Hjörvar tapaði í þriðju umferð

Hjörvar Steinn Grétarsson (2247) tapaði fyrir rússneska alþjóðlega meistaranum Konstantin Rjabzev (2332) í þriðju umferð b-flokks Aeroflot Open sem fram fór fram í dag í Moskvu.   Hjörvar hefur 1,5 vinning.  Hjörvar mætir rússneska alþjóðlega meistaranum Sergey Domogaev (2367) í fjórðu umferð sem fram fer á morgun.  Helgi Ólafsson (2531) mætir armenska stórmeistaranum Artashes Minisian (2578) í þriðju umferð A1-flokks sem fram fer á morgun.   

Aeroflot er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.  

Heimasíða mótsins   

NM: Pistill þriðju umferðar

Pistill Davíð Ólafssonar að lokinni þriðju umferð NM í skólaskák: 

Í A-flokki tapaði Guðmundur fyrir Mikko Niemi (sami gæinn og vann Atla í Vodafone gambítnum).  Guðmundur fékk ekki alveg það sem hann vildi úr byrjuninni og var ekki alveg með stöðutýpuna á hreinu sem endaði með því að hann fékk erfiða stöðu sem hann að lokum tapaði.  Atli Freyr tefldi mjög undarlega byrjun (samt teoría) og endaði skákin með jafntefli eftir mikla baráttu.  Besti leikur Atla í skákinni var þegar hann bauð jafntefli á hárréttum tíma.  Andstæðingurinn þáði jafnteflið í unninni stöðu!  Í B-flokki gekk illa í dag.  Sverrir lenti í furðulegri mannsfórn (framkvæmd sem neyðarúrræði) og var örugglega kominn með unnið þegar hann lék ónákvæmt og tapaði. Þetta var frekar slysalegt en hann kemur örugglega til baka, enda búinn að tefla vel í mótinu.  Daði tapaði líka gegn drekanum í undarlegum varíanti sem eftir nokkrar sviptingar endaði í verra endatafli sem hann tapaði.  Í C-flokki sigraði Patrekur í mikilli og tvísýnni baráttuskák gegn Svanbergi.  Í D-flokki sigraði Dagur Andri örugglega andstæðing sinn, sem og Friðrik Þjálfi sem lokaði drottningu andstæðingsins inni á d5!  Magnað að loka drottninguna inni á miðju borðinu.  Í E-flokki tapaði Kristófer í mikilli baráttuskák þar sem úrslitin réðust í jafnteflislegu endatafli þar sem Kristófer hafði biskup á móti riddara og hvor um sig hafði 6 peð.  Það getur stundum verið erfitt að sjá einhver leiðinda riddarahopp.  Dagur Ragnarsson lenti í litlu sætu stelpunni í dag.  Hann var enginn eftirbátur félaga síns og bauð dömunni jafntefli.  Sú stutta var klárlega reynslunni ríkari frá því í gær og þáði jafnteflið umsvifalaust.

Pistillin kemur seint í dag því við fórum í skemmtilega skoðunarferð í fiskasafn þar sem meðal annars mátti klappa fiskunum og fóðra þá.  Drengirnir fóru létt með það að stinga hendinni ofan í vatnið með skelfisk á milli puttanna og láta 4-5 kg styrju borða úr hendinni á sér.  Undirritaður hefði þó heldur viljað vera fóðraður á mörgum fiskanna þarna fremur en að fóðra þá.

Bestu kveðjur frá Danmörku.

Davíð

Helgi tapaði í 2. umferð í Moskvu

Stórmeistarinn Helgi Ólafsson tapaði fyrir rússneska stórmeistaranum Ian Nepomniachtchi (2600) í 2. umferð A1-flokks Aeroflot Open sem fram fór í dag.  Helgi hefur 1 vinning.   

Aeroflot er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.  

Heimasíða mótsins   

Patrekur Maron, Dagur Andri og Friðrik Þjálfi unnu í 3. umferð

Patrekur Maron Magnússon, Dagur Andri Friðgeirsson og Friðrik Þjálfi Stefánsson sigruðu í sínum skákum í þriðju umferð Norðurlandamótsins í skólaskák sem fram fór í morgun.  Atli Freyr Kristjánsson og Dagur Ragnarsson gerðu jafntefli en aðrar skákir töpuðust.

