Tólfan vann deildabikarinn - enn og aftur

Á þriðjudag var haldið jólamót milli geðdeilda/athvarfa í salnum að Kleppsspítala. Hrókurinn og Skákfélag Vinjar hafa staðið fyrir þessum mótum um árabil en mót milli deilda hófust reyndar fyrir ríflega tuttugu árum.

Sex þriggja manna lið voru skráð til leiks og hart var barist, enda áttu þrjár sveitir möguleika á sigri fyrir lokaumferðina.

Deild 12 hefur nánast einokað bikarinn undanfarin ár, enda sterkir skákmenn sem tengjast þeirri deild, hvort sem er í starfi eða veikindum. Hefði deildin getað sent tvö öflug lið en lánaði stigahæsta keppandann, Gunnar Frey Rúnarsson hinn sterka, yfir í Iðjuþjálfun.

Aðrar deildar voru 13, 32a, 32c og Vin. Í þeim voru 17 piltar og ein stúlka.
Vinjarliðið (Björn Sölvi Sigurjónsson, Guðmundur V. Guðmundsson og Arnar Valgeirsson) byrjaði best og leiddi framan af. En fór á taugum gegn deild 12 (Rafn Jónsson, Ágúst Gíslason og Einar Rúnar Kristjánsson) og tapaði 0-3. Deild 32c, leidd af Haukamanninum og hugsuðinum knáa, Aðalsteini Thorarensen, blandaði sér í baráttuna með sigri á deild 12, tvö-eitt, en hélt ekki haus og varð í fjórða sæti. Fyrir síðustu umferð áttu þrjú lið séns en draumur Iðjuþjálfunar dó með tapi, 0-3 fyrir Vin. Tólfan lék af öryggi og hafði þetta með hálfum vinningi, 11 af 15 mögulegum en Vin var með 10,5.

Hrókurinn gaf bikar og allir þátttakendur fengu bókavinning. Róbert Harðarson stýrði.

Jólaæfing TR á laugardag

Á laugardaginn kemur verður jólaskákæfing Taflfélags Reykjavíkursem jafnframt verður síðasta laugardagsæfing ársins!

Þar verður á boðstólum:

• 1) tefla, tefla, tefla
• 2) bjóða upp á jólahressingu
• 3) veita viðurkenningar fyrir bestu mætingu/ástundun á laugardagsæfingunum á þessari önn (í þremur aldurshópum)
• 4) veita viðurkenningar fyrir samanlögð stig fyrir ástundun og árangur á æfingamótunum
• 5) gefa nýjum félagsmeðlimum Taflfélags Reykjavíkur skákbók að gjöf

Taflfélagsmenn bjóða alla velkomna á jólaæfinguna á laugardaginn kl. 14-16!

Henrik býður upp á skákkennslu

Stórmeistarinn Henrik Danielsen býður upp á skákkennslu.    Hann býður t.d. upp á kennslu í byrjun á vali nemenda fyrir kr. 2.000 á tímann.

Hægt er að hafa samband við hann í netfangið [e-mail].

 

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld. 
Tefldar verða 9 umferðir með 7 mínútna umhugsunartíma og hefst mótið
kl. 19.30 en húsið opnar kl. 19.10.  Fríar veitingar í boði og
sigurvegarinn fær að launum glæsilegan verðlaunapening.  Teflt er í
skákhöll Taflfélags Reykjavíkur að Faxafeni 12 og þátttökugjald er kr
500 en frítt fyrir 15 ára og yngri.

Haraldur Axel sigraði á minningarmóti um Lárus Johnsen

Haraldur Axel Sveinbjörnsson sigraði á minningarskákmót um Lárus Johnsen, sem fram fór í dag hjá Skákdeild Félags eldri borgara.  Haraldur Axel sigraði en hann hlaut 6 vinninga af 7 mögulegum.  Í 2.-4. sæti urðu Sæbjörn Guðfinnsson Þorsteinn Guðlaugsson og Gísli Gunnlaugsson.

Sæbjörn var efstur þremenningana á stigum og hlaut 2 sætið, Þorsteinn fékk 3 sætið þar sem Gísli var lægri á stigum.

Heildarúrslit:

• 1           Haraldur Axel Sveinbjörnsson         6     vinninga
• 2-4        Sæbjörn Guðfinnsson                      5           -
•              Þorsteinn Guðlaugsson                    5            -
•              Gísli Gunnlaugsson                         5            -
• 5-6        Þór Valtysson                                 4 ½        -
•              Grétar Áss Sigurðsson                   4 ½        -
• 7-9        Gísli Sigurhansson                         4            -
•              Halldór Skaftason                          4            -
•              Egill Sigurðsson                             4           -
• 10-11    Jón E Guðfinnsson                         3 ½       -
•              Birgir Ólafsson                               3 ½       -
• 12-15    Jón Víglundsson                             3          -
•              Bragi G Bjarnason                          3          -
•              Ingi E Árnason                               3          -
•              Óli Árni Vilhjálmsson                    3          -
• 16         Finnur Kr Finnsson                        2 ½      -
• 17-18    Baldur Garðarsson                         2          -
•              Jónas Ástráðsson                            2          -
• 19         Hrafnkell Guðjónsson                    1 ½      -
• 20         Viðar Arthursson                            1         -

Jólapakkamót Hellis

Jólapakkamót Hellis verður haldið laugardaginn 20. desember í Ráðhúsi Reykjavíkur. Mótið hefst kl. 13 og er ókeypis á mótið en mótið er fjölmennasta unglingamót hvers árs.  

Keppt verður í 4 aldursflokkum, flokki fæddra 1993-1995, flokki fæddra 1996-97, flokki fæddra 1998-99 og flokki fæddra 2000 og síðar.

Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.

Skráning fer fram á heimasíðu Hellis.

Unglingameistaramót Íslands

Unglingameistaramót Íslands 2008 fer fram í Faxafeni 12, Reykjavík dagana 21. og 22. desember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2008" og í verðlaun farseðil (á leiðum Icelandair) á skákmót erlendis.

Umferðatafla:            

• Sunnudagur 21. des. kl. 13.00          1. umferð
•                                   kl. 14.00          2. umferð
•                                   kl. 15.00          3. umferð
•                                   kl. 16.00          4. umferð
• Mánudagur 22. des.  kl. 11.00          5. umferð
•                                  kl. 12.00          6. umferð
•                                  kl. 13.00          7. umferð

 

Tímamörk:                  25 mín á keppanda

Þátttökugjöld:            kr. 500.-

Skráning:                    [e-mail] 

Jólaskákmót ÍTR og TR

Skáksveit Rimaskóla sigraði í yngri flokki Jólaskákmóts grunnskóla sem haldið var um helgina.   Sveit Engjaskóla sigraði í stúlknaflokki.  Skáksveit Rimaskóla sigraði svo einnig í eldri flokki. 

Þetta er í 27. sinn sem hið árlega Jólaskákmót grunnskóla í Reykjavík var haldið , í samvinnu  Íþrótta- og tómstundaráðs Reykjavíkur og Taflfélags Reykjavíkur.

Á annað hundrað keppendur voru skráðir til leiks að þessu sinni og var mótið tvískipt að venju. Í yngri flokki, 1. - 7. bekkur, var þátttakan sérlega góð 20 sveitir mættu til leiks og þar af  þrjár hreinar  stúlknasveitir auk þess að fjöldi stúlkna tók þátt í blönduðum sveitum. Þetta er einkar ánægjuleg þróun og gaman að sjá hvað stelpurnar eru að verða margar og góðar í skákinni.

Rétt er að benda á myndaalbúm mótsins.

Í eldri flokki mættu sjö sveitir til leiks, þar af mætti Hólabrekkuskóli með tvær sveitir. Hagaskóli kom skemmtilega á óvart og sýndu skákgyðjunni þá virðingu að mæta snyrtilegastir allra til mótsins. Allir keppendur Hagaskólaliðsins voru klæddir svörtum jökkum, hvítum skyrtum og með hálstau. Fyrir vikið var liðinu veitt sérstök aukaverðlaun sem best klædda lið keppninnar! Það verður sérstaklega að geta þeirra fjögurra skóla sem flestar sveitir áttu á Jólamótinu, þar er skáklíf með miklum blóma og til fyrirmyndar. Auk fyrrnefnds Hólabrekkuskóla, sem sendi alls sex sveitir, skal að sjálfsögðu Rimaskóli nefndur sem sendi fimm sveitir og sigraði í báðum flokkum. Einnig var afbragðsþátttaka  frá Engjaskóla  sem sendi fimm sveitir til leiks og sigraði í stúlknaflokki og Fossvogskóla sem sendi fjögur lið í yngri deild þar af eitt stúlknalið. Röð efstu sveita er sem hér segir:

Eldri  flokkur, 8.- 7.  bekkur

1         Rimaskóli             20½ af 24

1.       Hjörvar Steinn Grétarsson 2. Hörður Aron Hauksson 3. Ragnar Elí Guðmundsson  4. Gunnlaugur Skarphéðinsson

 

2.       Hagaskóli             17½

1.       Mikalel Luis Gunnlaugsson 2. Ólafur Kjaran Árnason 3. Gunnar Thor Örnólfsson 4. Árni Guðbjartsson 1. vm. Jóhannes Bjarki Tómasson 2. vm. Árni Þór Lárusson

 

3.       Laugalækjarskóli  15

1     Örn Leó Jóhannsson 2. Eyjólfur Emil Jóhannsson 3. Gísli Axel ragnarsson 4. Jóhann Karl Hallsson

 

Yngri flokkur opinn,  1. - 7. bekkur

1         Rimaskóli a- sveit            22½ af 24

1.       Dagur Ragnarsson 2. Jón Trausti Harðarson 3. Oliver Aron Jóhansson 4. Patrekur Þórsson

 

2.       Hólabrekkuskóli a- sveit              17½

1.       Dagur Kjartansson 2. Brynjar Steingrímsson 3. Birgir S. Baldvinsson 4. Sverrir Kristjánsson

 

3.       Rimaskóli b- sveit            15½

1.       Friðrik Gunnar Vignisson 2. Kristófer Jóhannesson 3. Jóhann Arnar Finnsson 4. Kjartan Vignisson

 

Yngri flokkur stúlkur,  1. - 7. bekkur

1.       Engjaskóli            13

1.        Elín Nhung Viggósdóttir  2. Eygló Freyja Þrastardóttir 3. Eva Valdís Hákonardóttir 4. Filippía Lind Geirsdóttir 1, vm. Arndís Einarsdóttir

 

2.       Rimaskóli             11

1.       Hrund Hauksdóttir 2. Rakel Rós Halldórsdóttir 3. Svandís Rós Ríkharðsdóttir 4. Sunna Almornik 1. vm. Heiðrún Hauksdóttir

 

3.       Hólabrekkuskóli 10

1.       Emilia Huld Johnsen 2. Donika Kolica 3. Harpa Ingólfsdóttir 4. Selma Þórhallsdóttir

Skákstjórar:  Ólafur H. Ólafsson og Óttar Felix Hauksson TR. Mótsstjóri: Soffía Pálsdóttir ÍTR.

Myndaalbúm mótsins

 

Annþór sigraði á Jólamót Frelsingjans og Hróksins

Jólamót Frelsingjans, skákfélagsins að Litla Hrauni, og Hróksins, var haldið sunnudaginn 7. des.

18 manns tóku þátt og langt síðan svo margir skráðu sig síðast til leiks í skákmóti þar fyrir austan. Ekkert var gefið eftir í þeim sjö umferðum sem tefldar voru enda glæsilegir vinningar, bikar og heiður að veði.

Annþór Kristján Karlsson sýndi glæsileg tilþrif við borðið og stóð að lokum efstur á palli, með bikarinn á lofti en hann hlaut fimm vinninga. Þór Ólíver Gunnlaugsson varð annar með fjóra og Ari Kristján Runólfsson þriðji. Þeir Ingi Páll Eyjólfsson og Jónas Ingi Ragnarsson náðu fjórum vinningum einnig, en voru lægri á stigum.

Bóka- og tónlistarútgáfan SÖGUR gaf öllum þátttakendum glæsilega vinninga og fékk lof fyrir.

 Hrókurinn hefur staðið fyrir æfingum og mótum að Litla Hrauni í tæp fjögur ár og hefur verið farið tvisvar í mánuði. Stór hópur skákmanna og -kvenna hefur tekið þátt í ferðum þessum og að þessu sinni fóru þeir Magnús Matthíasson, varaforseti Skáksambandsins, Arnar Valgeirsson og meistararnir Róbert Harðarson og Hrannar Jónsson.

Tefldu þeir sem gestir og þó Frelsingjarnir hafi teflt af miklum krafti þá verður að geta þess að Róbert -sem á mótinu fékk viðurnefnið "Hakkavélin"- hafði flesta vinninga, sex og hálfan, Hrannar fimm og hálfan og Magnús kom á eftir Annþóri með fimm vinninga. Arnar var nær hinum endanum.

Nafnbirting er með fullu leyfi vinningshafanna.

Minningarmót um Lárus Johnsen

Skákdeild F E B heldur minningarmót um Lárus heitinn Johnsen þriðjudaginn 9 desember sem hefst kl. 13 að Stangarhyli 4.  Tefldar verða 7 umferðir með 15 mínútna umhugsunartíma.

Allir skákmenn 60 ára og eldri velkomnir. Nauðsynlegt að mæta tímanlega.  Mótið byrjar á mínútunni kl 13:00.