Borgarskákmótið fer fram 18. ágúst.

Borgarskákmótið fer fram mánudaginn 18. ágúst, og hefst það kl. 16:00.  Mótið fer fram venju samkvæmt í Ráðhúsi Reykjavíkur og standa Reykjavíkurfélögin, Taflfélag Reykjavíkur og Taflfélagið Hellir, að mótinu, sem og síðustu ár.  Gera má ráð fyrir að margir af sterkustu skákmönnum þjóðarinnar taka þátt í því.   Skákmenn eru hvattir til að skrá sig sem fyrst. Mótið er öllum opið og er þátttaka ókeypis en skráning fer fram á www.hellir.com. Upplýsingar um skráða keppendur má nálgast á www.hellir.blog.is.

Einnig er hægt að skrá sig í  í síma 866 0116.   Tefldar verða 7 umferðir með 7 mínútna umhugsunartíma.     Þetta er í 23. sinn sem mótið fer fram og er þetta iðulega eitt best sótta skákmót hvers árs.  Í fyrra sigraði  Stefán Kristjánsson, sem þá tefldi fyrir RARIK.  Athyglisvert er að allir þeir sem hafa sigrað á mótinu frá upphaf eru nú ýmist stórmeistarar eða alþjóðlegir meistarar. 

Verðlaun:

1. 15.000 kr.
2. 10.000 kr.
3.   5.000 kr. 

Skákþing Íslands 2008 - Áskorendaflokkur

Stjórn Skáksambands Íslands hefur ákveðið að keppni í áskorendaflokki 2008 fari fram dagana 27. ágúst - 4. september n.k. . Mótið mun fara fram á höfuðborgarsvæðinu.   Efstu tvö sætin gefa föst sæti í Landsliðsflokki að ári. 

Dagskrá:

• Miðvikudagur             27. ágúst                     kl. 18.00                     1. umferð
• Fimmtudagur              28. ágúst                     kl. 18.00                     2. umferð
• Föstudagur                 29. ágúst                     kl. 18.00                     3. umferð
• Laugardagur               30. ágúst                     kl. 14.00                     4. umferð
• Sunnudagur                31. ágúst                     kl. 14.00                     5. umferð
• Mánudagur                 1. september               kl. 18.00                     6. umferð
• Þriðjudagur                 2. september               kl. 18.00                     7. umferð
• Miðvikudagur             3. september               kl. 18.00                     8. umferð
• Fimmtudagur              4. september               kl. 18.00                     9. umferð

 

Umhugsunartími:       

90 mín. + 30 sek. til að ljúka.

 

Verðlaun:                   

• 1. 50.000.-
• 2. 30.000.-
• 3. 20.000.-

Aukaverðlaun:                       

• U-2000 stigum           10.000.-
• U-1600 stigum           10.000.-
• U-16 ára                     10.000.-
• Kvennaverðlaun         10.000.-
• Fl. stigalausra             10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.

Þátttökugjöld:           

• 18 ára og eldri            3.000.-
• 17 ára og yngri           2.000.-

 

Skráningu skal senda í tölvupósti á [e-mail] eða tilkynna í síma 568 9141 virka daga kl. 10-13 í síðasta lagi 25. ágúst 2008. 

Aronian sigraði í Sochi

Armenski stórmeistarinn Levon Aronain (2737) sigraði á öðru FIDE Grand-mótinu, sem lauk í dag í Sochi í Rússlandi.  Aronian sigraði Rússann Alexander Grischuk (2728) í lokaumferðinni en alls lauk fimm skákum af sjö í lokaumferðinni með hreinum úrslitum og lifnaði heldur betur yfir mótinu þegar á leið.  Annar varð Aserinn Teimor Radjabov (2744) og í 3.-4. sæti urðu Kínverjinn Wang Yue (2704) og Bandaríkjamaðurinn Gata Kamsky (2723).   

