EM ungmenna - pistill annarar umferðar

 

Önnur umferð á EM ungmenna var tefld í gær.  Líkt og í fyrstu umferð, þá vorum við stigalægri á 9 borðum af 10.  Hjörvar Steinn var aftur sá eini sem var stigahærri en andstæðingur sinn.  Skorið í þessari umferð var örlítið betra en í umferðinni í gær, 3,5 vinningar úr 10 skákum, en aftur hefðum við auðveldlega getað fengið fleiri vinninga.

 

U-12 drengir:

Stefan Manole, ROU (1865) - Friðrik Þjálfi Stefánsson (0)  1-0

Friðrik Þjálfi fékk ágæta stöðu út úr byrjuninni en missti þráðinn í skákinni og brást ekki rétt við undarlegum leikjum andstæðingsins og því fór sem fór.  Friðrik átti að geta betur hér og sýnir það vonandi í næstu umferðum

 

U-14 stúlkur:

Irina Baraeva, RUS (2083) - Geirþrúður Anna Guðmundsdóttir (0)  1-0

Geirþrúður átti hér í höggi við sterka rússneska stelpu.  Byrjunin lofaði mjög góðu og fékk hún fínustu stöðu úr byrjuninni en slæmur afleikur kostaði mikið liðstap og skákina þar með.  Það er samt gaman að sjá að Geirþrúður hefur í fullt erindi í sterkustu stelpurnar í þessum flokki og teflir ótrauð til vinnings gegn þeim.

 

U-14 drengir:

David Wertanz, AUT (2010) - Dagur Andri Friðgeirsson (1812)  ½-½

Góð úrslit hjá Degi í dag.  Eftir erfiða byrjun og heldur verri stöðu rétti Dagur úr kútnum og fékk ágætis færi á að vinna skákina.  Andstæðingurinn varðist vel og niðurstaðan varð á endanum jafntefli.

 

U-16 stúlkur:

Julia Gorozhankina, RUS (2094) - Hallgerður Helga Þorsteinsdóttir (1907)  ½-½

Annað jafnteflið í röð hjá Hallgerði gegn mun stigahærri stelpu.  Hallgerður tefldi mjög traust í dag og var skákin í járnum allan tímann.  Sérlega glæsileg byrjun hjá Hallgerði í þessu móti.

 

Spela Kolaric, SLO (1890) - Jóhanna Björg Jóhannsdóttir (1655)  1-0

Jóhanna fékk fína stöðu úr byrjuninni en missti aðeins þráðinn í viðleitni sinni til að leggja gildrur fyrir andstæðinginn.  Oftast er betra að tefla stöðuna á heilbrigðan hátt frekar en að einbeita sér að því að búa til gildrur.

 

U-16 drengir:

Haik Tamazyan, ARM (2139) - Hjörvar Steinn Grétarsson (2399)  0-1

Önnur góð skák hjá Hjörvari sem vann andstæðing sinn mjög sannfærandi.  Hann hefur nú unnið báðar skákir sínar örugglega.

 

Patrekur Maron Magnússon (1872) - Dani Freitzon, ISR (2115)  0-1

Patrekur lék ónákvæmt í miðtaflinu og fékk verri stöðu.  Hann barðist þó hetjulega og eftir um 5 klukkustunda taflmennsku hafði hann náð jafnteflisstöðu en lék þá illa af sér og tapaði.  Gremjulegt tap þar sem baráttan var við það að tryggja Patreki jafntefli.

 

U-18 stúlkur:

Tinna Kristín Finnbogadóttir (1655) - Marieke Dirksen, NED (1933)  ½-½

Tinna sýndi að taflmennskan hjá henni gær var engin tilviljun.  Hún tefldi aftur mjög vel í dag og hafði frumkvæðið í skákinni lengi vel.  Að lokum leystist skákin þó upp í jafntefli.  Góður punktur hjá Tinnu gegn andstæðingi sem er u.þ.b. 300 stigum hærri en hún.

 

U-18 drengir:

Sverrir Þorgeirsson (2102) - Marian Bojchev, BUL (2406) 0-1

Sverrir tefldi mjög vel framan af og fékk ljómandi góða stöðu.  Andstæðingur hans náði hins vegar að rugla hann í ríminu með nauðvarnarfórn og fann Sverrir ekki rétta framhaldið og því fór sem fór.  Sverrir sýndi hér hversu sterkur skákmaður hann er orðinn og var með mikið stigahærri andstæðing sinn í köðlunum í þessari skák.

