Hraðkvöld hjá Helli

Taflfélagið Hellir heldur hraðkvöld mánudaginn 19. janúar og hefst mótið kl. 20:00. Tefldar verða 7 umferðir með sjö mínútna umhugsunartíma.  

Sigurvegarinn fær í verðlaun pizzu frá Dominos Pizzum. Þá hefur einnig verið tekinn upp sá siður að draga út af handahófi annan keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Reykjavíkurskákmótið 2009

Alþjóðlega Reykjavíkurmótið - hið tuttugasta og fjórða í röðinni - fer fram dagana 24.mars til 1.apríl 2009. Vettvangur mótsins er hið glæsilega Hafnarhús Listasafns Reykjavíkur, nánar tiltekið í Portinu, og  hefjast umferðirnar alla daga kl.16.00 sem er breyting frá fyrri árum.  Skákakademía Reykjavíkur sér um skipulagningu mótsins nánu samstarfi við Skáksamband Íslands og taflfélögin í borginni.

Umhugsunartíminn er 90 min. á 40.leiki en að þeim loknum fá keppendur 15 mín. viðbótartíma. Að auki bætast svo við 30 sek. á hvern leik alla skákina.

Á slóðinni http://reykjavikchess.blogspot.com má nálgast upplýsingar um mótið fyrir erlenda gesti. Þar kemur fram að mótið er opið öllum með yfir 2000 skákstig og eingöngu er pláss fyrir um 150 keppendur.  Þeir sem eru undir 2000 stigum og hafa áhuga á því að taka þátt í mótinu eru hvattir til að senda skráningu (nafn, skákstig og símanúmer) á tölvupósti til skipuleggjenda -  undanþágurnar verða margar en að sjálfsögðu ráðast þær af þátttökunni. Almenna reglan er samt sú að Íslendingar verða í forgangi.

Á upplýsingasíðunni má nálgast skráningargjöld fyrir erlenda keppendur en að sjálfsögðu njóta íslenskir keppendur sérstakra kjara. Verðskráin er eftirfarandi:

GM/IM - Frítt

FM/2300+ - 7.500 kr.

2300-2151 - 10.000 kr.

2150-2001 - 12.500 kr.

Undir 2000 - 15.000 kr.

Keppendur 18 ára og yngri / 60 ára og eldri fá 50% afslátt.

Skráning er hafin í gegnum tölvupóst á: reykjavikopen2009(hjá)gmail.com

Guðmundur gerði jafntefli við stórmeistara og endaði í 3.-13. sæti

FIDE-meistarinn Guðmundur Kjartansson (2365) gerði jafntefli við tékkneska stórmeistarann Marek Vokac (2454) í níundu og síðustu umferð Prag sem fram fór í dag.  Guðmundur hlaut 6½ vinning og endaði í 3.-13. sæti.

Sigurvegarar mótsins með sjö vinninga voru búlgarski stórmeistarinn Miko Popchev (2444) og tékkneski alþjóðlegi meistarinn Stepan Zilka (2471). 

Frammistaða Guðmundar samsvaraði 2392 skákstigum og hækkar hann um 8 stig fyrir frammistöðu sína.  Guðmundur nálgast því óðfluga 2400 stiga múrinn en hann hækkaði um 15 stig á Hastings-mótinu.  Helsta vandamál Guðmundar virðist vera önnur umferð en bæði í Hastings og Prag tapaði hann fyrir mun stigalægri andstæðingum í þeirri umferð.

Alls tóku 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur var sextándi stigahæsti keppandinn.

• Heimasíða mótsins
• Chess-Results

Atli Freyr sigraði á fimmtudagsmóti TR

Atli Freyr Kristjánsson mætti dýrvitlaus á fimmtudagsmót TR í gærkvöldi eftir að hafa gert jafntefli við hinn efnilega TR-ing, Þóri Ben, kvöldið áður.  Atli át hvern andstæðinginn á fætur öðrum upp til agna og sigraði með fullu húsi eða níu vinningum, tveimur vinningum meira en fyrrverandi hraðskákmeistari TR, Kristján Örn Elíasson.  Það var svo enginn annar en formaðurinn sjálfur, Óttar Felix Hauksson, sem tók þriðja sætið með 6,5 vinning en hann hefur verið í mikilli framför að undanförnu.

Úrslit:

• 1. Atli Freyr Kristjánsson 9 v af 9
• 2. Kristján Örn Elíasson 7 v
• 3. Óttar Felix Hauksson 6,5 v
• 4.-5. Matthías Pétursson, Páll Andrason 6 v
• 6.-8. Jón Gunnar Jónsson, Guðmundur Kr. Lee, Pétur Axel Pétursson 5 v
• 9.-11. Tjörvi Schiöth, Finnur Kr. Finnsson, Jon Olav Fivelstad 3,5 v
• 12. Elmar Oliver Finnsson 2 v
• 13. Árni Elvar Árnason 1 v

Áramótanámskeið Skákskólans hefjast á Akureyri í dag

Afráðið hefur verið að hefðbundið áramóta-námskeið Skákskóla Íslands fari fram á Akureyri dagana 16. - 18. janúar nk. Miðast námskeiðshaldið við þarfir drengja og stúlkna á Norðurlandi. Það er haldið í samstarfi við Skákfélag Akureyrar í húsakynnum félagsins.

Barna- og unglinganámskeiðið verður með hefðbundnum hætti. Það hefst laugardaginn 17. janúar kl. 11 stundvíslega og stendur til kl. 16 með matarhléi kl. 12 og kaffihléi um kl. 15. Sunnudaginn 18. janúar hefst námskeiðið kl. 10 og stendur með stuttum hléum til kl. 16.

Aðalkennari verður Helgi Ólafsson stórmeistari og skólastjóri Skákskóla Íslands.

Þar sem listi yfir væntanlega þátttakendur liggur ekki fyrir sendum við þér ramma yfir dagskrá námskeiðsins. Gert er ráð fyrir skiptingu eftir aldri en gera má ráð fyrir að styrkleiki þátttakenda ráðist af einhverju leyti af aldri þeirra.

Föstudagur 16. janúar

Kl. 20 - 22. Æfing fyrir bestu ungu skákmenn Akureyringa

Laugardagur 17. janúar:

Kl. 11-12. Kennsla.

Kl. 12- 13. Hádegisverður fyrir alla þátttakendur.

Kl. 13 - 15. Kennsla.

Kl. 15 - 15.30. Kaffitími.

Kl. 15.30 - 16.30. Skákmót beggja flokka.

Kl. 17. - 19. Æfing fyrir bestu ungu skákmenn Akureyringa

Sunnudagur 18. janúar.

Kl. 10-12. Kennsla.

Kl. 12 - 13. Hádegisverður fyrir alla þátttakendur

Kl. 13 - 15. Kennsla

Kl. 15-15. 30. Kaffitími.

Kl. 15.3-16.30. Skákmót og verðlaunaafhending.

Kl 20 - 23. Klukkufjöltefli við bestu skákmenn Norðlendinga. 

Björn Ívar, Sigurjón, Sverrir og Ólafur Týr efstir á Skákþingi Vestmannaeyja

Önnur umferð Skákþing Vestmannaeyja var tefld í kvöld. Flest úrslit voru eftir bókinni, að því undanskildu að Stefán Gíslason sigraði Einar B. Guðlaugsson í hörkuskák.  Björn Ívar Karlsson, Sigurjón Þorkelsson, Sverrir Unnarsson og Ólafur Týr Guðjónsson eru efstir og jafnir með fullt hús.  Þriðja umferð fer fram á sunnudagskvöld.

Úrslit annarrar umferðar:

 

Bo.	Name	Res.	Name
1	Bjorn Ivar Karlsson	1  -  0	Nokkvi Sverrisson
2	Thorarinn I Olafsson	0  -  1	Sigurjon Thorkelsson
3	Sverrir Unnarsson	1  -  0	Karl Gauti Hjaltason
4	Stefan Gislason	1  -  0	Einar B Gudlaugsson
5	Olafur Tyr Gudjonsson	1  -  0	Valur Marvin Palsson
6	Dadi Steinn Jonsson	½  -  ½	Kristofer Gautason
7	Sigurdur Arnar Magnusson	0  -  1	Olafur Freyr Olafsson
8	Bjartur Tyr Olafsson	1  -  0	Jorgen Freyr Olafsson
9	Johannes Sigurdsson	1  -  0	Agust Mar Thordarson
10	David Mar Johannesson	½  -  ½	Robert Aron Eysteinsson
11	Larus Gardar Long	0  -  1	Eythor Dadi Kjartansson
	Tomas Aron Kjartansson	1  -  -	Bye

Pörun þriðju umferðar, sunnudag kl. 19:30:

 

Bo.	Name	Res.	Name
1	Sverrir Unnarsson		Bjorn Ivar Karlsson
2	Sigurjon Thorkelsson		Olafur Tyr Gudjonsson
3	Dadi Steinn Jonsson		Stefan Gislason
4	Einar B Gudlaugsson		Olafur Freyr Olafsson
5	Nokkvi Sverrisson		Bjartur Tyr Olafsson
6	Valur Marvin Palsson		Thorarinn I Olafsson
7	Karl Gauti Hjaltason		Johannes Sigurdsson
8	Kristofer Gautason		Tomas Aron Kjartansson
9	Eythor Dadi Kjartansson		David Mar Johannesson
10	Robert Aron Eysteinsson		Sigurdur Arnar Magnusson
11	Agust Mar Thordarson		Larus Gardar Long
	Jorgen Freyr Olafsson		Bye

 

Heimasíða TV

Guðmundur gerði jafntefli við stórmeistara í Prag og er í 2.-9. sæti

FIDE-meistarinn Guðmundur Kjartansson (2365) gerði jafntefli við pólska stórmeistarann Miroslav Grabarczyk (2477).  Guðmundur hefur 6 vinninga og er í 2.-9. sæti.

Efstur er tékkneski alþjóðlegi meistarinn Stepan Zilka (2471) með 6½ vinning.

Í níundu og síðustu umferð, sem fram fer í fyrramálið, teflir Guðmundur við tékkneska stórmeistarann Marek Vokac (2454),

Alls taka 116 manns þátt í mótinu og þar af 5 stórmeistarar og 16 alþjóðlegir meistarar.  Guðmundur er sextándi stigahæsti keppandinn.

• Heimasíða mótsins
• Chess-Results

Skeljungsmótið: Pörun þriðju umferðar

Sigríður Björg Helgadóttir (1646) vann Elmar Oliver Finnsson í frestaðri skák í kvöld úr 2. umferð Skeljungsmótsins - Skákþings Reykjavíkur.  Nú liggur fyrir röðun í 3. umferð, sem fram fer annað kvöld.

Pörun þriðju umferðar:

Bo.	Name	Rtg	Result	Name	Rtg
1	Bergsson Stefan	2079		Gretarsson Hjorvar Steinn	2279
2	Leosson Torfi	2155		Gardarsson Hordur	1951
3	Valtysson Thor	2099		Jonsson Olafur Gisli	1913
4	Thorsteinsdottir Hallgerdur	1951		Thorgeirsson Sverrir	2094
5	Sigurdsson Pall	1854		Baldursson Hrannar	2080
6	Bjornsson Sigurbjorn	2324		Kristjansson Atli Freyr	2105
7	Edvardsson Kristjan	2253		Asbjornsson Ingvar	2029
8	Benediktsson Frimann	1939		Halldorsson Halldor	2201
9	Olafsson Thorvardur	2182		Arnalds Stefan	1953
10	Benediktsson Thorir	1907		Bjornsson Sverrir Orn	2161
11	Bjarnason Saevar	2211		Brynjarsson Helgi	1949
12	Johannsdottir Johanna Bjorg	1724		Johannesson Ingvar Thor	2345
13	Helgadottir Sigridur Bjorg	1646		Ptacnikova Lenka	2249
14	Ragnarsson Johann	2118		Johannsson Orn Leo	1708
15	Omarsson Dadi	2091		Brynjarsson Eirikur Orn	1641
16	Kristinsson Bjarni Jens	1959		Stefansson Fridrik Thjalfi	1640
17	Lee Gudmundur Kristinn	1499		Haraldsson Sigurjon	1947
18	Sigurdsson Birkir Karl	1435		Sigurjonsson Siguringi	1904
19	Magnusson Patrekur Maron	1902		Andrason Pall	1564
20	Fridgeirsson Dagur Andri	1787		Kjartansson Dagur	1483
21	Schmidhauser Ulrich	1360		Kristinardottir Elsa Maria	1769
22	Einarsson Bardi	1767		Schioth Tjorvi	1375
23	Thrainsson Birgir Rafn	0		Traustason Ingi Tandri	1750
24	Grimsson Grimur	1690		Finnbogadottir Tinna Kristin	1660
25	Thorsteinsdottir Gudlaug	2134		Fridgeirsson Hilmar Freyr	0
26	Axelsson Gisli Ragnar	0		Hauksdottir Hrund	1350
27	Kristbergsson Bjorgvin	1275		Hallsson Johann Karl	0
28	Hafdisarson Ingi Thor	0		Finnbogadottir Hulda Run	1210
29	Johannesson Petur	1035		Ingolfsson Olafur Thor	0
30	Johannesson Kristofer Joel	0		Arnason Arni Elvar	0
31	Johannesson Oliver	0		Finnsson Elmar Oliver	0

• Heimasíða TR
• Chess-Results

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

 

Minningarmót um Jón Þorsteinsson

Minningarmót um Jón Þorsteinsson skákmeistara, lögfræðing og alþingismann fer fram 21. og 22. febrúar nk. í Menntaskólanum við Hamrahlíð. Jón, sem lést árið 1994, hefði orðið 85 ára 21. febrúar nk. ef hann hefði lifað. Afar góð verðlaun eru í boði en heildarverðlaun nema um 600.000 krónum. Taflfélag Reykjavíkur og Taflfélagið Hellir standa fyrir mótinu í samvinnu við syni Jóns.

Heimasíðu mótsins má finna hér og þar má jafnframt finna skráningarform.  Lista yfir skráða keppendur má finna hér.

Gera má ráð fyrir að flestir sterkustu skákmenn þjóðarinnar taki þátt í mótinu. Ekki verður teflt frá upphafsstöðu heldur mun sérstök mótsnefnd velja 9 upphafsstöður sem tefldar verða í hverri umferð og verður upphafsstaðan kynnt í upphafi hverrar umferðar. Þetta er sama fyrirkomulag og var í fyrsta minningarmótinu um Jón Þorsteinsson. Alls verða tefldar 9 umferðir, fimmtán mínútur á hvern keppanda, og verða tvær skákir tefldar í hverri umferð svo allir fá hvítt og svart með hverja upphafsstöðu. Stöðurnar verða valdar með það í huga að „teóríuhestarnir" hafi ekki of mikið forskot á aðra og jafnframt reyni á hæfileika manna til að tefla mjög ólíkar stöður.

Taflið hefst á laugardeginum kl. 14 og verða þá tefldar 4 umferðir. Taflið á sunnudeginum hefst kl. 13 og verða þá tefldar 5 síðustu umferðirnar.

Þátttökugjald er kr. 1.000 fyrir fullorðna en kr. 500 fyrir 15 ára og yngri. 

Æviágrip á Jóns má finna á heimasíðu Alþingis

Verðlaun:

Almenn verðlaun (allir):

1. 150.000
2. 100.000
3. 75.000
4. 50.000
5. 25.000

Margvísleg aukaverðlaun er í boði:

Skákstig 1901-2200:

1. 22.000
2. 20.000

Skákstig 1601-1900:

1. 19.000
2. 17.000

1600 skákstig og minna:

1. 16.000
2. 14.000

50 ára og eldri:

1. 20.000
2. 15.000

16 ára og yngri (fædd 1993 og síðar):

1. 15.000
2. 10.000

Aukaverðlaun fyrir flesta 2-0 sigra:

1. 30.000

Öll verðlaun skiptast séu 2 eða fleiri jafnir.