Úrslit 13. umferðar:

 

Name	Rtg	Res.	Name	Rtg
Navara David	2646	0  -  1	Kamsky Gata	2723
Ivanchuk Vassily	2781	½  -  ½	Wang Yue	2704
Aronian Levon	2737	1  -  0	Grischuk Alexander	2728
Karjakin Sergey	2727	0  -  1	Radjabov Teimour	2744
Al-Modiahki Mohamad	2556	½  -  ½	Gelfand Boris	2720
Jakovenko Dmitry	2709	1  -  0	Cheparinov Ivan	2687
Gashimov Vugar	2717	0  -  1	Svidler Peter	2738

 

Lokastaðan:

 

 

Rank		Name	Rtg	FED	Pts	SB.
1	GM	Aronian Levon	2737	ARM	8½	50,75
2	GM	Radjabov Teimour	2744	AZE	8	47,50
3	GM	Wang Yue	2704	CHN	7½	48,50
4	GM	Kamsky Gata	2723	USA	7½	46,00
5	GM	Svidler Peter	2738	RUS	7	45,00
6	GM	Jakovenko Dmitry	2709	RUS	7	44,75
7	GM	Karjakin Sergey	2727	UKR	7	43,50
8	GM	Ivanchuk Vassily	2781	UKR	6½	43,50
9	GM	Gashimov Vugar	2717	AZE	6½	39,25
10	GM	Grischuk Alexander	2728	RUS	6	38,75
11	GM	Cheparinov Ivan	2687	BUL	6	37,50
12	GM	Gelfand Boris	2720	ISR	5½	34,00
13	GM	Navara David	2646	CZE	4	26,25
14	GM	Al-Modiahki Mohamad	2556	QAT	4	23,25

 

• Heimasíða mótsins
• Skákirnar í beinni

Guðmundur gerði jafntefli í tólftu umferð

FIDE-meistarinn, Guðmundur Kjartansson (2328), gerði jafntefli við Portúgalann Ricardo Sousa (2133) í tólftu og næstsíðustu umferð í dag í Gaziantep í Tyrklandi.  Guðmundur hefur 5 vinninga og er í 81.-90. sæti. 

Enn á ný eru á forystuskipti á mótinu.  Efstir með 9 vinninga fyrir lokaumferðina eru stórmeistararnir David Howell (2561), Englandi, og Abhijeet Gupta (2551) og Parimerjan Negi (2529), Indlandi.  

Guðmundur mætir Bosníumanninum Slavisa Ilic (2081) í 13. og síðustu umferð mótsins sem fram fer í fyrramálið. 

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Aðalfundur TR fer fram í kvöld

Aðalfundur Taflfélags Reykjavíkur 2008  verður haldinn fimmtudaginn 14. ágúst kl. 20  í húsakynnum félagsins að Faxafeni 12 í Reykjavík

Allir félagsmenn eru hvattir til að mæta. Venjuleg aðalfundarstörf.

Stjórnin.

Frestur til að skila mótum til stigaútreiknings að renna út

Frestur til að skila mótum til stigaútreiknins rennur út á morgun 15. ágúst.  Mótum skal skila til Omars Salama í netfangið í [e-mail].

Guðmundur tapaði í 11. umferð

FIDE-meistarinn, Guðmundur Kjartansson (2328),tapaði fyrir austurríska skákmanninum Gareth Oliver (2196) í elleftu umferð heimsmeistaramóts unglinga, sem fram fór í dag í Gaziantep í Tyrklandi. Guðmundur hefur 4,5 vinning og er í 81.-92. sæti. 

Enn eru forystuskipti á mótinu en þýski alþjóðlegi meistarinn Arik Braun (2533) er aftur kominn í forystu en hann hefur 8,5 vinninga.   Braun er aðeins 23. stigahæsti keppandi mótsins.  Sex skákmenn hafa 8 vinninga svo búast má við afar harði baráttu um heimsmeistaratitilinn.

Guðmundur mætir Portúgalanum Ricardo Sousa (2133) í tólftu og næstsíðustu umferð, sem fram fer á morgun.    

Alls taka 108 skákmenn þátt í mótinu og þar af eru 24 stórmeistarar og 23 alþjóðlegir meistara.  Guðmundur er 64. stigahæsti keppandinn á mótinu.

Heimasíða mótsins

Aronian efstur fyrir lokaumferðina

Armenski stórmeistarinn Levon Aronian (2737) hefur hálfs vinnings forskot fyrir lokaumferð FIDE Grand-mótsins eftir jafntefli við Aserann Teimour Radjabov (2744).  Rússinn Svidler (2738) vann landa sinn Jakovenko (2709) en öðrum skákum lauk með jafntefli.  Kínverjinn Wang Yue (2704), Úkraíninn Sergey Karjakin (2727) og Radjabov eru í 2.-4. sæti, hálfum vinning á eftir Armenanum.  

Lokaumferðin hefst kl. 10 í fyrramálið.   

 

Úrslit 12. umferðar:

 

Name	Rtg	Res.	Name	Rtg
Kamsky Gata	2723	½  -  ½	Gashimov Vugar	2717
Svidler Peter	2738	1  -  0	Jakovenko Dmitry	2709
Cheparinov Ivan	2687	½  -  ½	Al-Modiahki Mohamad	2556
Gelfand Boris	2720	½  -  ½	Karjakin Sergey	2727
Radjabov Teimour	2744	½  -  ½	Aronian Levon	2737
Grischuk Alexander	2728	½  -  ½	Ivanchuk Vassily	2781
Wang Yue	2704	½  -  ½	Navara David	2646

Staðan:

Rank		Name	Rtg	FED	Pts	SB.
1	GM	Aronian Levon	2737	ARM	7½	41,50
2	GM	Wang Yue	2704	CHN	7	41,50
3	GM	Karjakin Sergey	2727	UKR	7	39,75
4	GM	Radjabov Teimour	2744	AZE	7	37,75
5	GM	Kamsky Gata	2723	USA	6½	38,50
6	GM	Gashimov Vugar	2717	AZE	6½	36,50
7	GM	Ivanchuk Vassily	2781	UKR	6	36,50
8	GM	Jakovenko Dmitry	2709	RUS	6	36,25
9	GM	Grischuk Alexander	2728	RUS	6	35,75
10	GM	Cheparinov Ivan	2687	BUL	6	34,50
11	GM	Svidler Peter	2738	RUS	6	34,50
12	GM	Gelfand Boris	2720	ISR	5	30,00
13	GM	Navara David	2646	CZE	4	24,50
14	GM	Al-Modiahki Mohamad	2556	QAT	3½	19,50

• Heimasíða mótsins
• Skákirnar í beinni

Hafnarmót á Akureyri í dag

Skákfélag Akureyrar og Hafnasamlag Norðurlands standa fyrir útihraðskákmóti á Oddeyrarbryggju á miðvikudaginn 13. ágúst, og hefst taflið kl. 11.00 f.h.  Áætlað að það ljúki um kl. 13.00.  Ekkert þátttökugjald.  

Eitt stærsta skemmtiferðaskip sem hefur komið til Akureyrar leggst að bryggju á miðvikudagsmorgun en það heitir Grand Princess og er um 109 þúsund lestir og 289 m að lengd.  

Stórmót Árbæjarsafns og Taflfélags Reykjavíkur

Hið árlega Stórmót Árbæjarsafns og Taflfélags Reykjavíkur fer fram sunnudaginn næstkomandi, 17. ágúst.

Teflt er í Kornhlöðuhúsinu í Árbæjarsafni, eins og undanfarin ár, og hefst mótið kl.14.

Tefldar verða 7 skákir með umhugsunartímanum 7 mín. á skák.

Verðlaun verða:

• 1. 10.000 kr.
• 2.   7.000 kr.
• 3.   5.000 kr.

Þátttökugjöld eru:

• Fullorðnir (18 ára og eldri): kr. 600
• Börn 17 ára og yngri: ókeypis