 

Daði Ómarsson (2029) - Matej Hrabusa, SVK (2246)  1-0

Ég reyndist sannspár um það að skákin í gær endurspeglaði engan vegin skákstyrkleika Daða.  Daði tefldi í dag eins og sá sem valdið hefur og valtaði yfir andstæðing sinn Najdorf afbrigði Sikileyjarvarnar.  Glæsilegur sigur.

Davíð Ólafsson

Friðrik á frímerki

Á morgun kemur út nýtt frímerki tileinkað Friðrik Ólafssyni en í ár eru 50 ár liðin síðan Friðrik varð stórmeistari.

Á vef Íslandspóst segir m.a.:

Friðrik Ólafsson varð stórmeistari í skák fyrstur íslenskra skákmanna. Afrek hans við skákborðið mörkuðu á sínum tíma tímamót í íslenskri skáksögu. Friðrik fæddist árið 1935 og varð stórmeistari í skák árið 1958. Á árunum 1978-1982 var Friðrik forseti alþjóðaskáksambandsins FIDE. Með sigrum sínum á seinni hluta 6. áratugarins náði hann fyrstur Íslendinga stórmeistaratitli í skák. Hann hóf sig upp í hóp sterkustu skákmanna heimsins og varð um leið víðkunnur jafnt innan skákheims sem utan. Meðal afreka Friðriks má nefna frammistöðu hans á millisvæðamótinu í Portoroz 1958 þar sem hann varð í 5. sæti á eftir Tal, Gligoric, Petrosjan og Benkö og jafn Fischer með 12 vinninga. Tal vann mótið með 13,5 vinningum. Friðrik hefur unnið allmörg alþjóðleg skákmót, hann hefur orðið skákmeistari Norðurlanda og sex sinnum átti hann Íslandsmeistaratitilinn í skák. Á frímerkinu er sýnd lokastaðan í skák Friðriks Ólafssonar og Bobby Fischers á alþjóðlega skákmótinu í Portoroz 1958. Friðrik sem hafði hvítt vann þessa skák. 

Hraðskákhátíð í Bolungarvík um helgina

Hraðskákhátíð Glitnis og Taflfélags Bolungarvíkur fer fram um helgina. Heilmikið verður um að vera og fjöldi sterkra skákmanna af öllu landinu kemur til bæjarins. Hátíðin byrjar með heimsókn Davíðs Kjartanssonar verkefnastjóra "Skák í skólum" á vegum Menntamálaráðuneytisins og Björns Þorfinnssonar hins unga forseta Skáksambands Íslands, í skóla á Ísafirði og í Bolungarvík. Þessi heimsókn markar upphaf þessa verkefnis og mun Einar Kristinn Guðfinnsson ráðherra afhenda Grunnskóla Bolungarvíkur formlega fyrsta styrk verkefnisins á laugardeginum. Eftir hádegi á föstudeginum verður skákmót fyrir börn og unglinga í Grunnskólanum í Bolungarvík þar sem Nói Síríus gefur verðlaun. Á föstudagskvöldið er síðan stórviðburður þar sem Taflfélag Bolungarvíkur freistar þess að vinna Íslandsmeistaratitilinn í hraðskák taflfélaga af ríkjandi meisturum Taflfélagi Reykjavíkur.

Hraðskákmót Íslands 2008, einstaklingskeppni,  fer svo fram á laugardeginum og þar munu sterkustu hraðskákmenn landsins taka þátt. Núverandi hraðskákmeistari er Arnar Gunnarsson Taflfélagi Reykjavíkur. Verðlaun eru fyrir marga flokka svo að allir rúmlega manngangsfærir eru hvattir til að mæta og spreyta sig. Á sunnudeginum lýkur svo hátíðinni með Golfveislu Sparisjóðs Bolungarvíkur og Golfklúbbs Bolungarvíkur. Mikill golfáhugi hefur gripið um sig á meðal skákmanna og munu margir þátttakendur í hraðskákinni ætla að spreyta sig á Syðridalsvellinum.

