkingaskákinni er jafnframt veitt verðlaun fyrir besta liðið.  Þrjú bestu skor gilda.

Sérstök aukaverðlaun fyrir Víkingaskák:  1. sæti:  8000, 2. sæti 6000, 3. sæti 4000, 1. sæti kvenna:  5000 (2. sætið 3000 og 3. sæti 2000)  1. sæti unglinga 5000 (2. sætið 3000 og 3. sæti 2000).

Skráning á mótið fer m.a fram á netfangið: vikingaklubburinn(hjá)gmail.com

 

Mótið á sér orðið nokkra ára sögu eins og sjá má:

Mótið 2015 hér:

Mótið 2014 hér:
Mótið 2013 hér:
Mótið 2012 hér:
Mótið 2011 hér: 
Mótið 2010 hér:
Mótið 2009 hér: