Davíð og Björn efstir á atskákmóti Reykjavíkur - Davíð meistari

Davíð Ólafsson og Björn Þorfinnsson urðu jafnir og efstir með 5 vinninga í sex skákum á Atskákmóti Reykjavíkur sem fram fór á fullveldisdaginn 1. desember sl. Mótið var vel skipað en fleiri tóku þátt í mótinu en Atskákmóti Íslands þrátt fyrir að verðlaun væru sextán sinnum lægri!

Mótið var mjög spennandi en fyrir síðustu umferð áttu þrír keppendur raunhæfa möguleika á sigri og tveir til viðbótar fræðilegan möguleika. Davíð, Björn og Magnús Örn voru jafnir fyrir síðustu umferð með 4 vinninga en Björn og Magnús Örn mættust.

Í lokaumferðinni og hafði Björn betur. Á meðan atti Davíð kapp við Sigurð Ingason og hafði sigur. Þeir Björn og Davíð þurftu því að heyja einvígi um titilinn. Í hraðskákeinvíginu unnu þeir sína skákina hvor og stóðu þær viðureignir frekar stutt yfir. Í bráðabananum hafði Davíð loks sigur með svörtu mönnunum. Davíð Ólafsson er því atskákmeistari Reykjavíkur 2008 og í kaupbæti atskákmeistari Hellis 2008.

Lokastaðan á Atskákmóti Reykjavíkur:

• 1.   Davíð Ólafsson                       5v/6 (2-1)
• 2.   Björn Þorfinnsson                   5v    (1-2)
• 3.   Arnar Gunnarsson                  4,5v
• 4.   Magnús Örn Úlfarsson            4v
• 5.   Rúnar Berg                              4v
• 6.   Patrekur Maron Magnússon    4v
• 7.   Sigurbjörn Björnsson              3,5v
• 8.   Gunnar Freyr Rúnarsson         3,5v
• 9.   Jóhanna Björg Jóhannsdóttir  3,5v
• 10. Ingi Tandri Traustason            3,5v
• 11. Sigurður Ingason                     3v
• 12. Vigfús Ó. Vigfússon                  3v
• 13. Helgi Brynjarsson                     3v
• 14. Erlingur Þorsteinsson               3v
• 15. Dagur Kjartansson                   3v
• 16. Björgvin Kristbergsson             3v
• 17. Daði Magnússon                       2,5v
• 18. Hallgerður Helga Þorsteinsdóttir 2,5v
• 19. Birkir Karl Sigurðsson                2,5v
• 20. Örn Stefánsson                         2v
• 21. Ögmundur Kristinsson              2v
• 22. Ólafur Þór Davíðsson                1v
• 23. Pétur Jóhannesson                   1v
• 24. Brynjar Steingrímsson               0v

Friðriksmóts Landsbankans fer fram 13. desember

Friðriksmót Landsbankans fer fram í aðalútibúi Landsbankans í Austurstræti laugardaginn 13. desember nk.og hefst kl. 13.00. Mótið er öllum opið meðan húsrúm leyfir, en þátttakendur eru hvattir til að skrá sig sem fyrst hér á Skák.is.  Húsrúm er miðað við 60 keppendur.    

Verðlaun eru sem hér segir:

• 1) 100.000 kr.
• 2) 60.000 kr.
• 3) 50.000 kr.
• 4) 30.000 kr.
• 5) 20.000 kr.

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Tefldar verða 11 umferðir með 7 mínútna umhugsunartíma á mann og er reiknað með að mótinu ljúki um kl. 16.30.

Þetta er fimmta árið í röð sem Landsbanki Íslands og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Hægt er að fylgjast með skráningu hér.  

Jón Viktor sigraði í sjöttu umferð í Belgrad og er í 2.-13. sæti

Jón Viktor Gunnarsson sigraði FIDE-meistarann Lazar Stavnjak (2251) í sjöttu umferð Belgrad Trophy, sem fram fór í Serbíu í dag.  Dagur Arngrímsson (2392), Snorri G. Bergsson (2340) og Guðmundur Kjartansson (2284) töpuðu hins vegar allir.

Dagur tapaði fyrir, stigahæsta keppenda mótsins, stórmeistaranum, Branko Damljanovic (2596), Snorri fyrir stórmeistarann Goran Cabrilo (2500) og Guðmundur fyrir alþjóðlega meistarann Milan Bozic (2435).

Jón Viktor hefur 5 vinninga og er í 2.-13. sæti, Snorri, Guðmundur og Dagur hafa 4 vinninga og eru  29.-63. sæti. Serbneski alþjóðlegi meistarinn Srdjan Cvetkovic (2378) er efstur með fullt hús.

Í sjöundu umferð, sem fram fer á morgun, teflir Jón Viktor við Damljanovic og vonandi að hann nái að hefna ófara Snorra og Dags sem báðir hafa tapað fyrir honum.  Hinir tefla allir við stigalægri andstæðinga.

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

Íslandsmet : 65 stúlkur á skákmóti í Eyjum!

Hreint gífurleg þátttaka var í dag í Vestmannaeyjum á stúlknaskákmóti Sparisjóðs Vestmannaeyja, þegar 65 stúlkur tóku þátt í mótinu og er það Íslandsmet í þátttöku á stúlknaskákmóti.  Taflfélag Vestmannaeyja stóð fyrir mótshaldinu.  Það varð uppi fótur og fit þegar allt bókstaflega fylltist í húsnæði Taflfélagsins klukkan 17 í dag og þangað streymdu stúlkur í stríðum straumum. 

Þegar allar höfðu skráð sig voru þær orðnar 65 talsins og ljóst að stelpurnar höfðu slegið Íslandsmet sem sett var fyrir nokkru í Reykjavík, þegar 49 stelpur mættu á skákmót sem þar var haldið.  Undanfarnar vikur hefur verið mikil mæting meðal stúlkna í skákkennslu Taflfélagsins í Eyjum, en í haust hóf Grunnskóli Vestmannaeyja skákkennslu meðal nemenda yngstu bekkja grunnskólans. 

Keppt var í 2 flokkum, hefðbundinni skák þar og í svokallaðri peðaskák, sem er sniðin að þörfum nýbyrjenda. 

Í mótinu sigraði Telma Lind Halldórsdóttir, en hún sigraði alla mótherja sína og fékk þar með fullt hús vinninga eða 5 talsins og fékk bikar að launum.  Sparisjóður Vestmannaeyja gaf öll verðlaun á mótinu auk bóka og ýmissa muna sem dregin voru út í lok mótsins.

Úrslit í einstökum flokkum (fjöldi í sviga).

Drottningarflokkur fæddar 1998 og eldri (13).

1. Telma Lind Halldórsdóttir 5 vinn.
2. Arna Þyrí Ólafsdóttir 4 v. (SB 17)
3. Indíana Guðný Kristinsdóttir 4 v. (SB 16,5)

Prinsessur fæddar 1999 ( 8).

1. Sigríður Margrét Sigþórsdóttir 4 vinn.
2. Andrea Ósk Sverrisdóttir 3,5 v.
3. Hrafnhildur Sigmarsdóttir 3 v.

Mjallhvítarflokkur fæddar 2000 (11).

1. Þorbjörg Júlía Ingólfsdóttir 3 vinn. (SB 17)
2. Inga Birna Sigursteinsdóttir 3 v. (SB 14,5)
3. Elsa Rún Ólafsdóttir 3 v. (SB 10,5)

Öskubuskur fæddar 2001 ( 9).

1. Eydís Ósk Þorgeirsdóttir 3,5 vinn. (SB 15,5)
2. Auðbjörg H. Sigþórsdóttir 3,5 v. (SB 13)
3. Anita Lind Hlynsdóttir 2,5 v.

Þyrnirósarflokkur fæddar 2002 og yngri ( 7).

1. Anika Hera Hannesdóttir 2 vinn. (SB 11,5)
2. Andrea Gunnlaugsdóttir 2 v. (SB 9)
3. Helga Sigrún Sveinsdóttir 1 v.

Peðaskák - Opinn flokkur (17 keppendur).

1. Anna Margrét Jónsdóttir.
2. Mía Guðmundsdóttir.
3. María Árnadóttir.

Þátttaka í árgöngum (65):

Mæður : 8 talsins,
Dömur 18-20 ára : 5 talsins, 1995 : 3 stúlkur
1996 : 8,
1997 : 1,
1998 : 2,
1999 : 8,
2000 : 11,
2001 : 9 og
2002 : 10 pæjur.

Friðrik gerði jafntefli í fjórðu umferð

Friðrik Ólafsson (2440) gerði jafntefli lettnesku skákkonuna Viktorije Cmilyte (2512) í fjórðu umferð alþjóðlega mótsins í Prag í Tékklandi þar sem gamalreyndir skákkappar tefla við skákkonur.   Hinir gamalreyndu höfðu betur 2½-1½ í umferðinni en eru engu að síður undir 7½-8½.  

Staða gamalreyndra kappa (Old-hands):

• Hort 3 v.
• Karpov 2½ v.
• Uhlmann 1 v.
• Friðrik 1 v.

Staða kvennanna (Snowdrops):

• Cmilyte 2½ v.
• Ushenina 2½v.
• Jacková 2 v.
• Němcová 1½ v.

Í fimmtu umferð, sem fram fer á morgun, teflir Friðrik við úkraínsku skákkonuna Anna Usenina (2496). 