Meðal þátttakenda verða: Stórmeistararnir Jón L Árnason, Þröstur Þórhallsson og Henrik Danielsen. Alþjóðlegu meistararnir Stefán Kristjánsson, Arnar Gunnarsson, Jón Viktor Gunnarsson, Bragi Þorfinnsson, Dagur Arngrímsson og Sævar Bjarnason.

Dagskrá

Fimmtudagur 18.september

Skákkennsla í Grunnskóla Bolungarvíkur.

 

Föstudagur 19. september

Morgunn: Skákkennsla í Grunnskólanum á Ísafirði.

13:00-16:00: Nóa Síríus mótið.  Skákmót fyrir 16 ára og yngri í Grunnskólanum Bolungarvík. Bragðgóð verðlaun !
20:00 Úrslitaviðureignin í Hraðskákmóti taflfélaga í Bakkavíkursalnum Bolungarvík.

Til úrslita keppa Taflfélag Reykjavíkur og Taflfélag Bolungarvíkur.

Laugardagur 20. september

13:00: Setning Hraðskákmóts Íslands. Einar Kristinn Guðfinnsson ráðherra afhendir Grunnskólanum í Bolungarvík fyrsta styrkinn í verkefninu "Skák í skólum".
13:00-17:30 Hraðskákmót Íslands 2008 í Bakkavíkursalnum Bolungarvík.
17:30 Verðlaunaafhending.

Sunnudagur 21. september
10:00 - 16:00  Golfveisla Sparisjóðs Bolungarvíkur og Golfklúbbs Bolungarvíkur.

Nánari upplýsingar á: http://taflfelagbolungarvikur.blog.is

Maze í TR

Franski stórmeistarinn Sebastien Maze (2553) hefur gengið frá félagaskiptum yfir í Taflfélag Reykjavíkur úr Taflfélagi Vestmannaeyja.

 

Daði og Hjörvar unnu í 2. umferð

Daði Ómarsson og Hjörvar Steinn Grétarsson unnu sínar skákir í 2. umferð Evrópumóts ungmenna, sem fram fór í dag í Herceg Novi í Svartfjallalandi.  Daði sigraði sterkan slóvakískan skákmann.  Dagur Andri Friðgeirsson, , Tinna Kristín Finnbogadóttir og Hallgerður Helga Þorsteinsdóttir gerðu jafntefli, öll við stigahærri andstæðinga.  Hjörvar hefur 2 vinninga en Daði og Hallgerður 1 vinning.

Sverrir Þorgeirsson, Dagur Andri, Friðrik Þjálfi Stefánsson, Tinna Kristín og Geirþrúður Anna Guðmundsdóttir hafa 0,5 vinning en Patrekur Maron Magnússon og Jóhanna Björg Jóhannsdóttir eru enn ekki komin á blað.  

Rétt er að vekja athygli á tveimur góðum pistlum frá skákstað.  Sá fyrri er eftir Davíð Ólafsson og fjallar um fyrstu umferðina og hinn er á bloggsíðu Eddu Sveinsdóttur fararstjóra og fjallar meira um lífið á skákstað!  Mæli með þeim! 

Úrslit 2. umferðar

Thorgeirsson Sverrir  2102 ISL Pts. 0,5
2	FM	Bojchev Marian	2406	BUL	0	Boys U18
Omarsson Dadi  2029 ISL Pts. 1,0
2		Hrabusa Matej	2246	SVK	1	Boys U18
Gretarsson Hjorvar Steinn  2299 ISL Pts. 2,0
2		Tamazyan Haik	2139	ARM	1	Boys U16
Magnusson Patrekur Maron  1872 ISL Pts. 0,0
2		Freidzon Dani	2115	ISR	0	Boys U16
Fridgeirsson Dagur Andri  1812 ISL Pts. 0,5
2		Wertjanz David	2010	AUT	½	Boys U14
Stefansson Fridrik Thjalfi  0 ISL Pts. 0,5
2		Manole Stefan	1865	ROU	0	Boys U12
Finnbogadottir Tinna Kristin  1655 ISL Pts. 0,5
2		Dirksen Marieke	1933	NED	½	Girls U18
Thorsteinsdottir Hallgerdur  1907 ISL Pts. 1,0
2		Gorozhankina Julia	2094	RUS	½	Girls U16
Johannsdottir Johanna Bjorg  1655 ISL Pts. 0,0
2		Kolaric Spela	1890	SLO	0	Girls U16
Gudmundsdottir Geirthrudur Ann  0 ISL Pts. 0,5
2	WFM	Baraeva Marina	2083	RUS	0	Girls U14