Guðmundur Kjartansson, Sverrir Þorgeirsson Dagur Andri og Friðgeir Þjálfi hafa allir 2 vinninga í sínum flokkum.   Atli Freyr Kristjánsson Dagur Ragnarsson hafa 1½ vinning en aðrir minna.

Nánari pistill frá Davíð Ólafssyni væntanlegur vonandi fljótlega.   

Úrslit 3. umferðar:

• Guðmundur Kjartansson (2307) - Mikko Niemi, Finland (2178) 0-1
• Michael Nguyen, Danmörk (2148) - Atli Freyr Kristjánsson (2019) ½-½
• Daði Ómarsson (1999) - Jon Kristian Haar, Noregur (1922) 0-1
• Sverrir Þorgeirsson (2120) - Lasse Ö. Lövik, Noregur (2052) 0-1
• Svanberg Már Pálsson (1820) - Patrekur Maron Magnússon (1785) 0-1
• Michael Vesterli, Danmörk (1269) - Dagur Andri Friðgeirsson (1798) 0-1
• Friðrik Þjálfi Stefánsson (1455) - Einar Gregersen, Færeyjar (1248) 1-0
• Dmitri Tumanov, Finland (1502) - Kristófer Gautason (1245) 1-0
• Zhou Qiyu, Finland (1642) - Dagur Ragnarsson (0) ½-½

• Heimasíða mótsins
• Skákir í beinni

Hjörvar vann í 2. umferð í Moskvu

Hjörvar Steinn Grétarsson (2247) sigraði Rússann Nikita Matinian (2310) í 2. umferð b-flokks Aeroflots Open sem tefld var í Moskvu í morgun.  Hjörvar hefur 1,5 vinning.

Aeroflot er almennt talið sterkasta opna mót hvers árs.  Meðal keppenda er mikill fjöldi stórmeistara en teflt er í fjórum flokkum.  Stórmeistarinn Helgi Ólafsson (2531) teflir í A1-flokki en Hjörvar Steinn Grétarsson (2247) í b-flokki.   Hjörvar teflir eldsnemma á morgnana en Helgi síðar á daginn og því munu úrslit í viðureignum þeirra berast á mismunandi tíma.  

Heimasíða mótsins   

NM: Fjórir skákir Íslendinga í beinni!

Fjórar skákir íslenskra skákmanna má nú sjá á beinni á vefsíðu mótsins.

 

 

 

 

 

Það eru:

• Guðmundur Kjartansson (2307) - Mikko Niemi, Finland (2178)
• Michael Nguyen, Danmörk (2148) - Atli Freyr Kristjánsson (2019)
• Daði Ómarsson (1999) - Jon Kristian Haar, Noregur (1922)
• Michael Vesterli, Danmörk (1269) - Dagur Andri Friðgeirsson (1798)

Aðrar íslenskar skákir:

• Sverrir Þorgeirsson (2120) - Lasse Ö. Lövik, Noregur (2052)
• Svanberg Már Pálsson (1820) - Patrekur Maron Magnússon (1785)
• Friðrik Þjálfi Stefánsson (1455) - Einar Gregersen, Færeyjar (1248)
• Dmitri Tumanov, Finland (1502) - Kristófer Gautason (1245)
• Zhou Qiyu, Finland (1642) - Dagur Ragnarsson (0)

• Heimasíða mótsins
• Skákir í beinni

Sigurður Eiríksson efstur á Skákþinginu

Sigurður Eiríksson sigraði Hauk Jónsson í fjórðu umferð Skákþings Akureyrar sem fram fór í kvöld og er nú einn efstur með 3,5 vinning.  Gylfi Þórhallsson og Hreinn Hrafnsson eru næstir með 3 vinninga. 

 

 

Úrslit 4. umferðar:

• Haukur Jónsson            -     Sigurður Eiríksson        0 - 1
• Gylfi Þórhallsson           -     Sveinn Arnarsson         1 - 0
• Sveinbjörn Sigurðsson   -    Hermann Aðalsteinsson 1 - 0
• Sigurbjörn Ásmundsson - Hjörtur Snær Jónsson      1 - 0
• Hreinn Hrafnsson         -    Mikael Jóhann Karlsson  1 - 0
• Þrem skákum var frestað , en þær verða tefldar í kvöld (föstudag)

Staðan efstu keppenda:

• 1. Sigurður Eiríksson     3,5 v.
• 2. - 3. Gylfi Þórhallsson og Hreinn Hrafnsson 3 v.
• 4. - 6. Sveinn Arnarsson, Haukur Jónsson og Sveinbjörn Sigurðsson 2,5 v.
• 7. - 8. Sigurður Arnarson og Gestur Baldursson 2 v. og + frestaða skák.

Heimasíða SA

Björn Ívar með vinningsforskot fyrir lokaumferðina

Björn Ívar Karlsson (2130) vann Ólaf Tý Guðjónsson (1620) í áttundu og næstsíðustu umferð Skákþings Vestmannaeyja sem fram fór í kvöld.  Björn Ívar hefur 7,5 vinning og er vinningi fyrir ofan næsta mann, Einar Guðlaugsson (1800), fyrir lokaumferðina sem fram fer á fimmtudagskvöld.  

Sverrir Unnarsson (1880) er þriðji með 5 vinninga.   

Úrslit 8. umferðar:

Bo.	SNo.	Name	Pts	Res.	Pts	Name	SNo.
1	7	Olafur Tyr Gudjonsson	4½	0-1	6½	Bjorn Ivar Karlsson	1
2	4	Einar Gudlaugsson	5½	1-0	3½	Stefan Gislason	9
3	6	Karl Gauti Hjaltason	4½	frestað	4½	Sigurjon Thorkelsson	2
4	3	Sverrir Unnarsson	4	1-0	3½	Kristofer Gautason	13
5	16	Tomas A Kjartansson	2	frestað	3½	Thorarinn I Olafsson	5
6	10	Finnbogi Fridfinnsson	½	0-1	3½	Nokkvi Sverrisson	8
7	11	Dadi Steinn Jonsson	2	1-0	3	Bjartur Tyr Olafsson	12
8	15	Sigurdur A Magnusson	2	0-1	3	Olafur Freyr Olafsson	14

 

 Alls taka 16 skákmenn þátt í mótinu.

Heimasíða mótsins 

Meistaramót Hellis: Pörun þriðju umferðar

Helgi Brynjarsson (1914) sigraði Jón Árna Halldórsson (2174) í frestaðri skák 2. umferðar Meistaramóts Hellis sem tefld var í kvöld.  Helgi er nú í 1.-4. sæti ásamt Henrik Danielsen (2506), Gísla Hólmari Jóhannessyni og Bjarna Jens Kristinssyni (1822).   Nú liggur fyrir pörun í 3. umferð sem fram fer annað kvöld.

Pörun 3. umferðar:

 

Name	Rtg	Result	Name	Rtg
Johannesson Gisli Holmar	2054		Danielsen Henrik	2506
Kristinsson Bjarni Jens	1822		Brynjarsson Helgi	1914
Halldorsson Jon Arni	2174		Gudbrandsson Geir	1330
Vigfusson Vigfus	2052		Andrason Pall	1365
Leifsson Thorsteinn	1825		Oskarsson Arnar Freyr	0
Traustason Ingi Tandri	1788		Kjartansson Dagur	1325
Lee Gudmundur Kristinn	1365		Steingrimsson Brynjar	0
Sigurdsson Birkir Karl	1295	1	bye

 

Staðan:

 

Rk.		Name	Rtg	Club/City	Pts.	rtg+/-
1	GM	Danielsen Henrik	2506	Haukar	2,0	1,1
		Johannesson Gisli Holmar	2054	Hellir	2,0	0,0
		Brynjarsson Helgi	1914	Hellir	2,0	20,5
		Kristinsson Bjarni Jens	1822	Hellir	2,0	19,8
5		Halldorsson Jon Arni	2174	Fjölnir	1,0	-12,3
		Vigfusson Vigfus	2052	Hellir	1,0	0,0
		Leifsson Thorsteinn	1825	TR	1,0	-2,8
		Traustason Ingi Tandri	1788	Haukar	1,0	-4,5
		Andrason Pall	1365	Hellir	1,0
		Gudbrandsson Geir	1330	Haukar	1,0
		Kjartansson Dagur	1325	Hellir	1,0
		Oskarsson Arnar Freyr	0		1,0
13		Lee Gudmundur Kristinn	1365	Hellir	0,0
		Sigurdsson Birkir Karl	1295	Hellir	0,0
		Steingrimsson Brynjar	0		0,0

Bloggsíða Hellis

 

NM í skólaskák: Guðmundur og Sverrir með fullt hús

Guðmundur Kjartansson (2307) sigraði færeyska alþjóðlega meistarann Helga Dam Ziska (2406) í 2. umferð a-flokks Norðurlandamótsins í skólaskák, sem fram fór í kvöld í Tjele í Danmörku og er efstur með fullt hús.  Sverrir Þorgeirsson hefur fullt hús í b-flokki.  Auk þeirra unnu Friðrik Þjálfi Stefánsson, Kristófer Gautason og Dagur Ragnarsson í sínum skákum.    Gefum Davíð Ólafssyni fararstjóra orðið:

Úrslitin hjá íslensku keppendunum í 2. umferð:
 
IM Helgi Dam Ziska, Færeyjar (2406) - Guðmundur Kjartansson (2307) 0-1
Mikko Niemi, Finland (2178) - Atlir Freyr Kristjánsson (2019) 1-0
Esben Nicolajsen, Danmörk (1828) - Sverrir Þorgeirsson (2120) 0-1
Lasse Ö. Lövik, Noregur (2052) - Daði Ómarsson (1999) 1-0
Patrekur Maron Magnússon (1785) - Katrine Tjölsen, Noregur (2084) 0-1
Lasse Nielsen, Danmörk (1570) - Svanberg Már Pálsson (1820) 1-0
Dagur Andri Friðgeirsson (1798) - Peter Flermoen, Noregur (1996) 0-1
Friðrik Þjálfi Stefánsson (1455) - Heðin Gregersen, Færeyjar (1192) 1-0
Kristófer Gautason (1245) - Zhou Qiyu, Finland (1642) 1-0
Dagur Ragnarsson (0) - Farzam Firooznia, Danmörk (1000) 1-0
 
Í A-flokki vann Guðmundur frábæran sigur á alþjóðlega meistaranum Helga Dam Ziska sem aldrei sá til sólar í skákinni (skákin var í beinni á netinu).  Guðmundur fékk nákvæmlega þá stöðu upp úr byrjuninni sem við vildum fá og sýndi að hann kann virkilega vel að tefla úr stöðunni.  Atli Freyr er að tefla mjög vel og var kominn með fínustu stöðu úr byrjuninni, en þá hringdi síminn!  Atli bættist þar með í hóp valinkunnra manna sem tapað hafa í Vodafone gambítnum.  Í B-flokki tapaði Daði eftir að hafa misstigið sig í byrjuninni.  Sverrir vann aftur á móti mjög sannfærandi sigur í sinni skák.  Í C-flokki tapaði Patrekur í mikilli baráttuskák og Svanberg varð á í messunni í endataflinu og tapaði jafnteflislegri stöðu.  Í D-flokki var alls ekki dagur Dags Andra sem átti slæman dag og tapaði illa.  Friðrik Þjálfi sigraði hins vegar í sinni skák eftir mikla baráttu og eiga báðir aðilar (Friðrik og Heðin) hrós skilið fyrir að nota tíman sinn vel.  Það er sjaldgæft að sjá keppendur í þessum flokki í tímahraki.  Friðrik hefur lofað að vinna fyrr á morgun og draga skákina ekki svona á langinn því þetta fer algjörlega með taugar móður hans sem fylgist vandlega með! Drengirnir í E-flokki áttu góðan dag.  Kristófer, eyjapeyi, sýndi hversu vel upp alinn hann er og bauð sætri stúlku jafntefli í unninni stöðu, en sú stutta hafnaði samstundis.  Sú stutta sá að sér í næsta leik og bauð þá Kristófer jafntefli, sem hann hafnaði - "you had your chance honey" og vann örugglega.  Dagur Ragnars átti besta "comebackið" frá fyrri umferðinni.  Harðákveðinn í því að tapa ekki aftur, nýtti hann tímann sinn miklu betur og vann örugglega.  Ef hann heldur svona áfram, þá mun hann eiga gott mót.
 
Allir keppendur biðja að heilsa heim og hefja leik í fyrramálið aftur.  Það ætti að vera a.m.k. ein skák með Íslendingi í beinni í fyrramálið. 

• Heimasíða mótsins