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

• Heimasíða mótsins
• Skákirnar í beinni
• Skákhornið

Dagur útnefndur alþjóðlegur meistari

Dagur Arngrímsson hefur verið formlega útnefndur alþjóðlegur meistari en það var gert á FIDE-þinginu, sem fram fór samhliða Ólympíuskákmótinu í Dresden.

Grímur Ársælsson látinn

Skákmeistarinn Grímur Ársælsson er látinn en hann lést 29. nóvember sl. 68 ára að aldri.

Einar S. Einarsson minnist á Grím á eftirfarandi hátt:

Grímur var traustur skákmaður og iðinn við kolann í tvöfaldri merkingu allt sitt líf.  Síteflandi undanfarin ár: í Riddurunum, KR--klúbbnum, VISA-klúbbnum, í FEB og nú síðast í Gallerí Skák  Hann barst lítt á bæði í skákinni sem lífinu öllu. Einstakt prúðmenni í öllum sínum háttum. Lagt er til að klukkurnar verði látnar ganga í eina mínútu í minningu hans á næstu skákæfingum klúbbanna.

Guðmundur, Dagur og Snorri unnu í Belgrad - Guðmundur vann stórmeistara

Guðmundur Kjartansson (2284) sigraði stórmeistarann Miodrag R Savic (2522) í fimmtu umferð Belgrad Trophy, sem fram fór í Serbíu í dag.  Dagur Arngrímsson vann Atanas Stanoev (2259) og Snorri G. Bergsson (2340) sigraði Dragan Savic (2198).    Jón Viktor gerði jafntefli við  Miroslav Maksimovic (2245).  Allir hafa þeir fjóra vinninga og eru í 5.-31. sæti.

Efstir með fullt hús er hinn kunni stórmeistari Dragoljub Velimirovic (2415) og Srdjan Cvetkovic (2378), báðir Serbar.

Í sjöttu umferð, sem fram fer á morgun, teflir Dagur við stigahæsta keppenda mótsins Branko Damljanovic (2596), Snorri við stórmeistarann Goran Cabrilo (2500), Guðmundur við alþjóðlega meistarann Milan Bozic (2435) og Jón Viktor við FIDE-meistarann Lazar Stavnjak (2251).

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

 

Friðrik tapaði í þriðju umferð í Prag

Friðrik Ólafsson (2440) tapaði fyrir tékknesku skákkonunni Jönu Jacková (2360) í þriðju umferð alþjóðlega mótsins í Prag þar sem gamalreyndir meistarar mæta skákkonum.

Skákkonunum gekk vel í dag, en þær fengu 3,5-0,5, aðeins Karpov náði jafntefli, og leiða  7-5.  Allir umferðirnar hafa unnist á hvítt svo þeir gömlu geta komið til baka á morgun.   

Staða gamalreyndra kappa (Old-hands):

• Hort 2 v.
• Karpov 1,5 v.
• Uhlmann 1 v.
• Friðrik 0,5 v.

Staða kvennanna (Snowdrops):

• Jacková 2 v.
• Cmilyte 2 v.
• Ushenina 1,5
• Němcová 1,5 v.

Í fjórðu umferð, sem fram fer á morgun, teflir Friðrik við lettnesku skákkonuna Viktorije Cmilyte (2512). 

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

 

• Heimasíða mótsins
• Skákirnar í beinni
• Skákhornið

Stúlknaskákmót Sparisjóðs Vestmannaeyja fer fram á morgun

Á morgun þriðjudaginn 2. desember kl. 5 verður haldið Stúlknaskákmót Sparisjóðs Vestmannaeyja.  Þetta fyrsta stúlknaskákmót í Eyjum er að þessu sinni einungis opið stúlkum úr Vestmannaeyjum.  Mótið verður í húsnæði Taflfélagsins að Heiðarvegi 9. og er áætlað að það standi í einn og hálfan klukkustíma.  Allir eru velkomnir, systur, frænkur, mömmur og ömmur.

Allir geta verið með enda er boðið upp á svokallaða peðaskák fyrir þá sem ekki kunna hefðbundna skák, en peðaskák geta allir leikið eftir 2 mínútna leiðsögn.  Í hefðbundinni skák verða verðlaun fyrir hvern aldursflokk.  Auk þessa verður dregið úr verðlaunum fyrir alla í happadrætti, en Sparisjóðurinn í Vestmannaeyjum gefur öll verðlaun.

Veittur verður bikar fyrir efstu stúlku í mótinu sjálfu, en að auki verða verðlaunapeningar fyrir efstu stúlkur í eftirtöldum aldursflokkum :

• Drottningarflokkur 1998 & eldri
• Prinsessuflokkur 1999
• Mjallhvítarflokkur 2000
• Öskubuskuflokkur 2001
• Þyrnirósarflokkur 2002 og yngri

  Þá fá efstu þrjár stúlkurnar í peðaskákinni verðlaunapeninga án tillits til aldurs.