Röðun 3. umferðar:

 

Rd.		Name	Rtg	FED	Re.	Group
Thorgeirsson Sverrir  2102 ISL Pts. 0,5
3		Pavlidis Anastasios	2270	GRE	s	Boys U18
Omarsson Dadi  2029 ISL Pts. 1,0
3	FM	Shukh Nikolai	2370	RUS	s	Boys U18
Gretarsson Hjorvar Steinn  2299 ISL Pts. 2,0
3		Kowalczyk Pawel	2138	POL	w	Boys U16
Magnusson Patrekur Maron  1872 ISL Pts. 0,0
3		Muheim Sebastian	2104	SUI	s	Boys U16
Fridgeirsson Dagur Andri  1812 ISL Pts. 0,5
3		Stoyanov Ivaylo	1978	BUL	w	Boys U14
Stefansson Fridrik Thjalfi  0 ISL Pts. 0,5
3		Azizi Nassim	0	GER	w	Boys U12
Finnbogadottir Tinna Kristin  1655 ISL Pts. 0,5
3		Dvoranova Maria	1891	SVK	s	Girls U18
Thorsteinsdottir Hallgerdur  1907 ISL Pts. 1,0
3		McDonald Maryann	0	SCO	w	Girls U16
Johannsdottir Johanna Bjorg  1655 ISL Pts. 0,0
3		Kaplan Ebru	1878	TUR	w	Girls U16
Gudmundsdottir Geirthrudur Ann  0 ISL Pts. 0,5
3		Mirzabekyan Svetlana	1847	ARM	w	Girls U14

 

 

• Heimasíða mótsins
• Bloggsíða Eddu Sveinsdóttur (fararstjóra)
• Chess-Results

Sterkir skákmenn í Taflfélagi Bolungarvíkur

Taflfélag Bolungarvíkur sendir fjórar sveitir til leiks í Íslandsmóti Skákfélaga 2008-2009. a-liðið teflir í 1.deild, b-liðið í 3.deild og svo c&d lið sem tefla í 4.deild.

Eftirfarandi listi er yfir 36 stigahæstu liðsmennina (titill, nafn,land, FIDE-stig og fæðingarár):

  1. GM Shirov, Alexei  ESP  2741 1972
  2. GM Volokitin, Andrei  UKR 2671 1986
  3. GM Efimenko, Zahar UKR 2670 1985 
  4. GM Areshchenko, Alexander UKR 2664 1986 
  5. GM Van Wely, Loek NED 2644 1972  
  6. GM  Fridman, Daniel GER 2637 1976   
  7. GM Baklan, Vladimir UKR 2631 1978  
  8. GM Kryvoruchko, Yuriy UKR 2628 1986  
  9. GM Oleksienko, Mikhailo UKR 2588 1986 
10. GM Halkias, Stelios GRE 2579 1980   
11. GM Kuzubov, Yuriy UKR 2578 1990   
12. GM Miezis, Normunds LAT 2540 1971 
13. GM Jón L Árnason ISL 2507 1960  
14. IM Fernando, Diogo POR 2449 1980 
15. WGM  Zatonskih, Anna USA 2446 1978  
16. IM Jón Viktor Gunnarsson ISL 2431 1980 
17. IM Bragi Þorfinnsson ISL 2408 1981 
18. IM Dagur Arngrímsson ISL 2392 1987  
19. Sandstrom, Ludvig SWE 2354 1965  
20. Guðmundur Stefán Gíslason ISL 2328 1964 
21. FM Elvar Guðmundsson ISL 2321 1963 
22. FM Halldór Grétar Einarsson ISL 2264 1966  
23. Guðmundur Halldórsson ISL 2251 1959 
24. Tómas Hermannsson ISL 2249 1971 
25. Magnús Pálmi Örnólfsson ISL 2212 1971 
26. Árni Ármann Árnason ISL 2139 1963 
27. Arinbjörn Gunnarsson   2160
28. Guðmundur Magnús Daðason 1975
29. Sigurður Ólafsson 1970
30. Daði Guðmundsson 1970
31. Unnsteinn Sigurjónsson 1950
32. Stefán Arnalds 1935
33. Helgi Hauksson 1935
34. Sæbjörn Guðfinnsson 1910
35. Magnús K Sigurjónsson 1860
36. Gísli Samúel Gunnlaugsson 1820

Heimasíða TB

Kosteniuk hálfum vinningi frá heimsmeistaratitli

Jafntefli varð í þriðju skák heimsmeistaramóts kvenna á milli Alexöndru Kosteniuk (2510), Rússlandi, og Yifan Hou (2557), Kína, sem fram fór í dag.  Staðan er því 2-1 fyrir Kosteniuk fyrir lokaskák einvígisins sem fram fer á morgun.  

Heimasíða mótsins

 

Fimmtudagsmót TR hefjast næstkomandi fimmtudag

Fimmtudaginn 18. september hefjast hin víðfrægu fimmtudagsmót TR að nýju eftir sumarfrí.  Að venju verða tefldar 7 umferðir með 7 mínútna umhugsunartíma.  Mótin hefjast kl. 19.30 öll fimmtudagskvöld og er teflt í Skákhöll TR, Faxafeni 12.

Þátttökugjald er sem fyrr kr 500 en ókeypis fyrir 15 ára og yngri og boðið verður upp á léttar veitingar án endurgjalds.  Mótin eru opin öllum.

Verðlaun verða með breyttu sniði en glæsilegur verðlaunapeningur verður veittur fyrir sigur í hverju móti og í lok vetrar verða veitt þrenn verðlaun fyrir mætingu yfir veturinn.  Allir þeir sem mæta að lágmarki á fimm mót fara í pott sem dregið verður úr á síðustu æfingu vetrarins, því oftar sem mætt er, þeim mun meiri líkur á að vinna til verðlauna.  Verðlaun verða kr 40.000, 20.000 og 10.000 en verði þátttaka mjög góð hækka verðlaunin í samræmi við hana.

Að auki má búast við óvæntum aukaverðlaunum á einhverjum mótanna.

Stjórn Taflfélags Reykjavíkur hvetur alla skákáhugamenn til að mæta og upplifa stemninguna í Skákhöllinni.

Fyrsta umferð á EM ungmenna

Fyrsta umferð Evrópumóts ungmenna í skák var tefld í gær.  Fyrir umferðina mátti búast við að róður íslensku keppendanna yrði erfiður þar sem níu af tíu keppendum okkar fengu mikið stigahærri andstæðinga, en Hjörvar Steinn Grétarsson var sá eini sem var stigahærri en andstæðingur sinn.  Árangur krakkanna í þessari umferð var mjög góður og litlu munaði að vinningar í hús yrðu enn fleiri.

Ferðin byrjaði samt ekki allt of vel því við vorum ekki komin á hótelið fyrr en um klukkan eitt að nóttu eftir langa ferð frá Íslandi.  Hótelið reyndist vera að hruni komið og í einu herberginu fannst m.a. þessi flotti kakkalakki á klósettinu.  Fararstjóri okkar og skákmótaskipuleggjendaskelfir, frú Edda Sveinsdóttir gekk fljótt og vel í málið snemma morguninn eftir og nú erum við komin í VIP gistingu í miðbænum!  Frekari lýsingar á þessu ferli má örugglega lesa á blogginu hennar Eddu.

Snúum okkur þá að skákunum.

U-12 drengir:

Friðrik Þjálfi Stefánsson (0) - Maksimillian Boskovic, SRB (1864)  ½-½

Friðrik Þjálfi varðist vel gegn sterkum serbneskum andstæðingi og endaði skákin í jafntefli eftir mikla baráttu.  Virkilega góð byrjun í þessum flokki.

 

U-14 stúlkur:

Geirþrúður Anna Guðmundsdóttir (0) - Tanya Revo, BLR (1954)  ½-½

Annað gott jafntefli í hús í þessum flokki.  Hér var einnig hart barist en Geirþrúður hélt frumkvæðinu allan tíman og átti á tímabili góða möguleika á sigri í þessari skák.  Við fórum vel yfir það eftir skákina hversu mikilvægt það er að opna línur fyrir biskupana sína og ef hægt er að minnka hreyfanleika biskups andstæðingsins um leið er það bara bónus!  Geirþrúður hefur lofað að missa aldrei af svona þema aftur!  Hvítrússnesku stelpunni virtist mjög brugðið yfir góðri taflmennsku íslensku valkyrjunar og var mjög sátt við jafnteflið í lokin.

 

U-14 drengir:

Mads Andersen, DEN (2092) - Dagur Andri Friðgeirsson (1812)  1-0

Dagur Andri lék örlítið ónákvæmt í miðtaflinu og fékk fljótlega erfiða stöðu.  Daninn sterki nýtti sér það vel og vann öruggan sigur í þessari skák.  Dagur er staðráðinn í því að gera betur hér eftir.

 

U-16 stúlkur:

Hallgerður Helga Þorsteinsdóttir (1907) - Nazi Pakidze, GEO (2277)  ½-½

Hallgerður tefldi mjög vel gegn stigahæstu stúlkunni í þessum flokki og endaði skákin með jafntefli.  Ég spurði Hallgerði eftir skákina þegar hún kom hundfúl út hvort hún hefði búist við því fyrirfram að vera hundfúl með jafntefli á móti þessari stelpu en Hallgerður var það fúl að hún leit ekki á þessa spurningu sem svaraverða á þessum tímapunkti.  Hún hafði líka allan rétt til að vera fúl eftir að hafa teflt skákina mjög vel og snúið laglega á andstæðing sinn í miðtaflinu leiddi ónákvæmur leikur í endataflinu til þess að sú georgíska náði þráskák og var henni mjög létt eftir skákina enda hafði hún setið síðustu tvo tímana þar á undan mjög súr á svip.  Þetta er engu að síður mjög góð byrjun hjá Hallgerði sem sannaði enn og aftur að á góðum degi getur hún unnið hvern sem er.

Jóhanna Björg Jóhannsdóttir (1655) - Bila Bulakthanova, RUS (1976)  0-1

Jóhanna tapaði þarna fyrir sterkri rússneskri stelpu.  Jóhanna átti þó sín færi í skákinni en missti því miður af vænlegum leiðum og tapaði því.  Hún sýndi þó að hún á í fullu tré við þessar stelpur sem eru rúmlega 300 stigum hærri en hún.

 

U-16 drengir:

Hjörvar Steinn Grétarsson (2299) - Franc Ashiku, ALB (2057)  1-0

Einu skák okkar krakka þar sem við vorum stigahærri endaði með öruggum sigri Hjörvars.  Hjörvari fannst þó andstæðingur sinn hafa getað gert betur í skákinni sem hann hefði að sjálfsögðu getað gert en þarna kristallast munurinn á þessum skákmönnum, Hjörvar sá einfaldlega miklu fleiri og betri leiðir í skákinni og uppskar eftir því.

Maciej Klewkowski, POL (2197) - Patrekur Maron Magnússon (1872)  1-0

Enn ein skákin þar sem við vorum mikið lægri á stigum.  Patreki varð það á að leika illa af sér og pólverjinn næði mátsókn í kjölfarið.  Slæmt tap þrátt fyrir stigamuninn en ég efast ekki um að Patrekur á eftir að koma til baka því harðari keppnismann en hann er erfitt að finna.

 

U-18 stúlkur:

Marianna Chierici, ITA (2037) - Tinna Kristín Finnbogadóttir (1655)  1-0

Ef einhver heldur að þessi skák hafi verið einfaldur sigur skákkonu sem er u.þ.b. 400 stigum hærri en andstæðingurinn er sá hinn sami að misskilja eitthvað!  Tinna tefldi þessa skák mjög vel og hafði tögl og haldir í þessari skák lengi vel.  Tinnu lá hins vegar fullmikið á því að máta andstæðinginn og lék ónákvæmum drottningarleik sem kostaði skákina.  Ég held samt að hún hafi gert hinum keppendunum í flokknum það ljóst að það þýðir ekkert að líta á þessi lágu stig hennar til að meta skákstyrkleikann.

 

U-18 drengir:

Fabien Guilleux, FRA (2397) - Sverrir Þorgeirsson (2102)  ½-½

Jafntefli með svörtu á móti mjög sterkum frakka verður að teljast mjög góður árangur.  Sverrir tefldi mjög vel og hafði í fullu tré við andstæðing sinn.  Reyndar hef ég haldið því fram í nokkurn tíma að þessi stig hans Sverris segja ekki til um raunstyrk hans.  Þessi drengur á eftir að fara í a.m.k. 2200 til 2250 stig á u.þ.b. ári ef hann er duglegur að tefla.

Ovik Hayrapetian, ARM (2367) - Daði Ómarsson (2029)  1-0

Daði átti ekki góðan dag.  Hann lék örlítið ónákvæmum leik í miðtaflinu og nýtti armeninn sterk sér það og vann örugglega.  Þessi skák segir samt lítið um styrk Daða því hann er líkt og Sverrir mun betri en þessi stig hans segja til um.

 

 

Í heildina má segja að þessi umferð hafi gengið mjög vel 3 vinningar af 10 þar sem við erum miklu stigalægri í níu skákum af tíu er viðunandi árángur.  Við hefðum samt þegið heldur fleiri vinninga ef tekið er mið af því hvernig þessar skákir voru að teflast en það kemur vonandi til að skila sér í næstu umferð.  Aðstæður á skákstað eru til fyrirmyndar og eiga Svartfellingar hrós skilið fyrir gott skipulag á mótinu.

 

Davíð Ólafsson

Skákþing Garðabæjar hófst í gær - metþátttaka og stórmeistari með!

Fyrsta umferð í Skákþingi Garðabæjar fór fram í kvöld og er mótið um margt sögulegt. 27 keppendur af öllum styrkleika er í mótinu, allt frá byrjendum og upp í stórmeistara. Þetta er metþátttaka og auk þess er í fyrsta sinni stórmeistari meðal keppenda á skákþinginu.

Sigríður Björg Helgadóttir kom á óvart með góðri taflmennsku þegar Lárus Knútsson mátti þakka fyrir jafntefli í vel tefldi skák hjá Siggu. Önnur óvænt úrslit urðu þegar Kjartan Másson vann Þorvarð F Ólafsson eftir að Þorvarður hafði hafnað 2 svar jafntefli og sprengt sig.
Önnur úrslit urðu eftir hinni margfrægu bók.

Úrslit fyrstu umferðar:

 

Bo.		Name	Res.		Name
1		Jakob Saevar Sigurdsson	0  -  1	GM	Henrik Danielsen
2	FM	Sigurdur Sigfusson	1  -  0		Oddgeir Ottesen
3		Ingi Tandri Traustason	0  -  1		Einar Hjalti Jensson
4		Omar Salama	1  -  0		Svanberg Mar Palsson
5		Kjartan Masson	1  -  0		Thorvardur Olafsson
6		Johann Ragnarsson	1  -  0		Eirikur Orn Brynjarsson
7		Sigridur Bjorg Helgadottir	½  -  ½		Larus Knutsson
8		Stefan Bergsson	1  -  0		Gisli Hrafnkelsson
9		Pall Andrason	0  -  1		Baldur Helgi Moller
10		Kjartan Gudmundsson	1  -  0		Gudmundur Kristinn Lee
11		Birkir Karl Sigurdsson	0  -  1		Bjarni Jens Kristinsson
12		Siguringi Sigurjonsson	1  -  0		Dagur Kjartansson
13		Sveinn Gauti Einarsson	0  -  1		Pall Sigurdsson
		Tjorvi Schioth	1  -  -		Bye

Röðun 2. umferðar (fimmtudagur kl.  19:30):

 

Bo.		Name	Res.		Name
1	GM	Henrik Danielsen	-		Kjartan Gudmundsson
2		Baldur Helgi Moller	-	FM	Sigurdur Sigfusson
3		Einar Hjalti Jensson	-		Siguringi Sigurjonsson
4		Bjarni Jens Kristinsson	-		Omar Salama
5		Pall Sigurdsson	-		Johann Ragnarsson
6		Tjorvi Schioth	-		Stefan Bergsson
7		Larus Knutsson	-		Kjartan Masson
8		Thorvardur Olafsson	-		Sigridur Bjorg Helgadottir
9		Gisli Hrafnkelsson	-		Jakob Saevar Sigurdsson
10		Oddgeir Ottesen	-		Pall Andrason
11		Gudmundur Kristinn Lee	-		Ingi Tandri Traustason
12		Svanberg Mar Palsson	-		Birkir Karl Sigurdsson
13		Eirikur Orn Brynjarsson	-		Sveinn Gauti Einarsson
		Dagur Kjartansson	-  -		Bye

• Heimasíða mótsins
• Chess-Results